2 Chamué 18:2 - Tupanaarü Ore

² Rü yemawena rü tomaepü̱xtücumügu nayayauxye ga norü churaragü. Rü wüxitücumümaxã inacua̱x ga Yoá. Rü totücumümaxã inacua̱x ga Abichái ga Cheruiá nane ga Yoáenexẽ ixĩcü. Rü yema totücumümaxã inacua̱x ga Itái ga ĩane ga Gáxcüã̱x ixĩcü. Rü ñu̱xũchi ga nüma ga Dabí rü guxü̃ma ga yema norü churaragüxü̃ ñanagürü: —Choma rü tá ta pexü̃ íchixümücü i daiwa —ñanagürü.

2 Chamué 18:2 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:16

Rü yexgumatama ga nüma ga Yedeóü̃ rü tomaepü̱xtücumügu nayatoye ga yema 300 ga norü duü̃xü̃gü. Rü carnéruchatacu̱xre nüxü̃ ninu, rü ñu̱xũchi tü̃xü̃gü ga aixepewa ixomüã́xü̃ nüxü̃ ninu.

Wiyaegü 3:6

Rü tama naxca̱x chamuü̃ i ngẽma muxũchixü̃ i chorü uanügü i choxü̃ íchomaeguãchixü̃ nax choxü̃ yama̱xgüxü̃ca̱x.

2 Chamué 17:11

Rü ngẽma ñu̱xma cumaxã nüxü̃ chixuxü̃ nixĩ nax cugüxü̃tagu cungutaque̱xexẽẽxü̃ i guxü̃ma i Iraétanüxü̃. Rü Dáü̃anewa inaxügü rü ñu̱xmata Bechébaanewa nangu rü ngẽmaãcü tá namuxũchi i Iraétanüxü̃ i ñoma márcutüwa ngẽxmacü ya naxnücüte̱xerüxü̃. Rü ngẽma daiwa rü name nixĩ i cuma namaxã icucua̱x.

1 Chamué 11:11

Rü moxü̃ãcü rü nüma ga Chaú rü norü churaragüxü̃ mea ininu, rü tomaepü̱xtücumügu nayayauxye. Rü naxü̃pa ga nax yangóonexü̃ rü norü uanügü ípegüxü̃gu nachocu. Rü nanadai ga guxü̃ma ga Amóü̃tanüxü̃ ñu̱xmata tocuchiwa nangu. Rü yema maxẽxü̃, rü nügümaxã nanawoone, rü yemaca̱x taxuxü̃ma ãmücüxü̃ niña.

Ãẽ̱xgacügü ga guxchaxü̃güarü mexẽxẽruü̃gü 9:43

Rü yemaca̱x tomaepü̱xgu nayayauxgü ga norü churaragü rü naanegu nayacu̱xgüxẽxẽ. Rü yexguma nüxü̃ nadaugügu ga duü̃xü̃gü ga Chiquéü̃cüã̱xgü ga ĩanewa nax ínachoxü̃xü̃, rü nüma ga yema íyacu̱xgüxü̃wa rü nichoxü̃, rü tüxü̃ nadai ga guxema Chiquéü̃cüã̱xgü.

Ãẽ̱xgacügü ga guxchaxü̃güarü mexẽxẽruü̃gü 7:19

Rü yemaacü ga Yedeóü̃ rü yema 100 ga yatügümaxã rü ngãxü̃cüxü yema Madiáü̃tanüxü̃ ípegüxü̃arü tocüwawa nangugü ga yexguma nügü ínaxüchicüügüyane ga yema dauxü̃taegüxü̃. Rü ñu̱xũchi ga Yedeóü̃ rü namücügü rü nagu nicuegü ga norü carnéruchatacu̱xregü rü nayapuexẽxẽ ga yema tü̃xü̃gü nax nangóxü̃ca̱x ga yema omüemagü ga yanaxü̃.

2 Chamué 23:18

Rü nüma ga Cheruiá nane ga Abichái ga Yoáenexẽ nixĩ ga yema 30 ga churaragü ga iporaxüchixü̃maxã inacuáxü̃. Rü wüxicana ga Abichái rü 300 ga yatügümaxã nügü nadai. Rü norü wocaemaxã nanadai ga guxü̃ma. Rü yema nax naxüxü̃ca̱x rü natachiga natanüwa ga yema 30 ga iporaxüchixü̃.

Nüxíraxü̃xü̃ ga popera ga ãẽ̱xgacügüchiga 2:28

Rü Yoá ga churaragümaxã icuáxü̃ rü Adoníawaama naxǘ, natürü ga ü̃pa rü woetama taguma Acharóü̃wa naxǘ. Rü yexguma Yoá nüxü̃ cuáchigagu ga yema Adoníamaxã naxueguxü̃ ga Charomóü̃, rü Tupanapataarü ãmarearü guruü̃ca̱x niña rü norü cuipe̱xegu nayayauxãchi nax yemaacü nügü ínapoxü̃xü̃ca̱x.

2 Chamué 8:16

Rü norü churaragümaxã icuáxü̃ nixĩ ga Yoá ga Cheruiá nane. Rü ãẽ̱xgacüarü poperaarü ümatüruxü̃ nixĩ ga Yochapáx ga Ailúx nane.

2 Chamué 21:17

Natürü nüma ga Abichái ga Cheruiá nane rü yéma naña rü Dabíxü̃ nayarüngü̃xẽxẽ, rü yema Firitéuxü̃ nima̱x. Rü ñu̱xũchi Dabíarü churaragüerugü rü Dabíxü̃ inaxunetagüxẽxẽ nax taguma wena daiwa nawe naxũxü̃ca̱x nax ngẽmaãcü tama nayuxü̃ca̱x ya Iraéanearü ãẽ̱xgacü.