2 Chamué 17:9 - Tupanaarü Ore

⁹ Rü ñu̱xmatama rü marü ãxmaxü̃gu rüe̱xna to i nachicagu nicu̱x. Rü to i cumaxã nüxü̃ chixuxü̃ nixĩ nax ngẽxguma tá nüxü̃ yaxugüegu nax ngẽma nuxíraxü̃xü̃ i daigu nayuexü̃ i nümaxü̃ i curü churaragü, rü ngẽxguma i duü̃xü̃gü rü tá nagu narüxĩnüe nax Dabí nüxü̃ rüporamaexü̃ i curü churaragü.

2 Chamué 17:9 Referans Kwoze

1 Chamué 24:3

Rü yexguma yexma naxĩxgu ga Chaú, rü yexma nüxü̃ nangau ga ñuxre ga carnérutücumügü norü ngaicamagu ga wüxi ga ma̱xpǘnearü ãxmaxü̃ ga nagu yacúxü̃ ga Dabí norü churaragümaxã. Rü nüma ga Chaú rü yema ãxmaxü̃gu nangaxi nax yexma íyawo̱xéxü̃ca̱x.

1 Chamué 22:1

Rü nüma ga Dabí rü nixũchigü ga yéma, rü ãxmaxü̃ ga Aduráü̃gu nayarücu̱x. Rü yexguma naenexẽgü rü guxü̃ma ga natanüxü̃ nüxü̃ cua̱xgügu rü naxü̃tawa naxĩ rü nayaxümücügü.

Yochué 8:6

Rü ngẽxguma i nümagü rü tá towe nangẽgü erü tá nagu narüxĩnüe nax noxrirüxü̃ naxcha̱xwa ibuxmüxü̃ i yixema.

Yochué 7:5

Rü 36 ga Iraétanüxü̃xü̃ nadai, rü yema togü rü nawe nangẽgü ñu̱xmata guma ĩanearü ĩxpemawa nangugü, rü yexma norü tuãchianexü̃gu nayadai. Rü yemaca̱x ga Iraétanüxü̃ rü narümaachitanü rü poraãcü namuü̃e.

2 Chamué 17:8

Cuma rü nüxü̃ cucua̱x ya cunatü rü ngẽma norü duü̃xü̃gü rü nax naporaexü̃. Rü ñu̱xma rü ñoma wüxi i osu i naixnecücüã̱x i düraxü̃ naxacü nüxna tüxü̃ ipuxü̃xü̃rüxü̃ nanue. Rü ñu̱xũchi cunatü rü wüxi i yatü i marü daixü̃ cuáxü̃ nixĩ rü ñaa chütaxü̃ rü taxũtáma norü duü̃xü̃gütanüwa nangẽxma.

2 Chamué 17:10

Rü woo ngẽma curü churaragü i nügü írüporaexü̃ rü ñoma leóü̃ idüxraxü̃rüxü̃ ixĩgüxü̃ rü tá poraãcü nüxü̃ ínayamuü̃ãchitanü, erü guxü̃ma i Iraéanecüã̱xgü rü nüxü̃ nacua̱xgü rü cunatü rü norü churaragü rü nax naporaexüchixü̃.

Yeremía 41:9

Yema ãxmaxü̃gu nixĩ ga Ismaé yata̱xcuchiãxü̃ ga Guedaríaxü̃ne rü naxü̃negü ga guxü̃ma ga yema togü ga yatügü ga nada̱i̱xü̃. Rü yema ãxmaxü̃ nixĩ ga Yudáanearü ãẽ̱xgacü ga Achá üxü̃ ga yexguma nügü ínapoxü̃gu naxcha̱xwa ga Iraéanearü ãẽ̱xgacü ga Baachá. Rü yema ãxmaxü̃ rü nataxüchi, natürü namaxã naxããcu ga naxü̃negü ga yema yatügü ga Ismaé daixü̃.

1 Chamué 23:22

¡Rü ẽcü pewoegu i ñu̱xmax, rü mea naxca̱x peyada̱u̱x i ngẽma nachica i nawa nangẽxmaxü̃! Rü ngẽxguma nüxü̃ ipeyangauxgu rü ¡chomaxã nüxü̃ peyarüxu! Erü nüma rü naãxẽxü̃ nacua̱xüchi.