2 Chamué 16:9 - Tupanaarü Ore

⁹ Rü yexguma ga Abichái ga Cheruiá nane rü ãẽ̱xgacü ga Dabíxü̃ ñanagürü: —Pa Ãẽ̱xgacüx ¿tü̱xcüü̃ taxu ñacurügümare nüxü̃ i ñaa yatü i tama naãxẽxü̃ cuáxü̃ nax ta̱xacü cumaxã yaxugüxü̃? ¡Rü choxü̃ namu nax chayadaeeruxü̃ca̱x! —ñanagürü.

2 Chamué 16:9 Referans Kwoze

Ínachoxü̃xü̃chiga 22:28

Rü choma ya Cori ya Tupana rü tama chanaxwa̱xe i chixri chauchiga quidexa, rü tama name i ta̱xacü namaxã quixugü i ngẽma perü ãẽ̱xgacü.

2 Chamué 9:8

Natürü nüma ga Mepi-bóchex rü ãẽ̱xgacüpe̱xegu nanangücuchi rü ñanagürü nüxü̃: —¿Tü̱xcüü̃ chaugu curüxĩnü i choma i curü duü̃xü̃ chixĩxü̃, Pa Ãẽ̱xgacüx, ega ngẽxguma taxuwama cuxü̃́ chamexgux? —ñanagürü.

2 Chamué 3:8

Rü yemaca̱x ga Abnéx rü poraãcüma Ibóchexmaxã nanu naxca̱x nax nüxü̃ nax naxoregüxü̃. Rü nanangãxü̃ rü ñanagürü: —¿Ẽ̱xna wüxi i airumare i Yudáca̱x puracüxü̃ chixĩ? Choma rü aixcüma mea cunatü ga Chaúga chaxĩnü, rü natanüxü̃axü̃́, rü namücügüaxü̃́ chapuracü. Rü ñu̱xũchi tama Dabíme̱xẽgu cuxü̃ changu̱xẽxẽ. ¿Rü tü̱xcüü̃ i ñu̱xma rü choxü̃ quixu nax ngẽma ngexü̃maxã pecadu chaxüxü̃?

1 Chamué 24:14

¿Rü ñu̱xma rü texéwe nixĩ i nangexü̃ ya Iraéanearü ãẽ̱xgacü? ¿Rü texéwe nixĩ i yangẽchigüxü̃? Chowe nixĩ erü ñoma wüxi i airu i yuxü̃rüxü̃ chixĩ. Rü wüxi i naixchinawe i taxuwama mexü̃rüxü̃ chixĩ naxca̱x!

Nüxíraxü̃xü̃ ga popera ga Pedru ümatüxü̃ 2:17

Rü name nixĩ i mea penayauxgü i guxü̃ma i duü̃xü̃gü. ¡Rü nüxü̃ pengechaxü̃ i taenexẽgü i yaxõgüxü̃! ¡Rü nüxü̃ pemuü̃e ya Tupana! ¡Rü naga pexĩnüe ya yimá ãẽ̱xgacü ya Rómawa ngẽxmacü!

Ngechuchuarü ngúexü̃gü ga yamugüxü̃arü puracüchiga 23:5

Rü Pauru nanangãxü̃, rü ñanagürü: —Tama nüxü̃ chacua̱x, Pa Chautanüxü̃x, nax chacherdótegüaru ãẽ̱xgacü yixĩxü̃. Erü Tupanaarü ore i ümatüxü̃wa nüxü̃ tadau rü ñanagürü: “¡Tama curü ãẽ̱xgacümaxã chixexü̃ quixugü!” —ñanagürü.

Ore i mexü̃ ga Luca ümatüxü̃ 9:54

Rü yexguma yemaxü̃ nadaugügu ga norü ngúexü̃gü ga Chantiágu rü Cuáü̃, rü ñanagürügü Ngechuchuxü̃: —Pa Corix, ¿cunaxwa̱xexü̃ nax Tupanana naxca̱x tacaxü̃ nax daxũwa ne namuaxü̃ca̱x ya üxü nax nagu̱xẽẽãxü̃ca̱x i guxü̃ma i ñaa duü̃xü̃gü, yema nũxcümaü̃cü ga Tupanaarü orearü uruxü̃ ga Ería üxü̃rüxü̃? —ñanagürügü.

2 Chamué 3:30

Yoá rü Abichái nixĩ ga Abnéxü̃ ima̱xgüxü̃, yerü yexguma Gabaóü̃gu nügü nadaixgu rü naenexẽ ga Achaéxü̃ nima̱x ga Abnéx.

2 Chamué 19:21

Rü yexguma ga Abichái ga Cheruiá nane, rü Dabíxü̃ ñanagürü: —¿Name nax nayuxü̃ i Chimí, erü chixexü̃ nixugü cumaxã, Pa Ãẽ̱xgacüx, nax Tupana cuxü̃ unetaxü̃ nax ãẽ̱xgacü quixĩxü̃? —ñanagürü.

2 Chamué 19:22

Natürü nüma ga Dabí rü nanangãxü̃ rü ñanagürü —Ñaa rü tama perü guxcha nixĩ, Pa Cheruiá Nanegüx. ¿Rü tü̱xcüü̃ ñoma chorü uanügürüxü̃ pegü pixĩxẽxẽgü? Choma rü meama nüxü̃ chacua̱x nax woetama Iraéanecüã̱xgüarü ãẽ̱xgacü nax chixĩxü̃. Rü ngẽmaca̱x i ñaa ngunexü̃gu rü taxúetama tayu —ñanagürü.