2 Chamué 16:8 - Tupanaarü Ore

⁸ Ñu̱xma rü Tupana cuxü̃ napoxcu yerü cuma rü cunadai ga Chaútanüxü̃ nax cuma nachicüxü ãẽ̱xgacü quixĩxü̃ca̱x. Rü ngẽmaca̱x i ñu̱xma rü Cori ya Tupana rü cune ya Acharóü̃xü̃ ningucuchixẽxẽ nax ãẽ̱xgacü yixĩxü̃ca̱x. Rü ngẽma nixĩ i curü natanü erü wüxi i máetaxü̃ quixĩ —ñanagürü.

2 Chamué 16:8 Referans Kwoze

2 Chamué 1:16

Rü yexguma yema Amaréxtanüxü̃xü̃ yama̱xyane, rü nüma ga Dabí rü ñanagürü nüxü̃: —Cugagutama nixĩ i cuyuxü̃ erü cugütama quixu nax cuyamáxü̃ ya yimá ãẽ̱xgacü ga Cori ya Tupana nüxü̃ unetacü —ñanagürü.

Ãẽ̱xgacügü ga guxchaxü̃güarü mexẽxẽruü̃gü 9:24

Rü yemaacü nüxü̃ nangupetü ga Abimeréx nax naxütanüãxü̃ca̱x ga yema chixexü̃ ga naxüxü̃ ga yexguma 70 ga Yedeóü̃ nanexü̃ nadaixgu. Rü yematama nüxü̃ nangupetü ga Chiquéü̃cüã̱xgü nax naxütanügüãxü̃ca̱x nagagu nax Abimeréxü̃ nangü̃xẽẽgüxü̃ nawa ga yéma máeta.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6

Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Wiyaegü 4:2

Rü pema nax petachigaxü̃ ¿rü ñuxguxüratáta i nüxü̃ perüxoexü̃ nax choxü̃ picugüexü̃ rü ãne choxü̃ pingexẽẽxü̃? ¿Rü ñuxguxüratáta i nüxna pixĩgachixü̃ nax nagu pemaxẽxü̃ i pecümagü i chixexü̃ i taxuwama mexü̃ rü natüca̱xmamare ixĩxü̃?

Wiyaegü 3:2

Rü namuxũchi i ngẽma chauchigagu ñagüxü̃: —Tupana rü taxũtáma ínanapoxü̃ —ñagüxü̃.

2 Chamué 21:9

Rü yemagü nixĩ ga Gabaóü̃cüã̱xgüna namugüxü̃. Rü nümax ga Gabaóü̃cüã̱xgü rü wüxi ga ma̱xpǘnegu nayanawe̱xgünaxãgü nape̱xegu ga Cori ya Tupana. Rü yemaacü wüxigu nanadai ga yema 7 yexguma chebádaarü buxgü ixügügu.

2 Chamué 19:21

Rü yexguma ga Abichái ga Cheruiá nane, rü Dabíxü̃ ñanagürü: —¿Name nax nayuxü̃ i Chimí, erü chixexü̃ nixugü cumaxã, Pa Ãẽ̱xgacüx, nax Tupana cuxü̃ unetaxü̃ nax ãẽ̱xgacü quixĩxü̃? —ñanagürü.

2 Chamué 21:1

Yexguma Dabí ãẽ̱xgacü ixĩxgu rü 3 ga taunecü taiya nangu̱x. Rü nüma ga Dabí rü Cori ya Tupanamaxã nidexa. Rü nüma ga Cori ya Tupana rü Dabíxü̃ nangãxü̃ rü ñanagürü nüxü̃: —Ngẽma nax taiya ngúxü̃ rü nüma ga Chaú rü natanüxü̃ máetagüxü̃gagu nixĩ, yerü nanadai ga muxü̃ma ga Gabaóü̃cüã̱xgü —ñanagürü nüxü̃.

Wiyaegü 55:3

Rü ngẽma chorü uanügü rü choxü̃ naxãxũnegü, rü ngẽma chixexü̃gu rüxĩnüexü̃ rü chomaxã nanue. Rü nümagü rü ngúxü̃ choxü̃ ningexẽẽgü. Rü norü numaxã chomaxã naguxchigagü.

2 Chamué 19:19

Rü ñanagürü: —Pa Ãẽ̱xgacüx, ¡choxü̃ nangechaü̃ rü choxü̃́ nüxü̃ rüngüma ga yema chixexü̃ ga cupe̱xewa chaxüxü̃ ga yexguma Yerucharéü̃wa ícuxũxũxgu! ¡Rü taxṹ i chauxchi cuxaixü̃!

Nüxíraxü̃xü̃ ga popera ga ãẽ̱xgacügüchiga 2:8

¡Rü nagu rüxĩnü nax cuxü̃tawa nangẽxmaxü̃ i Chimí i Guerá nane! Rü nüma i Guerá rü Bauríü̃cüã̱x i Bẽyamíü̃tanüxü̃ nixĩ. Rü nüma ga Chimí rü poraãcü chixexü̃ chomaxã nixugü ga yexguma Maanaíü̃wa chaxũxgu. Natürü ga yixcaama rü natü ya Yudáü̃cutüwa rü meama choxü̃ nayaxu. Rü yemaca̱x ga choma rü Tupanaégagu namaxã chanaxuegu nax taxũtáma chayamáxü̃.

Wiyaegü 7:4

Rü ngẽxguma chomücü mexü̃ choxü̃́ üxgu, rü taguma chixexü̃maxã tüxü̃́ chanatáeguxẽxẽ. Rü taguma ngürümare guxchaxü̃ chorü uanüca̱x íchanguxẽxẽ.

Ucu̱xẽgüchiga 26:2

Ngẽma weri i nu ne nañamarexü̃, rü ngẽma chiru i ngexchiãxü̃ rü taxuwama nangu erü nangechica. Rü ngẽxgumarüxü̃ ta taxũtáma tüxna nangu i ngẽma chixexü̃ i togü tamaxã ueguxü̃ ega taxuxü̃ma i chixexü̃ ixüxgu.