2 Chamué 16:7 - Tupanaarü Ore

⁷ Rü yemaacü chixexü̃ Dabímaxã nixugü rü ñanagürü: —¡Ixũgachi i nua, Pa Máetaxü̃ rü Chixexü̃arü Üruxü̃x!

2 Chamué 16:7 Referans Kwoze

Wiyaegü 51:14

Pa Tupana ya Chorü Maxẽxẽruxü̃x ¡choxü̃ ínanguxuchixẽxẽ nax yexü̃cürü nagü ichanabaxẽxẽxü̃! Rü choma rü wiyaeãcüma tá nüxü̃ chixu nax cuma rü aixcümacü quixĩxü̃.

Wiyaegü 5:6

Rü ngẽma idorata̱a̱xgüxü̃ rü icuyanaxoxẽxẽ. Rü cuma rü nüxü̃ cuxo i ngẽma womüxẽẽwa̱xegüxü̃ rü máetagüxü̃.

Nüxíraxü̃xü̃ ga popera ga ãẽ̱xgacügüchiga 21:13

Rü nüma ga yema taxre ga yatügü rü guxü̃ma ga duü̃xü̃güpe̱xewa doraxü̃mare nixugüe Nabúchiga. Rü ñanagürügü: —Ñaa Nabú rü Tupanamaxã naguxchiga rü ãẽ̱xgacü ya Acáxmaxã rü ta naguxchiga —ñanagürügü. Rü yexguma nüxü̃ naxĩnüegu ga duü̃xü̃gü, rü Nabúxü̃ niyauxgü rü ĩanepemawa nanagáuchigügü. Rü yexma nutamaxã ínanamuxũchigü rü yemaacü nayama̱xgü.

2 Chamué 12:9

¿Rü tü̱xcüü̃ tama naga cuxĩnü i chorü ore, rü cunaxü i ngẽma tama chauãẽwa mexü̃? Rü cuma rü Amóü̃tanüxü̃arü taramaxã cuyama̱x ya Uría ya Itítanüxü̃ rü naxma̱xca̱x cungĩ̱x.

2 Chamué 3:37

Rü yema ngunexü̃gu rü guxü̃ma ga Iraétanüxü̃ nayaxõgü nax tama ãẽ̱xgacü ga Dabígagu yixĩxü̃ ga nax nayuxü̃ ga Abnéx ga Néx nane.

1 Chamué 25:17

Natürü yimá cute rü nachixecümaxü̃chi rü ngẽmaca̱x taxuacüma texé mea namaxã tidexa. ¡Rü nagu rüxĩnü nax ta̱xacü tá cuxüxü̃! Erü aixcüma tá cuteca̱x rü guxü̃ma i natanüxü̃ca̱x ínayagoõchi i Dabí —ñanagürü ngĩxü̃.

1 Chamué 2:12

Rü yema Erí nanegü rü poraãcüma chixexü̃gu namaxẽ rü tama Cori ya Tupanaxü̃ nacua̱xgüchaü̃.

2 Chamué 19:21

Rü yexguma ga Abichái ga Cheruiá nane, rü Dabíxü̃ ñanagürü: —¿Name nax nayuxü̃ i Chimí, erü chixexü̃ nixugü cumaxã, Pa Ãẽ̱xgacüx, nax Tupana cuxü̃ unetaxü̃ nax ãẽ̱xgacü quixĩxü̃? —ñanagürü.

2 Chamué 20:1

Rü yéma nayexma ga wüxi ga Bẽyamíü̃tanüxü̃ ga chixexü̃gu rüxĩnüxü̃ ga Chebágu ãégaxü̃. Rü nüma ga Chebá ga Biquirí nane ixĩxü̃ rü duü̃xü̃güxü̃ namu nax Dabímaxã nanuexü̃ca̱x. Rü ñanagürü: —Yixema rü taxuxü̃ma tüxna naxǘ i naxü̃tawa i Dabí i Ichaxí nane. Rü ngẽmaca̱x ngĩxã rü nüxna tixĩgachi, Pa Iraéanecüã̱xgüx, rü guxãma i pema rü noxtacüma pepataca̱x pewoegu —ñanagürü.

Wiyaegü 55:3

Rü ngẽma chorü uanügü rü choxü̃ naxãxũnegü, rü ngẽma chixexü̃gu rüxĩnüexü̃ rü chomaxã nanue. Rü nümagü rü ngúxü̃ choxü̃ ningexẽẽgü. Rü norü numaxã chomaxã naguxchigagü.

Wiyaegü 3:2

Rü namuxũchi i ngẽma chauchigagu ñagüxü̃: —Tupana rü taxũtáma ínanapoxü̃ —ñagüxü̃.

Wiyaegü 55:4

Rü chiyuxnearü maxü̃neã̱x erü poraãcü chamuü̃ nüxü̃ i ngẽma yu i choxna nguxü̃.