2 Chamué 16:4 - Tupanaarü Ore

⁴ Rü yexguma nüma ga ãẽ̱xgacü ga Dabí rü Chibáxü̃ nangãxü̃ rü ñanagürü nüxü̃: —Ñu̱xma rü cuxrügü nixĩ i guxü̃ma i ngẽma noxri Mepi-bóchexarü ixĩxü̃ —ñanagürü. Rü nüma ga Chibá rü ãẽ̱xgacüpe̱xe nangücuchiãcüma nanangãxü̃ rü ñanagürü: —Chierüx guxü̃guma chomaxã cutaãẽgu, Pa Ãẽ̱xgacüx —ñanagürü.

2 Chamué 16:4 Referans Kwoze

Ucu̱xẽgüchiga 18:17

Ngẽma duü̃xü̃ i nüxíra ãẽ̱xgacüpe̱xewa nügüétüwa idexaxü̃, rü nanaxaixcümaraxü̃ i ngẽma nüxü̃ yaxuxü̃. Natürü ngẽxguma ngéma nanguxgu i ngẽma ínaxuexü̃, rü nayaxãneãchixẽxẽ nax dora yixĩxü̃ i norü ore i ngẽma nüxíra nügüétüwa idexaxü̃.

Ucu̱xẽgüchiga 18:13

Tama taãẽxü̃ tacua̱x rü wüxi i ãne nixĩ ega yaxtacüma tüxü̃ ichoxü̃gagu ya wüxi ya duü̃xẽ naxü̃pa nax nüxü̃ ixĩnüxü̃ i tümaarü dexa.

Ucu̱xẽgüchiga 19:2

Ngẽxguma ta̱xacü ixüxchaü̃gu, rü name i mea nagu tarüxĩnüxíra. Rü tama name nax iñu̱xãẽxü̃ ega ta̱xacü ixüxgu, erü ngẽmagagu ítatü.

Wenaxarü naxümatü ga Tupanaarü mugü 19:15

Rü ngẽxguma wüxitama i duü̃xü̃ nüxü̃ ixuxgu nax nüxü̃ nadauxü̃ i wüxi i máeta rüe̱xna ta̱xacürü to i guxchaxü̃ rü tama ningu nax aixcüma yixĩxü̃. Natürü ngẽxguma taxre rüe̱xna tomaepü̱x i duü̃xü̃gü nüxü̃ ixuxgu rü ngẽmawa nüxü̃ pecua̱x nax aixcüma yixĩxü̃

Ínachoxü̃xü̃chiga 23:8

Rü cuma nax ãẽ̱xgacü quixĩxü̃, rü tama name i wüxiaxü̃́ cunayauxtanü, nax naétüwaama cuxüxü̃ca̱x ega ta̱xacürü guxchaxü̃ cuxü̃tawa yamexẽẽgügu. Erü ngẽma ãẽ̱xgacü i nayauxtanüxü̃, rü inayacu̱x i ngẽma aixcüma ixĩxü̃, nax tama nüxü̃ nacuáxü̃ca̱x i duü̃xü̃gü, rü ngẽmaãcü ya yíxema duü̃xẽ ya taxuxü̃ma i chixexü̃ üchiréxe, rü nitümaguãchi i ngẽma chixexü̃.

2 Chamué 14:22

Rü yexguma ga nüma ga Yoá rü ãẽ̱xgacüpe̱xegu nayangücuchi ñu̱xmata waixü̃müwa yaxũcatü yerü ãẽ̱xgacüga naxĩnü. Rü mexü̃ ãẽ̱xgacümaxã naxuegu rü ñanagürü nüxü̃: —Ñu̱xmawaxi nixĩ i nüxü̃ chacuáxü̃ nax ãẽ̱xgacüarü ngü̃xẽxẽ choxü̃́ ngẽxmaxü̃, erü nüma ya ãẽ̱xgacü rü marü nayanguxẽxẽ i ngẽma daa norü ngü̃xẽẽruxü̃ nüxna naxca̱x ca̱a̱xü̃ —ñanagürü nüxü̃.

2 Chamué 14:4

Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.

2 Chamué 9:6

Rü yexguma Dabíxü̃tawa nanguxgu ga nüma ga Mepi-bóchex ga Yonatáü̃ nane ga Chaútaxa ixĩcü, rü nape̱xegu nanangücuchi ga nüxü̃ nax namoxẽxü̃ca̱x. Rü nüma ga Dabí rü nüxna naca rü ñanagürü: —¿Ẽ̱xna cuma quixĩxü̃, Pa Mepi-bóchex? —ñanagürü. Rü nüma nanangãxü̃ rü ñanagürü: —Cuxme̱xwa changexma, Pa Ãẽ̱xgacüx —ñanagürü.

2 Chamué 9:9

Natürü nüma ga ãẽ̱xgacü rü naxca̱x naca ga Chibá ga ü̃pa Chaúarü puracütanüxü̃ ixĩxü̃, rü ñanagürü nüxü̃: —Guxü̃ma ga yema Chaúarü ixĩchiréxü̃ rü yema natanüxü̃arü ixĩchiréxü̃ rü marü nataxa i Mepi-bóchexna chanaxã.

2 Chamué 16:3

Rü yexguma nüma ga Dabí rü wenaxarü nüxna naca rü ñanagürü: —¿Ngextácü ya Mepi-bóchex ya Chaú nataxa? —ñanagürü. Rü yexguma nüma ga Chibá rü Dabíxü̃ nangãxü̃ rü ñanagürü: —Yerucharéü̃gucütama. Erü nüma nagu narüxĩnü rü ngẽma Iraétanüxü̃ rü norü o̱xichicüxü tá ãẽ̱xgacüxü̃ nayangucuchixẽẽgü —ñanagürü.

2 Chamué 16:5

Rü yexguma Bauríü̃wa nanguxgu ga ãẽ̱xgacü ga Dabí, rü yexma nüxü̃ nangau ga wüxi ga yatü ga Chaútanüxü̃. Rü nüma rü Guerá nane nixĩ rü Chimígu naxãéga. Rü woo nax duü̃xü̃gü rü norü churaragü nüxna daugüxü̃ ga Dabí, rü nüma ga Chimí rü inanaxügü nax chixexü̃ Dabímaxã yaxugüchigüxü̃ rü nutamaxã Dabíxü̃ rü guxü̃ma ga norü churaragüerugüxü̃ ínamuxũchixü̃.

2 Chamué 19:27

Rü cuxü̃tawa naxũ nax chauchiga doraxü̃ cumaxã yaxuxü̃ca̱x. Natürü cumax, Pa Ãẽ̱xgacüx, rü ñoma wüxi i Tupanaarü orearü ngeruü̃rüxü̃ i dauxü̃cüã̱xrüxü̃ quixĩ. Rü ngẽmaca̱x ẽcü ¡naxü i ngẽma cuxca̱x rümemaexü̃!

2 Chamué 14:8

Rü yexguma ga ãẽ̱xgacü rü ngĩxü̃ nangãxü̃ ga yema nge rü ñanagürü: —¡Cupataca̱x nataegu! Rü choma rü tá chanamu nax cuxü̃ nangü̃xẽẽgüxü̃ca̱x —ñanagürü.