2 Chamué 16:2 - Tupanaarü Ore

² Rü yexguma nüma ga ãẽ̱xgacü ga Dabí rü Chibána naca rü ñanagürü: —¿Tü̱xcüü̃ nua cunana i guxü̃ma i ñaa? —ñanagürü. Rü nüma ga Chibá rü nanangãxü̃ rü ñanagürü: —Ñaa búrugü rü cuxacügü nagu itoü̃xü̃ca̱x nixĩ. Rü ñaa paũgü rü ñaa ori̱xgü rü curü churaragüca̱x nixĩ. Rü daa bínu rü ñaa nachica i taxúema nagu ãpataxü̃gu ipaexü̃ca̱x nixĩ —ñanagürü.

2 Chamué 16:2 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 10:4

Yaí rü 30 ga nanegü nüxü̃́ nayexma rü wüxichigü ga yema nanegü rü wüxi ga ĩanemaxã inacua̱x ga Garaáxarü naanewa. Rü yimá 30 ya ĩanegü rü ñu̱xma rü ta i duü̃xü̃gü rü nüxü̃ nacua̱xgü nax Yaíarü ĩanegü yaxĩgüxü̃.

Ãẽ̱xgacügü ga guxchaxü̃güarü mexẽxẽruü̃gü 5:10

Pema i cómüxü̃ i búrugügu ĩxẽ rü mexü̃ i naxma̱xwe̱xe i ngomüxü̃wa rütogüxe rü pema ya pecutügumare ixĩxẽ, rü name i nagu perüxĩnüe i ngẽma Tupana taxca̱x üxü̃.

Echequié 37:18

Rü ngẽxguma cutanüxü̃ cuxna nacagügu rü ñagügu cuxü̃: “¡Tomaxã nüxü̃ ixu nax ta̱xacüchiga yixĩxü̃ i ngẽma!”

2 Chamué 19:26

Rü nüma ga Mepi-bóchex rü nanangãxü̃ rü ñanagürü: —Pa Ãẽ̱xgacüx, ngẽma nax choma rü taxuacü chixũxü̃, rü ngẽmaca̱x chanamu ga chorü duü̃ nax wüxi i búru choxü̃́ namexẽẽxü̃ca̱x rü yemagu chixüexü̃ca̱x nax cuwe charüxũxü̃ca̱x, Pa Ãẽ̱xgacüx. Natürü nüma rü choxü̃ nawomüxẽxẽ rü tama nanaxü ga yema chanamuxü̃.

2 Chamué 15:23

Guxü̃ma ga duü̃xü̃gü rü poraãcü naxauxe. Rü nichoü̃ ga yema natüxacü ga Chedróü̃, rü yemawena rü nixüe ga nüma ga ãẽ̱xgacü. Rü guxü̃ma ga duü̃xü̃gü rü nape̱xegu naxĩ nagu ga yema nama ga chianexü̃wa nadaxü̃.

2 Chamué 15:1

Wüxi ga ngunexü̃ rü nüma ga Dabí nane ga Acharóü̃ rü naxca̱x nataxe ga wüxi ga naweü̃ ga dairuxü̃ ga cowarugü itúxü̃ne. Rü naxca̱x nadau ga 50 ga norü churaragü.

1 Chamué 25:27

Rü ñu̱xma rü cumaxã nüxü̃ chixu nax curü duü̃xü̃güxü̃ cuyanuxü̃ i ñaa ãmare i õna i nua cuxü̃́ changexü̃.

1 Chamué 14:28

Rü yexguma ga wüxi ga Iraétanüxü̃arü churara rü Yonatáü̃xü̃ ñanagürü: —Cunatü rü churaragümaxã tanaxuegu, rü ñatagürü: “Rü texé ya ñu̱xma õna ngṍxe, rü tá chixexü̃wa tangexma”, ñatagürü. Rü ngẽmaca̱x nixĩ i churaragü i poraãcüma naturaxü̃negüxü̃, erü taxuxü̃ma nangõ̱xgü —ñanagürü.

Naanearü ügüchiga 33:8

Rü yexguma ga nüma ga Echaú rü Acóbuna naca, rü ñanagürü: —¿Tü̱xcüü̃ cha̱u̱xca̱x ngéma cunamugü i ngẽma naxü̃nagü i nüxü̃ chingauchigüxü̃? —ñanagürü. Rü Acóbu nanangãxü̃ rü nüxü̃ ñanagürü: —Rü ngéma chanamugü nax ngẽmaãcü chomaxã cutaãẽxü̃ca̱x —ñanagürü.

Naanearü ügüchiga 21:29

Rü yemaca̱x nüma ga Abimeréx rü Abraáü̃na naca rü ñanagürü: —¿Tü̱xcüü̃ cunanuxuchi i ngẽma 7 i carnérugü? —ñanagürü.