2 Chamué 16:10 - Tupanaarü Ore

¹⁰ Natürü nüma ga ãẽ̱xgacü rü nanangãxü̃ rü ñanagürü: —Ñaa rü tama perü guxcha nixĩ, Pa Cheruiá Nanegüx. Rü ngẽxguma Tupanaarü mu yixĩxgu nax ta̱xacü chomaxã yaxugüxü̃ rü ¿texé tá tixĩ ya nüxna naxca̱x caxe i ngẽma inaxüxü̃? —ñanagürü.

2 Chamué 16:10 Referans Kwoze

2 Chamué 19:22

Natürü nüma ga Dabí rü nanangãxü̃ rü ñanagürü —Ñaa rü tama perü guxcha nixĩ, Pa Cheruiá Nanegüx. ¿Rü tü̱xcüü̃ ñoma chorü uanügürüxü̃ pegü pixĩxẽxẽgü? Choma rü meama nüxü̃ chacua̱x nax woetama Iraéanecüã̱xgüarü ãẽ̱xgacü nax chixĩxü̃. Rü ngẽmaca̱x i ñaa ngunexü̃gu rü taxúetama tayu —ñanagürü.

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.

Ore i mexü̃ ga Cuáü̃ ümatüxü̃ 18:11

Natürü ga Ngechuchu rü Pedruxü̃ ñanagürü: —¡Ngĩxchixü̃gu ngĩxü̃ ixücuchi i curü tara! ¿Tama ẽ̱xna nüxü̃ cucua̱x nax choma rü tá ngúxü̃ chingexü̃ ngẽma Chaunatü chomaxã naxueguxü̃rüxü̃? —ñanagürü.

Nüxíraxü̃xü̃ ga popera ga Pedru ümatüxü̃ 2:23

Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃. Rü yexguma ngúxü̃ nüxü̃ yangexẽẽgügu, rü nüma rü tama ta̱xacürü chixexü̃maxã nanaxãũxü̃ne. Natürü nüma ga Cristu rü nügü inaxã nüxna ya Tupana ya mea nangugücü i guxü̃ma i duü̃xü̃güarü maxü̃.

Ore i mexü̃ ga Matéu ümatüxü̃ 16:23

Natürü ga Ngechuchu rü Pedruca̱x nadauegu, rü ñanagürü nüxü̃: —¡Choxna ixũgachi, Pa Chatanáx, erü chixexü̃gu choxü̃ cungu̱xẽẽchaü̃! Rü tama Tupana nagu rüxĩnüxü̃gu curüxĩnü, rü yatügü nagu rüxĩnüxü̃gumare curüxĩnü i cumax —ñanagürü.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

Naanearü ügüchiga 50:20

Pema nagu perüxĩnüegu rü chixexü̃ chomaxã pexüxü̃, natürü Tupana rü mexü̃xü̃ nananguxuchixẽxẽ ga yema chixexü̃ ga chomaxã pexüxü̃. Rü yemaca̱x ãẽ̱xgacüxü̃ choxü̃ ningucuchixẽxẽ i nua nax ngẽmaãcü namaxẽxü̃ca̱x i muxü̃ma i duü̃xü̃gü.

Ngu̱xẽẽtaeruü̃arü ore 8:4

Rü ngẽma ãẽ̱xgacüarü ore rü napora. Rü taxúema tapora nax nüxna naxca̱x tacaxü̃ i ngẽma naxüxü̃.

Yox 9:12

Rü ngẽxguma chi ta̱xacü nayaxu̱xgu nax noxrü yixĩxü̃ca̱x, ¿rü texé tá ítayachaxãchixẽxẽ? ¿Rü texé tá nüxna taca naxca̱x i ngẽma naxüxü̃?

Norü taxre ga popera ga ãẽ̱xgacügüchiga 18:25

¿Cuma nagu curüxĩnügu nax ngüxrümare nua chaxũxü̃ i choma nax ñaa nachixü̃anewa pexca̱x íchayagoõchixü̃ rü pexü̃ chadaixü̃ca̱x, rü tama Cori ya Tupanaarü ngü̃xẽẽmaxã yixĩxü̃? Rü, dücax, nüma nixĩ i choxü̃ namuxü̃ nax pexca̱x íchayagoõchixü̃ nax pexü̃ chadaixü̃ca̱x” —ñanagürü.

Nüxíraxü̃xü̃ ga popera ga ãẽ̱xgacügüchiga 2:5

Rü cuma rü meama nüxü̃ cucua̱x ga ñuxãcü ga Yoá ga Cheruiá nane cha̱u̱xca̱x guxchaxü̃ ínanguẽẽxü̃ ga yexguma nadaixgu ga yema taxre ga Iraéanearü churaragüerugü ga Abnéx ga Néx nane rü Amachá ga Yéte nane. Rü nüma ga Yoá rü yexguma tama daiwa tayexmagüyane nanadai ga yema taxre nax yemaacü naxütanüxü̃ca̱x naxca̱x ga yema norü churaragü ga daigu yuexü̃. Rü yemaacü nayachauguãchixẽxẽ ga yema máeta ga nüma naxüxü̃.

Ore i mexü̃ ga Matéu ümatüxü̃ 8:29

Rü yema taxre rü aita naxüe, rü ñanagürügü: —¿Tü̱xcüü̃ toxü̃ nua cuyachixewe, Pa Ngechuchu ya Tupana Nanex? ¿Ẽ̱xna nua cuxũ nax toxü̃ ícuyawoxü̃xü̃ca̱x tauta nawa nanguyane nax Tupana toxü̃ poxcuexü̃? —ñanagürügü.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

Wiyaegü 39:9

Pa Corix, cupe̱xewa rü changea̱x rü taxu ñachagürü, erü cuma nixĩ i namaxã cucuáxü̃ i chorü maxü̃.

1 Chamué 26:19

Choma i curü duü̃xü̃ nax chixĩxü̃ rü cuxü̃ chaca̱a̱xü̃ Pa Ãẽ̱xgacüx nax choxü̃́ icuxĩnüxü̃. Rü ngẽxguma chi Tupana cuxna ĩnügu, Pa Ãẽ̱xgacüx, nax chomaxã curüxuanüxü̃ca̱x ¡rü nayaxu i chorü ãmare nax chomaxã curüngü̃xmüxü̃ca̱x! Natürü ngẽxguma chi cumatama nagu curüxĩnügu nax chauxchi cuxaixü̃, rü Tupana tá nixĩ ya nüxü̃ cuácü nax cuxü̃́ naxütanüãxü̃ naxca̱x i ngẽma. Yerü cuma nixĩ ga Tupanaarü duü̃xü̃güarü naanewa choxü̃ ícuta̱xüchixü̃ nax ngẽmaãcü togü i tupanagüxü̃ chicua̱xüü̃xü̃ca̱x.

2 Chamué 19:23

Yemawena rü Chimíxü̃ ñanagürü: —Aixcüma cumaxã nüxü̃ chixu rü taxũtáma cuyu —ñanagürü.

Auxexü̃chiga 3:37

Rü ngẽxguma texé naxunagügu i wüxi i ta̱xacü tá ngupetüxü̃, rü aixcüma nango̱xgu i ngẽma taxunagüxü̃, rü Tupana nixĩ ya tüxü̃ naxunagüxẽẽcü.