2 Chamué 15:5 - Tupanaarü Ore

⁵ Rü yexguma texé nape̱xegu yacaxã́pü̱xügu, rü nüma ga Acharóü̃ rü tama nanaxwa̱xe ga yemaacü nüxü̃ nax tarümoxẽgüxü̃, rü tümame̱xẽgu nayayauxãchi rü tüxna nana̱i̱xãchi rü tüxü̃ nachúxu.

2 Chamué 15:5 Referans Kwoze

2 Chamué 14:33

Rü yexguma ga Yoá rü ãẽ̱xgacüxü̃tawa naxũ rü nüxü̃ narüxu ga Acharóü̃arü dexa. Rü nüma ga ãẽ̱xgacü rü Acharóü̃ca̱x nangema. Rü yexguma ãẽ̱xgacüpe̱xewa nanguxgu ga Acharóü̃ rü ãẽ̱xgacüpe̱xegu nayangücuchi ñu̱xmata waixü̃müwa yaxũcatü. Rü nüma ga ãẽ̱xgacü rü wüxi ga chúxumaxã nanayaxu.

Ucu̱xẽgüchiga 26:25

Tama name i nüxü̃́ cuyaxõ i ngẽxguma ngechaü̃gaxãcü cumaxã yadexa̱xgu, erü norü ĩnüwa rü chixexü̃gu cumaxã narüxĩnü.

Wiyaegü 55:21

Rü ngẽxguma yadexagügu rü ore i mexechixü̃maxã nidexagü, natürü i norü ĩnüwa rü daigu narüxĩnüe. Rü mexẽchixü̃ i dexamaxã nidexagü, natürü ngẽma dexagü rü ñoma taragü i nachiü̃wa ituxuchigüxü̃rüxü̃ nixĩgü.

Ore i mexü̃ ga Luca ümatüxü̃ 7:45

Cuma rü tama choxü̃ cuchúxu i noxri choxü̃ curümoxẽgu, natürü ngĩma i ñaa ngecü rü noxri núma changuxgumama rü choxü̃ iyachúxcutüchigü.

2 Chamué 20:9

Rü nüma ga Yoá rü norü tügünechacüümaxã Amacháchinágugu ningĩ ñoma Amacháxü̃ nachúxchaxü̃xü̃rüxü̃, rü yemaacü nüxna naca: —¿Mea cuxü̃ nangupetüxü̃ Pa Chauenexẽx? —ñanagürü.