2 Chamué 15:2 - Tupanaarü Ore

^2-3 Rü pa̱xmama írüdaüüxü̃ rü namacüwagu nayachiixü̃ ga duü̃xü̃gü ĩaneca̱x íchocuxü̃wa. Rü guxãma ga guxema ãẽ̱xgacüxü̃ dauxchaü̃güxe nax tümaarü guxchaxü̃ tayamexẽẽgüxü̃ca̱x, rü nüma ga Acharóü̃ rü tümaca̱x naca rü ñu̱xũchi tüxna naca ga ngexnerüxüne ga ĩanewa nax ne taxuxü̃. Rü guxema tügü ixuxe nax wüxi ga Iraéanecüã̱xgütücumüwa nax taxüxü̃, rü nüma ga Acharóü̃ rü ñanagürü tüxü̃: —Aixcüma nixĩ i ngẽma nüxü̃ quixuxü̃, natürü nataxuma i ãẽ̱xgacüarü ngü̃xẽẽruü̃gü i cuxü̃ rüngü̃xẽẽxü̃ —ñanagürü.

2 Chamué 15:2 Referans Kwoze

Ore i mexü̃ ga Matéu ümatüxü̃ 27:1

Rü yexguma yangunegu rü guxü̃ma ga chacherdótegüarü ãẽ̱xgacügü rü Yudíugüarü ãẽ̱xgacügü, rü nügümaxã nanamexẽẽgü nax ñuxãcü Ngechuchuxü̃ yama̱xgüxü̃.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Yox 24:14

Rü ngẽma duü̃xü̃ i máetaxü̃ rü ngexwaca yangóonechaü̃gu rü inaxũãchi nax tüxü̃ yamáxü̃ca̱x ya yíxema duü̃xẽ ya ngearü diẽruã́xẽ. Rü chütacü rü wüxi i ngĩ́ta̱xaxü̃ nixĩ.

2 Chamué 19:8

Rü yexguma ga nüma ga ãẽ̱xgacü rü inachi, rü ĩanearü ĩã̱xwa narüto. Rü yexguma duü̃xü̃gü nüxü̃ cua̱xgügu ga gumá ãẽ̱xgacü rü ĩanearü ĩã̱xwa nax yanatoxü̃, rü guxü̃ma ga duü̃xü̃gü rü naxü̃tawa naxĩ. Rü yema Iraéanecüã̱xgü ga Acharóü̃we rüxĩxü̃ rü nibuxmü rü nachiü̃wa naxĩ.

Rux 4:1

Rü nüma ga Boó rü guma ĩanearü ücuchicawa nayarüto yerü yéma nixĩ ga guxü̃ma ga duü̃xü̃gü nachopetüxü̃ rü namexẽẽãxü̃ ga norü guxchaxü̃gü. Rü yexguma yéma natoyane rü yéma naxüpetü ga gumá natanücü ga Boó Ruxmaxã nüxü̃ yaxucü. Rü nüma ga Boó rü naxca̱x naca rü ñanagürü nüxü̃: —Dücax, ¡nua chauxü̃tawa naxũ rü írüto, rü paxaãchi tá tidexagü! —ñanagürü. Rü nüma ga yema natanücü rü yéma naxũ, rü naxü̃tawa nayarüto.

Ínachoxü̃xü̃chiga 18:26

Rü yemagü nixĩ ga guxü̃guma duü̃xü̃güaxü̃́ namexẽẽxü̃ ga norü guxchaxü̃gü. Rü yema guxchaxü̃gü ga guxchaxüchixü̃ rü Moichéme̱xẽwa nanangegü, natürü yema guxchaxü̃gü ga tauxchaxü̃ rü nümagütama nanamexẽẽgü.

Ínachoxü̃xü̃chiga 18:14

Rü yexguma yemaxü̃ nada̱u̱xgu ga Moichéna̱xtü ga Yetrú rü Moichéxü̃ ñanagürü: —¿Tü̱xcüü̃ cuxicatama cunaxü i guxü̃ma i ngẽma puracü? Ngẽma duü̃xü̃gü rü pa̱xmama cuxü̃tawa naxĩ ñu̱xmata nayáuane. ¿Rü tü̱xcüü̃ cuxicatama cunamexẽxẽ i norü guxchaxü̃gü? —ñanagürü.

Wenaxarü naxümatü ga Tupanaarü mugü 17:8

Rü ngẽxguma nangẽxmagu i ta̱xacürü guxchaxü̃ i taxucürüwa pexica pemexẽẽxü̃, rü ngẽxgumarüxü̃ i máeta, rüe̱xna nügü nadaixgu, rüe̱xna nügü yapíexẽẽgu, rüe̱xna togüamachigü i guxchaxü̃gü i perü ĩanewa ngupetüxü̃, rü penaxwa̱xe nax ngẽma nachica ya Tupana nüxü̃ unetaxü̃wa peyamexẽẽxü̃.

Norü taxre ga to ga popera ga ãẽ̱xgacügüchiga ümatüxü̃ 10:7

Rü nümagü rü nanangãxü̃gü rü nüxü̃ ñanagürügü: —Ngẽxguma chi mea quixĩxgu namaxã i ngẽma duü̃xü̃gü rü mexü̃ i dexamaxã cunangãxü̃gu, rü nümagü rü guxü̃gutáma cuxü̃́ napuracüe —ñanagürügü.

Danié 11:21

Nawena rü wüxi i yatü i nüxü̃ naxoexü̃ rü tama ãẽ̱xgacüwa mexü̃ tá ãẽ̱xgacüxü̃ ningucuchi. Rü nüma tá nayacu̱x i ngẽma chixexü̃ i nagu naxĩnüxü̃, rü duü̃xü̃güxü̃ nawomüxẽẽãcüma tá ãẽ̱xgacüxü̃ ningucuchi.