2 Chamué 15:12 - Tupanaarü Ore

¹² Rü yexgumarüxü̃ ta ga nüma ga Acharóü̃ rü naxca̱x nangema ga wüxi ga Dabíarü ucu̱xẽruxü̃ ga Aitópegu ãégacü ga ĩane ga Guirógu ãchiü̃cü. Rü namaxã nüxü̃ nixu nax naxümücüãxü̃ca̱x ga yexguma Tupanaca̱x naxü̃na nadaixgu rü ínaguãgu. Rü yemaacü ga yema Acharóü̃arü ĩnüwaama ügüxü̃ ga yatügü rü nimuetanü ga yema nawe rüxĩxü̃.

2 Chamué 15:12 Referans Kwoze

Wiyaegü 41:9

Rü woo ga yema rümemaexü̃ ga chomücü ga nüxü̃́ chayaxõxü̃ rü wüxiwa chomaxã chibüchiréxü̃, rü ñu̱xma rü chomaxã narüxuanü.

2 Chamué 15:31

Rü yexguma Dabímaxã nüxü̃ yaxugüegu ga Aitópe rü Acharóü̃arü ĩnüwaama üxü̃, rü nüma ga Dabí rü Cori ya Tupanana naca nax nagu yanachixexẽẽãxü̃ca̱x ga yema Aitópe nagu rüxĩnüxü̃.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

2 Chamué 17:14

Rü yema Uchái i Aquítanüxü̃arü ĩnü rü Acharóü̃ca̱x rü ñu̱xũchi guxü̃ma i Iraétanüxü̃ca̱x rü Aitópearü ĩnüxü̃ narümemae. (Yerü nüma ga Cori ya Tupana rü yemaacü Aitópearü ĩnügu nayanachixexẽxẽ nax yemaacü Acharóü̃gu nanguxü̃ca̱x ga chixexü̃.)

Popera ga Títoca̱x naxümatüxü̃ ga Pauru 1:16

Rü ngẽma duü̃xü̃gü i tama yaxõgüxü̃ rü nügü yaxugügu rü Tupanaxü̃ nacua̱xgü, natürü ngẽma naxügüxü̃wa nüxü̃ tacua̱x nax tama aixcüma Tupanaxü̃ nacua̱xgüxü̃. Rü nümagü rü Tupanape̱xewa nichixe, rü tama naga naxĩnüe, rü taxuwama name i ngẽma naxügüxü̃.

Ore i mexü̃ ga Cuáü̃ ümatüxü̃ 13:18

Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.

Ucu̱xẽgüchiga 21:27

Nüma ya Cori ya Tupana, rü tama namaxã nataãxẽ i ngẽma chixexü̃gu maxẽxü̃arü ãmaregü, erü tama mexü̃ i ĩnümaxã nüxna nanaxãgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:33

Rü Aitópe nixĩ ga nai ga norü ucu̱xẽruxü̃ ga Dabí. Rü Uchái ga Arquítanüxü̃ nixĩ ga yatü ga Dabí nüxna rüyoecü.

Nüxíraxü̃xü̃ ga popera ga ãẽ̱xgacügüchiga 21:12

Rü nanaxügü ga yema ngutaque̱xe rü yéma Nabúna nacagüe.

Nüxíraxü̃xü̃ ga popera ga ãẽ̱xgacügüchiga 21:9

Rü yema ngĩrü poperagüwa rü ñanagürü: —¡Ẽcü, guxü̃ma i duü̃xü̃gümaxã nüxü̃ pixu nax nangutaque̱xegüxü̃ca̱x nax tama pechibüeãcüma peyumüxẽgüxü̃ca̱x! ¡Rü nüxna pexu ya Nabú nax petanüwa naxũxü̃ca̱x! ¡Rü naxca̱x pedau i taxre i yatü i nüxü̃ ixugüxü̃ nax nüma ya Nabú rü Tupanamaxã naguxchigaxü̃ rü ãẽ̱xgacümaxã chixexü̃ naxueguxü̃! ¡Rü ngẽmaxü̃ pexĩnüeguwena, rü ípenagaxüchi rü nutamaxã ípenamuxũchi rü peyamá! —ñanagürü ga yema ngĩrü poperagüwa.

Iraétanüxü̃arü muxchiga 23:30

Rü nüma ga Baláx rü nanaxü ga yema Balaáü̃ namaxã nüxü̃ ixuxü̃. Rü nayama̱x rü nayagu ga wüxi ga wocaxacü rü wüxi ga carnéru ga wüxichigü ga yema ãmarearü guruü̃wa.

Iraétanüxü̃arü muxchiga 23:14

Rü nüma ga Baláx rü wüxi ga naane ga dauxü̃taechica ga Chopíü̃gu ãégaxü̃wa nanaga ga ma̱xpǘne ga Pichátape̱xewa. Rü yexma nanaxü ga 7 ga ãmarearü guruxü̃. Rü wüxichigüwa nayagu ga wüxi ga wocaxacü rü wüxi ga carnéru.

Iraétanüxü̃arü muxchiga 23:1

Rü yexguma ga nüma ga Balaáü̃ rü ñanagürü nüxü̃: —¡Ẽcü 7 i ãmarearü guruxü̃ nuxã naxü! ¡Rü ínayauxü̃ i 7 i wocaxacügü rü 7 i carnérugü nax cha̱u̱xca̱x ínamemarexü̃ca̱x nax Tupanaca̱x chayaguxü̃! —ñanagürü.

2 Chamué 16:15

Rü yoxni ga Acharóü̃ rü ñu̱xũchi Aitópe rü guxü̃ma ga Iraétanüxü̃ ga nawa ügüxü̃maxã Yerucharéü̃gu nachocu.

2 Chamué 23:34

Eriférex ga Maacácüã̱x ga Achabaí nane, rü Eliáü̃ ga Guirócüã̱x ga Aitópe nane, rü

Wiyaegü 41:10

Natürü cumax, Pa Corix ¡rü cuxü̃́ changechaü̃tümüxü̃! ¡Rü choxü̃ írüdaxẽxẽ nax ngẽmaãcü chanapoxcuexü̃ca̱x i ngẽma chomaxã rüxuanügüxü̃!

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Yeremía 6:20

¿Ta̱xacüca̱x i pema rü Chabáwa cha̱u̱xca̱x ne penana i pumaragü iyixichixü̃, rü ñu̱xũchi nanetügü i yixichixü̃ i yáxü̃guxü̃ i nachixü̃anegüwa ne penaxü̃? Choma rü tama chorü me nixĩ i ngẽma perü ãmaregü i cha̱u̱xca̱x ípeguxü̃, rü woo ngẽma togümare i perü ãmaregü i choxna pexãgüxü̃ —ñanagürü.