2 Chamué 14:5 - Tupanaarü Ore

^5-6 Rü nüma ga ãẽ̱xgacü rü ngĩxna naca rü ñanagürü ngĩxü̃: —¿Ta̱xacü cuxü̃ nangupetü? —ñanagürü ngĩxü̃. Rü ngĩma rü inangãxü̃ rü ngĩgürügü: —Choma rü ngecü i yutecü chixĩ erü chaute rü marü nayu. Rü yema taxre ga chaunegü ga choxü̃́ yexmaxü̃ i choma nax curü puracütanüxü̃ chixĩxü̃, Pa Ãẽ̱xgacüx, rü naanegu nügü nadai. Rü tataxuma ga texé nax nüxna chogüxü̃ rü yemaacü ga wüxi rü naenexẽxü̃ nayapi̱xẽxẽ rü nayama̱xü̃chi.

2 Chamué 14:5 Referans Kwoze

Naanearü ügüchiga 21:17

Natürü ga Tupana rü nüxü̃ naxĩnü ga gumá bucü nax naxaxuxü̃. Rü wüxi ga daxũcüã̱x i orearü ngeruxü̃ rü daxũwa Agána nacagü rü ñanagürü: —¿Ta̱xacü cuxü̃ nangupetü, Pa Agáx? ¡Taxṹ i cumuü̃xü̃! Erü Tupana rü marü nüxü̃ naxĩnü i norü axu ya yimá curü bucü i ngéma ínaxaxuxü̃wa.

2 Chamué 14:4

Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.

Naanearü ügüchiga 38:19

Rü yemawena ga Tamára, rü ínangegü ga yema ngĩgü namaxã yadüxchametüxü̃, rü ñu̱xũchi wenaxarü íyacu̱xcuchi ga ngĩrü yutechiru.