2 Chamué 14:4 - Tupanaarü Ore

⁴ Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.

2 Chamué 14:4 Referans Kwoze

2 Chamué 1:2

Natürü norü tomaepü̱x ga ngunexü̃gu, rü yéma Dabíxü̃tawa nangu ga wüxi ga yatü ga Chaú rü norü churaragümaxã íyexmaxü̃wa ne ũxü̃. Rü norü ngechaü̃maxã nügüchirugu nagáugü rü waixü̃mümaxã nügü nabuxeru, rü yemaacü ínangu. Rü yexguma Dabípe̱xewa nanguxgu rü ñaxtüanegu nanangücuchi.

1 Chamué 25:23

Rü yexguma ngĩma ga Abigái Dabíxü̃ nada̱u̱xgu rü ngĩrü búruwa íixüe rü Dabípe̱xegu iyangücuchi.

1 Chamué 20:41

Rü yexguma marü íyaxũxgux ga yema Yonatáü̃arü ngü̃xẽẽruxü̃, rü Dabí rü nixũxũ ga yema nutatanüwa ga íyacúxü̃wa. Rü waixü̃müanegu tomaepü̱xcüna Yonatáü̃pe̱xegu nayangücuchi. Rü ñu̱xũchi nügü nachúxgü rü wüxigu naxauxe. Natürü Dabí rü yexeraãcü naxaxu.

2 Chamué 14:5

Rü nüma ga ãẽ̱xgacü rü ngĩxna naca rü ñanagürü ngĩxü̃: —¿Ta̱xacü cuxü̃ nangupetü? —ñanagürü ngĩxü̃. Rü ngĩma rü inangãxü̃ rü ngĩgürügü: —Choma rü ngecü i yutecü chixĩ erü chaute rü marü nayu. Rü yema taxre ga chaunegü ga choxü̃́ yexmaxü̃ i choma nax curü puracütanüxü̃ chixĩxü̃, Pa Ãẽ̱xgacüx, rü naanegu nügü nadai. Rü tataxuma ga texé nax nüxna chogüxü̃ rü yemaacü ga wüxi rü naenexẽxü̃ nayapi̱xẽxẽ rü nayama̱xü̃chi.

2 Chamué 18:28

Rü nüma ga Aimaá rü ãẽ̱xgacüca̱x nixũ rü nape̱xegu nayangücuchi rü yemaacü nüxü̃ narümoxẽ rü ñanagürü: —Name ya Cori ya Tupana, ya curü Tupana, Pa Ãẽ̱xgacüx, erü marü nanadai ga yema tama cuga ĩnüechaü̃xü̃, Pa Ãẽ̱xgacüx —ñanagürü.

2 Chamué 14:22

Rü yexguma ga nüma ga Yoá rü ãẽ̱xgacüpe̱xegu nayangücuchi ñu̱xmata waixü̃müwa yaxũcatü yerü ãẽ̱xgacüga naxĩnü. Rü mexü̃ ãẽ̱xgacümaxã naxuegu rü ñanagürü nüxü̃: —Ñu̱xmawaxi nixĩ i nüxü̃ chacuáxü̃ nax ãẽ̱xgacüarü ngü̃xẽxẽ choxü̃́ ngẽxmaxü̃, erü nüma ya ãẽ̱xgacü rü marü nayanguxẽxẽ i ngẽma daa norü ngü̃xẽẽruxü̃ nüxna naxca̱x ca̱a̱xü̃ —ñanagürü nüxü̃.