2 Chamué 14:3 - Tupanaarü Ore

³ ¡Rü ñu̱xũchi ãẽ̱xgacüxü̃tawa naxũ, rü namaxã nüxü̃ rüxu i ngẽma ñu̱xma tá cumaxã nüxü̃ chixuxü̃rüü̃tama! —ñanagürü ngĩxü̃. Rü Yoá rü ngĩxca̱x nüxü̃ naxǘ ga yema ãẽ̱xgacümaxã tá nüxü̃ yaxuxü̃.

2 Chamué 14:3 Referans Kwoze

2 Chamué 14:19

Rü yexguma ga nüma ga ãẽ̱xgacü rü ngĩxna naca rü ñanagürü: —¿Aixcüma yixĩxü̃ nax Yoá cuxü̃ muxü̃ nax cunaxüxü̃ca̱x i guxü̃ma i ñaa? —ñanagürü. Rü ngĩma ga yema nge rü inangãxü̃ rü ngĩgürügü: —Cupe̱xewa nüxü̃ chixu, Pa Ãẽ̱xgacüx, rü aixcüma nixĩ i ngẽma cuma nüxü̃ quixuxü̃. Rü Yoá i curü churaragüeru nixĩ i choxü̃ muxü̃ nax nua chaxũxü̃. Rü nüma nixĩ i chomaxã nüxü̃ yaxuxü̃ i guxü̃ma i ñaa ore i cumaxã nüxü̃ chixuxü̃.

Ínachoxü̃xü̃chiga 4:15

¡Rü yimámaxã idexa, rü namaxã nüxü̃ ixu i guxü̃ma i ngẽma cuma nüxü̃ quixuxchaxü̃xü̃! Rü choma rü tá pexü̃tawa changexma i ngẽxguma pidexagügu. Rü tá pexü̃ changu̱xẽxẽ nachiga i ngẽma tá pexüxü̃.

Yeremía 1:9

Rü ñu̱xũchi nüma ya Cori ya Tupana rü chaua̱x ningõgü rü ñanagürü choxü̃:

Ichaía 59:21

Rü nüma ya Tupana rü ñanagürü: —Ñaa nixĩ i chorü uneta i ngẽma duü̃xü̃gümaxã nüxü̃ chixuxü̃: “Rü ngẽma Chauãxẽ i cuwa ngẽxmaxü̃, rü ngẽma chorü ore i cua̱xwa ngẽxmaxü̃ rü tagutáma cuxna rü cunegüna rü cutaagüna nixũgachi” —ñanagürü ya Cori ya Tupana.

Ichaía 51:16

Rü choma nixĩ ga cumaxã nüxü̃ chixuxü̃ ga yema chanaxwa̱xexü̃ nax nüxü̃ quixuxü̃, rü choma rü tá chorü poramaxã cuxna chadau. Rü choma nixĩ ga chanaxüxü̃ ga daxũguxü̃ ga naane rü ñoma i naane, rü ñu̱xma rü ñacharügü: “Pa Chióü̃cüã̱xgüx, pema nixĩ i chorü duü̃xü̃gü pixĩgüxü̃”, ñachagürü —ñanagürü ga Tupana.

Wenaxarü naxümatü ga Tupanaarü mugü 18:18

Rü choma rü tá ngẽma Iraétanüxü̃tanüwa chanango̱xẽxẽ ya wüxi ya curüxü̃ orearü uruxü̃. Rü nüma rü wüxi ya natanüxü̃ ixĩxcü tá nixĩ. Rü nüma rü tá mea duü̃xü̃gümaxã nüxü̃ nixu i ngẽma choma namaxã nüxü̃ chixuxü̃, rü tá namaxã nüxü̃ nixu i ngẽma choma chanamuxü̃.

Iraétanüxü̃arü muxchiga 23:5

Rü yexguma ga Cori ya Tupana rü Balaáü̃maxã nüxü̃ nixu ga ore ga Baláxca̱x ixĩxü̃, rü ñanagürü nüxü̃: —¡Ẽcü nataegu i naxü̃tawa i Baláx rü namaxã nüxü̃ ixu i ngẽma ore i tá cumaxã nüxü̃ chixuxü̃! —ñanagürü.

2 Chamué 14:4

Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.

Édra 8:17

Rü Cachipíaarü ĩanewa chanamugü ga yema duü̃xü̃gü nax Lebítanüxü̃arü ãẽ̱xgacü ga Idómaxã yanadexagüxü̃ca̱x rü yema namücügü ga Lebítanüxü̃ ga yema ĩanearü Tupanapata ga taxü̃newa puracüexü̃maxã yanadexagüxü̃ca̱x rü namaxã nüxü̃ yaxugüxü̃ca̱x nax toxü̃tawa namugüãxü̃ca̱x i Lebítanüxü̃ nax yima Tupanapata ya taxü̃ne ya Yerucharéü̃wa ngẽxmanewa toxü̃ nangü̃xẽẽgüxü̃ca̱x.