2 Chamué 13:6 - Tupanaarü Ore

⁶ Rü yexguma nüma ga Anóü̃ rü ínapexü̃gu nayaca rü nügü nida̱xawexẽẽneta. Rü nüma ga ãẽ̱xgacü ga Dabí rü Anóü̃xü̃ ínayadau. Rü yexguma ga Anóü̃ rü Dabíxü̃ ñanagürü: —¡Nua namu i chaueya̱x i Tamára nax nuatama ñuxre i paũ choxü̃́ naxüxü̃ca̱x, rü ngĩmatama choxna naxããxü̃ca̱x! —ñanagürü.

2 Chamué 13:6 Referans Kwoze

Naanearü ügüchiga 18:6

Rü yexguma ga Abraáü̃ rü napatagu nangaxi rü naxma̱x ga Cháraxü̃ ñanagürü: —¡Paxa, Pa Nge, rü 20 i quíru i mexẽchixü̃ i arína ta nayaxu, rü paũ ta naxü! —ñanagürü.

Ore i mexü̃ ga Matéu ümatüxü̃ 13:33

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Guxü̃wama nangu nax ãẽ̱xgacü yixĩxü̃ ya Tupana. Rü ñoma íxraxü̃ i paũarü pu̱xẽẽruxü̃ i wüxi i nge taxü̃ i paũchara namaxã ipu̱xẽẽxü̃rüxü̃ nixĩ nax guxü̃wama nanguxü̃ —ñanagürü ga Ngechuchu.

2 Chamué 13:5

Rü yexguma nüma ga Yonadá rü Anóü̃xü̃ naxuxcu̱xẽ rü ñanagürü: —Ẽcü curü pechicaxü̃gu yaca rü poraãcü cugü ida̱xawexẽẽneta. Rü ngẽxguma cunatü cuxü̃ íyada̱u̱xgu, rü tümamaxã nüxü̃ ixu nax cuxü̃tawa ngĩxü̃ tamuxü̃ i cueya̱x i Tamára nax cuxü̃ nachibüxẽẽxü̃ca̱x rü ngématama cuxca̱x naxüwemüxü̃ca̱x nax ngẽmaãcü ngĩxü̃ cudauxü̃ca̱x rü cunangṍxü̃ca̱x i ngẽma õna i ngĩma cuxna naxãxü̃ —ñanagürü.

2 Chamué 13:7

Rü yexguma ga nüma ga Dabí rü Tamáraca̱x nangema rü ngĩxü̃ ñanagürü: —¡Ẽcü cuenexẽ i Anóü̃patawa naxũ rü naxca̱x naxüwemü nax ngẽma nangṍxü̃ca̱x! —ñanagürü.