2 Chamué 13:3 - Tupanaarü Ore

³ Natürü Anóü̃ nüxü̃́ nayexma ga wüxi ga namücü ga womüxẽẽxü̃ cua̱xüchixü̃ ga Yonadágu ãégaxü̃. Rü nüma ga Yonadá rü Chimá ga Dabí naenexẽ nane nixĩ.

2 Chamué 13:3 Referans Kwoze

1 Chamué 16:9

Rü yemawena ga Ichaxí rü nane ga Chamáxü̃ Chamuéxü̃tawa naga, natürü nüma ga Chamué rü ñanagürü: —Tama daa nixĩ ya Tupana nayaxucü —ñanagürü.

1 Corintios 3:19

Erü ñoma i naanearü cua̱x rü Tupanaca̱x rü wüxi i ngeãẽmare nixĩ. Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i nügügu rüxĩnüexü̃ nax norü cua̱xmaxã duü̃xü̃güxü̃ nawomüxẽẽxü̃, rü Tupana rü tá ngẽmatama norü womüxẽẽgu nanayixẽxẽ”, ñanagürü.

Popera ga Chantiágu ümatüxü̃ 3:15

Erü ngẽma nax ixãũxãchiwa̱xegüxü̃ rü duü̃xü̃güchi nax ixaiexü̃ rü togüarü yexera yigü nax ixĩgüxẽẽchaü̃xü̃, rü tama Tupanawa ne naxũ, natürü ñoma i naanearü ĩnüwa rü ngo̱xo i Chatanáwa nixĩ i ne naxũxü̃.

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Ucu̱xẽgüchiga 19:6

Muxü̃ma i duü̃xü̃gü rü ngẽma diẽruã̱xgüxü̃maxã naxãmücügüchaü̃. Rü guxü̃ma i duü̃xü̃gü nanaxwa̱xe nax namaxã naxãmücüxü̃ i ngẽma ãmare nüxna ãxü̃.

Ester 6:13

Rü yexguma nachiü̃wa nanguxgu rü naxma̱xmaxã rü namücügümaxã nüxü̃ nixu ga yema ngupetüxü̃. Rü nümagü nanangãxü̃gü rü ñanagürügü: —Ngẽma Yudíu i Maduquéu rü taxucürüwa nüxü̃ curüyexera, erü ngẽxguma chi ngẽmaãcü namaxã cunaxüxgux rü tá cuxchama chixexü̃ cuxca̱x ínangu —ñanagürügü.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Ester 5:10

Natürü nüma ga Amáü̃ rü yexgumatama tama nügü nango̱xẽxẽ ga nax nanuxü̃. Rü yexguma nachiü̃wa nanguxgu rü namücügüca̱x nangema rü ngĩxca̱x nangema ga Chére ga naxma̱x.

2 Chamué 13:32

Natürü ga Yonadá ga Dabíenexẽ ga Chimá nane rü nidexa rü ñanagürü nüxü̃: —Pa Ãẽ̱xgacüx, ¡taxṹ i cuyaxõxü̃ i ngẽma nüxü̃ cuxĩnüchigaxü̃ nax guxü̃ma i cunegü nada̱i̱xü̃! Rü yimá yama̱xgüãcü rü Anóü̃xicatama nixĩ. Yerü yexguma Anóü̃ rü naeya̱x ga Tamáraxü̃ iyauxgucürüwatama nixĩ i nüma i Acharóü̃ rü nagu naxĩnüxü̃ nax Anóü̃xü̃ yamáxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 14:20

Rü yema naxma̱x ga ngĩmaxã iyangĩcü rü ngĩnatü rü wüxi ga Chanchóü̃mücüna ngĩxü̃ namu.

Naanearü ügüchiga 38:20

Rü nüma ga Yudá rü yixcamaxü̃ra namücü ga Aduráü̃tanüxü̃ yema ngecüxü̃tawa nanagaxẽxẽ ga yema chíbuxacü nax ngĩma nüxü̃́ nawoeguxẽẽãxü̃ca̱x ga norü yemaxü̃gü ga ngĩxna nangãxü̃. Natürü namücü rü marü tama yéma ngĩxü̃ nayanguéxü̃.

Naanearü ügüchiga 38:1

Rü yexgumaxü̃cüü ga Yudá rü naenexẽgüna nixũ. Rü wüxi ga yatü ga Aduráü̃cüã̱x ga Irágu ãégacüpatawa nayamaxü̃.

Naanearü ügüchiga 3:1

Rü natanüwa ga guxü̃ma ga yema naeü̃gü ga idüraexü̃ ga Cori ya Tupana üxü̃, rü yema ãxtape nixĩ ga guxü̃arü yexera womüxẽẽxü̃ cuáxü̃. Rü yema nixĩ ga ngĩxna ca̱xaxü̃ ga yema nge, rü ñanagürü ngĩxü̃: —¿Rü aixcüma yixĩxü̃ i Tupana pexna nachu̱xuxü̃ nax tama penangṍxü̃ca̱x i norü o i ngẽma nanetügü i ñaa naanewa rüxügüxü̃? —ñanagürü.

1 Chamué 16:11

Rü nüma ga Chamué rü Ichaxína naca rü ñanagürü: —¿Nangexmaxü̃ ya nai ya cune? —ñanagürü. Rü nüma ga Ichaxí nanangãxü̃ rü ñanagürü: —Yimá rübumaecüxicatama nixĩ ya taxucü erü yea naanewa carnérügüna nadau —ñanagürü ga Ichaxí. Rü yexguma ga nüma ga Chamué rü ñanagürü: —¡Ẽcü ñu̱xmatama wüxi i duü̃xü̃xü̃ ngéma namu nax naxca̱x yacaxü̃ca̱x! Erü taxũtáma ítarütogü nax ichibüexü̃ca̱x ñu̱xmatáta ínangu i nümax —ñanagürü.

2 Chamué 13:2

Rü ngĩma ga Tamára rü ípaxüchi rü taguma yatü ngĩxĩne nacua̱x. Rü yemaca̱x ichu̱xu rü Anóü̃axü̃́ naguxcha nax ngĩmaxã yadexaxü̃. Rü düxwa yema norü ngúchaü̃maxã nügü nida̱xawexẽxẽ rü taguma nataãxẽ.

2 Chamué 13:4

Rü wüxi ga ngunexü̃gu rü nüma ga Yonadá rü Anóü̃na naca rü ñanagürü: —¿Ta̱xacü cuxü̃ nangupetü, Pa Ãẽ̱xgacü Nanex? ¿Rü ta̱xacüca̱x wüxichigü i ngunexü̃gu yexeraãcü cungechaxü̃ rü taguma cutaãẽxü̃? ¿Tama ẽ̱xna chomaxã nüxü̃ quixuxchaü̃? —ñanagürü. Rü yexguma nüma ga Anóü̃ rü Yonadáxü̃ nangãxü̃ rü ñanagürü: —Chauenexẽ i Acharóü̃ naeya̱x i Tamáraxü̃ changẽ̱xẽ rü ngẽmaca̱x nixĩ i taguma chataãẽxü̃ —ñanagürü.

2 Chamué 21:21

Rü nüma ga yema Firitéu rü Iraéanecüã̱xgüxü̃ naxãxũne. Natürü Yonatáü̃ ga Chimá nane rü nayama̱x. Rü nüma ga Chimá rü Dabíenexẽ nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:13

Rü Ichaxí nüxü̃́ nayexma ga 7 ga nanegü. Rü ñaa nixĩ ga naégagü: Eriá nixĩ ga nüxíraü̃cü. Rü Abinadá nixĩ ga nawe ücü. Rü Chimá nixĩ ga norü tomaepü̱x. Rü Natanaé nixĩ ga norü ãgümücü. Rü Radái nixĩ ga norü wüxime̱e̱xpü̱x. Rü Ócheü̃ nixĩ ga norü 6. Rü Dabí nixĩ ga norü 7.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:32

Rü Yonatáü̃ ga Dabínepü nixĩ ga norü ucu̱xẽruxü̃. Rü nüma rü wüxi ga yatü ga mea naãẽxü̃ cuácü nixĩ. Rü Yeié ga Axmoní nane nixĩ ga ãẽ̱xgacü nanegüarü dauruxü̃.