2 Chamué 13:23 - Tupanaarü Ore

²³ Rü yexguma taxre ga taunecüguwena rü Acharóü̃arü duü̃xü̃gü rü Baá-achúwa norü carnérugüxü̃ ínayoü̃taxa ga ĩane ga Efraíü̃arü ngaicamana. Rü nüma ga Acharóü̃ rü guxü̃ma ga naenexẽgü ga ãẽ̱xgacü nanegüna naxu nax namaxã nachibüxü̃ca̱x.

2 Chamué 13:23 Referans Kwoze

1 Chamué 25:4

Rü yexguma Dabí yema chianexü̃wa nayexmagu, rü nüxü̃ nacua̱x nax Nabáx rü ĩane ga Carméxwa norü carnéru tüxü̃ ínayoü̃ta̱xaxü̃. Rü nüma ga Dabí rü 10 ga norü duü̃xü̃güxü̃ yéma namugü nax naégagu Nabáxü̃ yanamõxẽgüxü̃ca̱x namaxã ga ñaa ore: —¡Nayaxu, Pa Chauenexẽx, i ñaa chorü moxẽ!

Norü taxre ga to ga popera ga ãẽ̱xgacügüchiga ümatüxü̃ 26:10

Rü yexgumarüxü̃ ta yexma naxnücüanegu nanaxü ga daxũtaechicaxü̃gü. Rü nanaxü ta ga mucüma ga puchugü ga ínadoxonexü̃wa rü ínamáxpü̱xanexü̃wa yerü namuxũchi ga norü wocagü. Rü nüma ga Uchía rü nüxü̃́ nayexma ga ñuxre ga yatügü ga norü naanegüwa puracüexü̃ rü úbanecügü ga ínamáxpü̱xanexü̃wa puracüexü̃ rü naxa̱xtügüwa puracüexü̃. Yerü norü me nixĩ ga naanewa nax napuracüxü̃.

Norü taxre ga popera ga ãẽ̱xgacügüchiga 3:4

Rü Mechá ga Moáanearü ãẽ̱xgacü rü carnéruarü yaẽxẽwa napuracü. Rü yemaca̱x ga Iraéanearü ãẽ̱xgacü rü namaxã nanaxuegu nax naxütanüãxü̃ca̱x ga 100,000 ga carnérugü rü naétü 100,000 ga carnérugüta̱xagü.

Nüxíraxü̃xü̃ ga popera ga ãẽ̱xgacügüchiga 1:25

Erü ñu̱xma rü ínapetae nax ãẽ̱xgacüxü̃ yangucuchixü̃ rü nanadai i wocagü rü wocaxacügü rü muxü̃ma i carnérugü rü ñu̱xũchi cunegüna naxu, Pa Ãẽ̱xgacüx, rü nüxna naxu i ngẽma churaragüerugü rü ñu̱xũchi Abiatá ya chacherdóte ixĩcü. Rü ñu̱xma i nümagü rü ngéma nangẽxmagü rü Adoníamaxã nachibüe rü naxaxegü, rü tagaãcü aita naxüe rü ñanagürügü: “¡Namaxü̃ ya ãẽ̱xgacü ya Adonía!” ñanagürügü.

Nüxíraxü̃xü̃ ga popera ga ãẽ̱xgacügüchiga 1:19

Rü ñu̱xma rü nanadai i wocagü rü wocaxacügü rü muxü̃ma i carnérugü. Rü ñu̱xũchi cunegüna naxu, Pa Ãẽ̱xgacüx, rü ngẽxgumarüxü̃ ta nüxna naxu ya yimá chacherdóte ya Abiatá rü Yoá ya churaragümaxã icuácü, natürü tama nüxna naxu ya Charomóü̃ ya curü ngü̃xẽẽruxü̃ ixĩcü, Pa Ãẽ̱xgacüx.

Nüxíraxü̃xü̃ ga popera ga ãẽ̱xgacügüchiga 1:9

Rü wüxi ga ngunexü̃ rü nüma ga Adonía rü wüxi ga taxü̃ma ga õna naxü ga ma̱xpǘne ga Choélexü̃tawa ga Roguéxtüxü̃arü ngaicamana. Rü nanadai ga carnérugü, rü wocagü rü wocaxacügü ga ingüexü̃. Rü guxü̃ma ga naenexẽgüna naxu, rü guxü̃ma ga duü̃xü̃gü ga Yudátanüxü̃ ga ãẽ̱xgacü ga Dabíaxü̃́ puracüexü̃na naxu.

1 Chamué 25:36

Rü yexguma ngĩma ga Abigái nataeguxgu rü nüxü̃ iyangau ga gumá ngĩte ga Nabáx ga napatawa peta ixücu. Rü taxü̃ ga õna ínaxü ñoma wüxi i ãẽ̱xgacü i réica̱x üxü̃rüxü̃. Rü nüma rü nataãxẽ rü poraãcü nangãxü̃. Rü yemaca̱x ga ngĩma rü taxuxü̃ma namaxã iyaxu ñu̱xmata moxü̃ãcüama.

1 Chamué 25:7

Rü nüxü̃ chacuáchiga nax curü carnérugü tüxü̃ ícuyoü̃ta̱xaxü̃. Rü cuma rü nüxü̃ cucua̱x rü ngẽma curü carnérugüarü dauruü̃gü rü tomaxã nanuxmagü ga nua Carméxwa. Natürü ga toma rü yexguma totanüwa nayexmagügu rü taguma nüxü̃́ tangĩ̱xgü rü taguma ta̱xacürü chixexü̃ namaxã taxüe. Dücax ¡nüxna naca i ngẽma curü duü̃xü̃gü rü aixcümaxü̃ tá cumaxã nixugü! Rü ngẽmaca̱x cuxna naxca̱x chaca nax mea cunayaxuxü̃ i ñaa chorü duü̃xü̃gü i ícupetaeyane cuxü̃tawa ngugüxü̃. Rü ngẽxgumarüxü̃ ta chanaxwa̱xe i toxna cunaxãxü̃ i ngẽma cuxü̃́ tauxchaxü̃ nax nüxna rü choxna cunaxãxü̃. Erü choma i Dabí rü ñoma wüxi ya cunerüxü̃ chixĩ —ñanagürü.

1 Chamué 25:2

Rü Maóü̃gu naxãchiü̃ ga wüxi ga yatü ga muarü diẽruã́xü̃. Rü 3,000 nixĩ ga norü carnérugü rü 1,000 nixĩ ga norü cabragü. Rü ĩane ga Carméxwa nüxü̃́ nayexma ga norü taxepataxü̃. Rü yéma nixĩ ga norü carnéru tüxü̃ ínayoü̃ta̱xaxü̃.

2 Chamué 13:24

Rü nüma ga Acharóü̃ rü nanatü ga ãẽ̱xgacüxü̃tawa naxũ rü ñanagürü nüxü̃: —Pa Ãẽ̱xgacüx, ñu̱xma rü chorü carnérugü tüxü̃ ínayoü̃ta̱xagü i chorü duü̃xü̃gü. Rü ngẽmaca̱x i choma nax curü duü̃xü̃ chixĩxü̃ rü chanaxwa̱xe i choxü̃ cuxümücü namaxã i curü churaragüerugü —ñanagürü.

Naanearü ügüchiga 31:19

Rü yexguma tóxnamana norü carnérugüarü yoü̃ta̱xawa naxũyane ga Labáü̃, rü ngĩma ga Raqué rü yoxni naxca̱x ingĩ̱x ga ngĩnatüarü tupanachicüna̱xãgü ga nutagünaxca̱x.

Neemía 11:33

rü Achóxgu, rü Ramágu, rü Guitaíü̃gu,