2 Chamué 13:12 - Tupanaarü Ore

¹² Rü yexguma ga ngĩma rü Anóü̃xü̃ ngĩgürügü: —¡Pa Chauenexẽx, taxṹ i chomaxã cumaxü̃xü̃! Erü ngẽma rü poraãcü nachu̱xu i nua Iraétanüxü̃tanü̃wa. ¡Rü taxṹ i ngẽma chixexü̃ cuxüxü̃!

2 Chamué 13:12 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 20:6

Rü yexguma ga choma rü chanayaxu ga ngĩxĩne rü 12 gu ichanachexü̃gü. Rü guxü̃ma ga Iraétanüxü̃arü naanewa chanamu ga ngĩmachi nax ngẽmaãcü nüxü̃ nacua̱xgüxü̃ca̱x i guxü̃ma i Iraétanüxü̃ ga yema máeta ga poraãcü chixexü̃ ga naxügüxü̃ ga Bẽyamíü̃tanüxü̃.

Ãẽ̱xgacügü ga guxchaxü̃güarü mexẽxẽruü̃gü 19:23

Natürü ga guxema ĩpataarü yora rü nüxü̃ ñatagürü: —¡Taxṹ, Pa Chomücügüx, i chixexü̃gu perüxĩnüexü̃! ¡Taxṹ i penaxüxü̃ i ngẽma chixexü̃! Erü yima yatü rü choma nüxna chaxu nax chopatawa nanguxü̃ca̱x.

Lebítanüxü̃arü puracüchiga 20:17

Rü ngẽxguma wüxi i yatü rü naeya̱xmaxãtama naxãxma̱xgu, rü woo nai i ngewáxü̃ tixĩxgu rüe̱xna woo nai ya yatüxacü tixĩxgu, rü ngẽxguma naxü̃nearü ngúchaü̃ nügümaxã naxügügu i ngẽma taxre, rü name nax wüxicana duü̃xü̃güpe̱xegu penadaixü̃. Erü ngẽma nax naeya̱xmaxãtama namaxü̃xü̃ rü wüxi i taxü̃ i ãne nixĩ. Rü yíxema ngẽma üxe rü tá tümaarü chixexü̃gagu tapoxcu.

Naanearü ügüchiga 34:7

Rü yexguma Acóbu nanegü naanewa ne ĩxgu rü nüxü̃ nacuáchigagügu ga yema ngupetüxü̃, rü poraãcüma nanue. Yerü yema Chiquéü̃ Dínamaxã üxü̃ rü Iraéca̱x rü wüxi ga taxü̃ma ga dauxcüraü̃ nixĩ, rü ñu̱xũchi poraãcüma chu̱xuxü̃ nixĩ.

Lebítanüxü̃arü puracüchiga 18:11

¡Rü taxṹ i cunatü naxma̱xacümaxãtama cuxunearü ngúchaü̃ cuxüxü̃! Erü woo tama cuéxacü tixĩ natürü cunatüxacü tixĩ, rü ñu̱xũchi cueya̱xtama tixĩ. Rü ngẽmaca̱x tama name nax cuxunearü ngúchaü̃ ngĩmaxã cuxüxü̃.

Lebítanüxü̃arü puracüchiga 18:9

¡Rü taxṹ i cueya̱xmaxãtama cuxunearü ngúchaü̃ cuxüxü̃! Rü woo ega nai i ngewáxü̃ yixĩxgu i ngẽma cueya̱x rüe̱xna nai ya yatüwaxü̃ yixĩxgu, rü woo cupatagu naxíragu rüe̱xna nai ya ĩpatagu naxíragu, ¡rü taxṹ i ngĩmaxã cuxunearü ngúchaü̃ cuxüxü̃!

Wenaxarü naxümatü ga Tupanaarü mugü 22:29

rü nüma i ngẽma yatü rü nanaxwa̱xe nax ngĩnatüaxü̃́ naxütanüãxü̃ i 50 tachinü i diẽru. Rü ngẽma nax ngĩxü̃ yayauxãcümare ngĩmaxã namaxü̃xü̃gagu, rü nanaxwa̱xe nax ngĩmaxã naxãxma̱xü̃chixü̃. Rü tagutáma ngĩxü̃ ínata̱x rü ngĩma rü guxü̃gutáma naxma̱x iyixĩ.

Naanearü ügüchiga 34:2

Rü nüma ga Ebéutanüxü̃ ga Amóx ga guma ĩanearü ãẽ̱xgacü nane ga Chiquéü̃ ngĩxü̃ nadau. Rü ngĩxü̃ niyaxu rü ngĩmaxã namaxü̃.

Wenaxarü naxümatü ga Tupanaarü mugü 22:21

rü ngẽxguma i ngẽma ĩanearü ãẽ̱xgacügü rü ngĩnatüpataarü ĩã̱xgu tá ngĩxü̃ nayamugü. Rü yima ĩanearü yatügü rü ngẽxma tátama nutagümaxã ngĩxü̃ nima̱xgü nagagu i ngẽma chixexü̃chixü̃ i naxüxü̃ i Iraétanüxü̃tanüwa i ngĩnatüpatawa. Rü ngẽmaãcü tá peyanaxoxẽxẽ i ngẽma chixexü̃ i petanüwa ngẽxmaxü̃.

Yeremía 29:23

Rü ngẽmaãcü tá nangupetü yerü Iraéanewa rü taxü̃ ga chixexü̃ naxügü. Rü namücüma̱xmaxã namaxẽ. Rü chauégagu nüxü̃ nixugüe ga doramare ixĩxü̃ ga choma tama namaxã nüxü̃ chixuxü̃ nax nüxü̃ yaxugüxü̃ca̱x. Rü choma rü meama nüxü̃ chacua̱x i ngẽma erü nüxü̃ chadau nax ngẽma naxüxü̃” —ñanagürü ga Tupana.