Biblia Todo Logo
Bib sou entènèt

- Piblisite -




2 Chamué 13:1 - Tupanaarü Ore

1 Acharóü̃ ga Dabí nane rü nüxü̃́ iyexma ga naeya̱x ga Tamáragu ãégacü. Rü ngĩma rü imechametüxüchi. Rü nayexma ta ga to ga Dabí nane ga Anóü̃gu ãégaxü̃. Rü nüma ga Anóü̃ rü poraãcü naeya̱x ga Tamáraxü̃ nangẽ̱xẽ.

Gade chapit la Kopi




2 Chamué 13:1
15 Referans Kwoze  

Rü yemagü nixĩ ga Dabí nanegü. Natürü tama nixugü ga nanegü ga naxma̱xabawáxü̃güxü̃. Rü Tamára iyixĩ ga naeya̱x ga yema nanegü.


Rü norü tomaepü̱x ga nane rü Acharóü̃ nixĩ. Rü naé rü Maacá iyixĩ. Rü ngĩnatü nixĩ ga Tarmái ga ĩane ga Yechúxarü ãẽ̱xgacü ixĩcü. Rü norü ãgümücü ga nane rü Adonía nixĩ. Rü naé rü Aguíx iyixĩ.


Rü nüma ga Acharóü̃ rü nüxü̃́ nayexma ga tomaepü̱x ga nanegü, rü wüxi ga naxacü. Rü Tamára nixĩ ga ngĩéga rü imechametüxüchi.


Rü yexguma marü ngĩmaxã namaxü̃guwena, rü nüma ga Anóü̃ rü ngĩchi ínayaxaiãchi. Rü yema nax nangĩxwa̱xechiréxü̃arü yexera nüxü̃́ iwa̱xtümüxü̃. Rü ngĩxü̃ ñanagürü: —¡Inachi rü ínaxũxũ i nua! —ñanagürü.


Ngẽxguma napaxgu i wüxi i nge rü imechametü, rü ngẽmaca̱x yatügüaxü̃́ ingúchaü̃, natürü ngẽma ngĩrü pa rü paxaãchimare nixĩ. Natürü ngẽma nge i Tupanaga ĩnücü nixĩ i namexü̃ nax yexera ngĩxü̃ icua̱xüxü̃güxü̃.


¡Taxṹ i norü mechametüca̱x, rü norü mexeneca̱x cugüxü̃́ cunangúchaü̃xẽxẽxü̃, rü taxṹ i cuxü̃ yayauxãxẽxü̃ ega cuxü̃ nadawenügu!


Rü nüma ga Charomóü̃ rü Equítuanecüã̱xarü ãẽ̱xgacü ga Faraóü̃acümaxã naxãxma̱x. Rü yexgumarüxü̃ ta namaxã naxãxma̱x ga muxü̃ma ga ngexü̃gü ga togü ga nachixü̃anecüã̱x ixĩgüxü̃ ga: Moátanüxü̃, rü Amóü̃tanüxü̃ rü Edóü̃tanüxü̃, rü Chidóü̃tanüxü̃ rü Itítanüxü̃ ga Cori ya Tupana Iraéanecüã̱xgüna chu̱xuxü̃ ga namaxã nax yaxãmaxü̃ yerü ngürüãchi yema Iraéanecüã̱xgü rü tá yema ngexü̃güarü tupanagüwe narüxĩ. Natürü nüma ga Charomóü̃ rü yema ngexü̃güxü̃ nangẽ̱xẽ, rü yemaca̱x namaxã naxãxma̱x.


Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.


Rü nüma ga Chiquéü̃ rü poraãcü ngĩxü̃ nangẽ̱xẽ rü nüxü̃́ ingúchaü̃ rü yemaca̱x ngĩmaxã namecüma.


Rü yemaacü ga Acóbu rü 7 ga taunecü ngĩxca̱x napuracü ga Raqué. Natürü Acóbuca̱x rü gumá 7 ga taunecü rü tama nũxcücüraxü̃ nixĩ yerü poraãcü nüxü̃́ ingúchaü̃xü̃chi.


Rü nüma ga Acóbu, rü Raqué iyixĩ ga yema ngĩxü̃ nangẽ̱xẽ̱xcü. Rü yemaca̱x Labáü̃xü̃ nangãxü̃ rü ñanagürü: —Ngẽma cuxacü i irübumaecü i Raquéca̱x rü tá 7 ya taunecü cuxü̃tawa chapuracü —ñanagürü.


Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.


Rü ngĩma ga Tamára rü ípaxüchi rü taguma yatü ngĩxĩne nacua̱x. Rü yemaca̱x ichu̱xu rü Anóü̃axü̃́ naguxcha nax ngĩmaxã yadexaxü̃. Rü düxwa yema norü ngúchaü̃maxã nügü nida̱xawexẽxẽ rü taguma nataãxẽ.


Swiv nou:

Piblisite


Piblisite