2 Chamué 11:8 - Tupanaarü Ore

⁸ Rü yemawena ga Dabí rü ñanagürü: —¡Ẽcü, cuchiü̃wa naxũ rü ngẽxma yarüngü̃! —ñanagürü. Rü yexguma Dabíxü̃tawa ínaxũxũxgu ga Uría, rü nüma ga Dabí rü Uríapatawa nanamu ga wüxi ga õna ga mexü̃ norü ãmarexü̃.

2 Chamué 11:8 Referans Kwoze

Naanearü ügüchiga 18:4

Rü ngẽxguma cuxü̃́ namexgu rü tá íxraxü̃ i dexáca̱x íchaca nax pegü piyauxgücutügüxü̃ca̱x. ¡Rü nua castañapechitagu paxaãchi perüngü̃gü!

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Ore i mexü̃ ga Luca ümatüxü̃ 12:2

Natürü guxü̃ma i ta̱xacü i cúãcü üxü̃ rü tá nango̱xoma. Rü guxü̃ma i ngẽma icúxü̃ rü duü̃xü̃gü rü ta nüxü̃ nacua̱xgüama.

Ore i mexü̃ ga Luca ümatüxü̃ 7:44

Rü yexguma ga Ngechuchu rü ngĩxü̃ nadawenü ga yema ngecü, rü ñanagürü Chimóü̃xü̃: —¿Ngĩxü̃ cudauxü̃ i ñaa ngecü? Rü cupatagu chaxücu i chomax, Pa Chimóü̃, natürü tama dexá choxna ta cuxã chorü yauxcutüruxü̃. Natürü ñaa ngecü rü ngĩxgüxü̃xetümaxã choxü̃ iyawaicutüxẽxẽ, rü ngĩyaemaxã choxü̃ íipicutü.

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

Wiyaegü 55:21

Rü ngẽxguma yadexagügu rü ore i mexechixü̃maxã nidexagü, natürü i norü ĩnüwa rü daigu narüxĩnüe. Rü mexẽchixü̃ i dexamaxã nidexagü, natürü ngẽma dexagü rü ñoma taragü i nachiü̃wa ituxuchigüxü̃rüxü̃ nixĩgü.

Wiyaegü 12:2

Rü nügütanüwa i duü̃xü̃gü rü nügü nawomüxẽẽgü. Rü mea nidexagüneta rü tama aixcümaxü̃ nixugü.

Naanearü ügüchiga 43:34

Rü nüma ga Yúche rü naenexẽgüxü̃ nanangõ̱xẽxẽ ga yematama õna ga nüma nangṍxü̃ ga norü mechawa yexmaxü̃. Rü yema õna ga Bẽyamíü̃na naxãxü̃ rü poraãcü yema togü ga naenexẽgüna naxãxü̃xü̃ rütamaexü̃ nixĩ. Rü Yúche rü naenexẽgümaxã wüxigu naxaxegü rü nataãẽgü.

Naanearü ügüchiga 43:24

Rü ñu̱xũchi Yúchepatawa nanagagü ga guxü̃ma ga yema naenexẽgü. Rü dexá nüxna tanaxã nax yayauxgücutüxü̃ca̱x. Rü norü búrugü rü ta nayaxüwemügü.

Naanearü ügüchiga 19:2

Rü ñanagürü nüxü̃: —Pa Corigüx, rü choma nax perü duü̃xü̃ chixĩxü̃ rü pexna chaxu nax chauchiü̃gu pepegüxü̃. Rü ngéma tá pegü piyauxgücutügü, rü marü name i moxü̃ pa̱xmama ipexĩãchi —ñanagürü. Natürü nümagü rü nanangãxü̃ rü ñanagürügü: —Tamoxẽxü̃chi, rü nuxã ĩã̱xtügumare tá tapegü —ñanagürügü.