2 Chamué 11:2 - Tupanaarü Ore

² Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.

2 Chamué 11:2 Referans Kwoze

Ore i mexü̃ ga Matéu ümatüxü̃ 5:28

Natürü choma rü pemaxã nüxü̃ chixu, rü texé ya wüxi ya ngexü̃xü̃ dawenüxẽ rü tüxü̃́ nangúchaü̃xe nax ngĩmaxã tamaxü̃xü̃, rü tümaãẽwa marü ngĩmaxã tamaxü̃.

Wiyaegü 119:37

¡Rü choxna yaxũgachixẽxẽ i ngẽma ĩnü i natüca̱xmamare ixĩxü̃ nax ngẽmaãcü curü ĩnügurica chixũxü̃ca̱x!

Nüxíraxü̃xü̃ ga popera ga Cuáü̃ ümatüxü̃ 2:16

Erü guxü̃ma i ngúchaü̃gü i ñoma i naanewa ngẽxmagüxü̃ rü ñoma i naanearütama nixĩ rü tama Tupanaarü nixĩ. Rü ngẽma nixĩ i taxü̃nearü ngúchaü̃gü, rü taxetüarü ngúchaü̃gü, rü diẽrumaxã yigü icua̱xüü̃güxü̃.

Ngechuchuarü ngúexü̃gü ga yamugüxü̃arü puracüchiga 10:9

Rü moxü̃ãcü ga yexguma namagu naxĩyane ga yema duü̃xü̃gü ga Cornériu yéma mugüxü̃, rü yexguma marü Yópexü̃ yangaicagügu, rü Pedru rü daxũ naxĩ ga ĩpataétüwa nax yéma nayumüxẽxü̃ca̱x. Rü tocuchiarü oragu nixĩ ga yexguma.

Ucu̱xẽgüchiga 6:25

¡Taxṹ i norü mechametüca̱x, rü norü mexeneca̱x cugüxü̃́ cunangúchaü̃xẽxẽxü̃, rü taxṹ i cuxü̃ yayauxãxẽxü̃ ega cuxü̃ nadawenügu!

Yox 31:1

Rü nüma ga Yox rü nidexachigüama rü ñanagürü: —Choma rü meama chaugüna chayanuxü̃ nax tama choxü̃́ nangúchaü̃xü̃ca̱x i pacügü.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Ucu̱xẽgüchiga 31:30

Ngẽxguma napaxgu i wüxi i nge rü imechametü, rü ngẽmaca̱x yatügüaxü̃́ ingúchaü̃, natürü ngẽma ngĩrü pa rü paxaãchimare nixĩ. Natürü ngẽma nge i Tupanaga ĩnücü nixĩ i namexü̃ nax yexera ngĩxü̃ icua̱xüxü̃güxü̃.

Wenaxarü naxümatü ga Tupanaarü mugü 22:8

Rü ngẽxguma texé ngexwacaxü̃ne ya tümapata taxü̱xgu rü name nax ítanapoxeguxü̃ i naétüwa ya tümapata nax ngẽmaãcü taxúema ngéma rünguxü̃ca̱x rü ngẽmaãcü tama yatümaguãchixü̃ca̱x ega ngürüãchi texé ngéma rünguxgu rü tayu̱xgu.

Naanearü ügüchiga 3:6

Rü yexguma ga yema nge rü nüxü̃ idawenü ga yema nanetüarü o rü ngĩxü̃́ nangúchaü̃ ga nax nangṍoxü̃ nax yemaacü cua̱x ngĩxü̃́ yexmaxü̃ca̱x. Rü iyacawe ga wüxipü̱xü ga norü o rü inangõ̱x. Rü ñu̱xũchi ngĩtemaxã ingau rü nüma rü ta nanangõ̱x.

Ore i mexü̃ ga Matéu ümatüxü̃ 10:27

Rü guxü̃ma i ngẽma bexma pemaxã nüxü̃ chixuxü̃, ¡rü mea duü̃xü̃güca̱x penango̱xẽxẽ! Rü guxü̃ma i ngẽma pemaxãxicatama nüxü̃ chixuxü̃, ¡rü tagaãcü guxü̃ i duü̃xü̃gümaxã nüxü̃ pixu!

Yeremía 19:13

Rü ngẽma doxonexü̃ i Tóperüxü̃ rü chope̱xewa tá nixãũãchi ya yima ĩpatagü ya Yerucharéü̃cüã̱x rü yima Yudáanearü ãẽ̱xgacügüpatagü rü ngẽma ĩã̱xtügü ga nawa woramacurigüca̱x pumarate̱xe yagugüxü̃ rü bínu ga ãmarexü̃ nagu nabagüxü̃ naxca̱x ga yema tupananetagü” —ñanagürü ga Tupana.

Ucu̱xẽgüchiga 19:15

Ngẽma o rü yaxta tüxna naxã. Rü yíxema oxe, rü tümagagu taiya tüxü̃́ nangu̱x.

2 Chamué 4:7

Rü yexguma Ibóchexpatagu nachocuxgu rü nüma ga Ibóchex rü nachiãü̃gu naca. Rü nayama̱xgü rü nayadaerugü rü ñu̱xũchi nayangegü ga yema naeru. Rü guxü̃ma ga chütaxü̃ inaxĩ nagu ga yema nama ga Arabáwa daxü̃ nax Dabína yaxãgüaxü̃ca̱x ga Ebróü̃wa yexmacü. Rü ãẽ̱xgacü ga Dabíxü̃ ñanagürügü: —Pa Ãẽ̱xgacüx, ñaa nixĩ i ngẽma Ibóchexeru i nane ga guma curü uanü ga Chaú ga naxca̱x dauxü̃ nax cuxü̃ yamáxü̃. Natürü i ñu̱xmax, Pa Ãẽ̱xgacüx, rü nüma ya Cori ya Tupana rü cuxü̃́ nanatauxchaxẽxẽ nax cuxütanüxü̃ naxca̱x ga Chaú rü natanüxü̃ nax cuxü̃ imáxchaü̃xü̃ —ñanagürügü.

Naanearü ügüchiga 34:2

Rü nüma ga Ebéutanüxü̃ ga Amóx ga guma ĩanearü ãẽ̱xgacü nane ga Chiquéü̃ ngĩxü̃ nadau. Rü ngĩxü̃ niyaxu rü ngĩmaxã namaxü̃.

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

2 Chamué 4:5

Rü nümagü ga Recáx rü Baaná ga Rimóü̃ ga Beerúxcüã̱x nanegü, rü Ibóchexchiü̃wa nangugü. Rü yema ora ga nagu poraãcü naianexü̃gu yéma nangugü ga yexguma paxaxãchi ínapeyane ga Ibóchex.

1 Chamué 9:25

Rü yexguma marü yema nachicawa yanachoxü̃gu ga ĩanewa nax naxĩxü̃, rü ĩpataarü daxũwa Chaúca̱x nanamexẽẽgü ga wüxi ga pechica.

Naanearü ügüchiga 39:6

Rü yexguma Yúche marü nüxna da̱u̱xgu ga norü yemaxü̃gü, rü nüma ga Potifá rü marü taxuca̱xma naxoegaãxẽ, rü chibüguxicatama narüxĩnü. Rü Yúche rü wüxi ga ngextü̱xücü ga mechametücü nixĩ rü yemaca̱x nangúchaü̃.

Ore i mexü̃ ga Matéu ümatüxü̃ 24:17

Rü ngẽma ngunexü̃gu ega texé tümapataétüwa ngẽxmagu, rü tama name i tümapatagu tayangaxi nax tümaarü ngẽmaxü̃ tayayaxuxü̃ca̱x.

Naanearü ügüchiga 12:11

Rü yexguma marü Equítuanewa nanguxchaü̃gu ga Abráü̃ rü naxma̱x ga Charáixü̃ ñanagürü: —Dücax, choma rü nüxü̃ chacua̱x rü wüxi i nge i mechametüxüchicü quixĩ.

Wenaxarü naxümatü ga Tupanaarü mugü 5:21

¡Rü taxũtáma cugüxü̃́ tüxü̃ cungúchaü̃xẽxẽ ya cumücüma̱x, rüe̱xna napata, rüe̱xna norü naane, rüe̱xna norü mugüruxü̃, rüe̱xna naxü̃taxü̃, rüe̱xna norü woca i puracüruxü̃, rüe̱xna norü búru, rü bai i ta̱xacü i noxrü ixĩxü̃!” ñanagürü ga Tupana.

2 Chamué 13:1

Acharóü̃ ga Dabí nane rü nüxü̃́ iyexma ga naeya̱x ga Tamáragu ãégacü. Rü ngĩma rü imechametüxüchi. Rü nayexma ta ga to ga Dabí nane ga Anóü̃gu ãégaxü̃. Rü nüma ga Anóü̃ rü poraãcü naeya̱x ga Tamáraxü̃ nangẽ̱xẽ.

2 Chamué 14:27

Rü nüma ga Acharóü̃ rü nüxü̃́ nayexma ga tomaepü̱x ga nanegü, rü wüxi ga naxacü. Rü Tamára nixĩ ga ngĩéga rü imechametüxüchi.

Ucu̱xẽgüchiga 7:8

Yexguma namaarü poeguãchiwa nanguxgu ga yema ngextü̱xüxü̃, rü nixüe ga namawa rü meama yema ngexü̃ íxãpataxü̃wa naxũ.