2 Chamué 11:11 - Tupanaarü Ore

¹¹ Rü nüma ga Uría nanangãxü̃ rü ñanagürü: —Ngẽma baú i Tupanaarü mugüchixü̃ rü Iraéanecüã̱xgüarü churaragü rü Yudáanearü churaragü rü düxenügütüü̃gumare napegü. Rü ngẽxgumarüxü̃ ta ya Yoá ya chorü ãẽ̱xgacü, rü ngẽma ãẽ̱xgacügü i cutüü̃wa ügüxü̃ rü düxétüanegumare napegü. ¿Rü ñuxãcü i choma rü chiarü chauchiü̃gu chaxücuxü̃, rü chachibüxü̃, rü chaxaxexü̃, rü cha̱u̱xma̱xü̃ta chi chapexü̃? Rü Tupanaégagu cumaxã nüxü̃ chixu rü tagutáma ngéma chaxũ —ñanagürü.

2 Chamué 11:11 Referans Kwoze

2 Chamué 7:2

Rü yemawena rü nüma ga Dabí rü gumá Tupanaarü orearü uruxü̃ ga Natáü̃xü̃ ñanagürü: —Dücax i choma rü wüxi ya mexẽchine ya ĩpata ya ocayiwanaxca̱x ixĩxü̃newa changexma. Natürü ngẽma baú i Tupanaarü mugü nawa ngẽxmagüxü̃ rü wüxi ya ĩpata ya naxchirunaxca̱xmare ixĩxü̃newa nangẽxma —ñanagürü.

2 Chamué 20:6

Rü yexguma ga Dabí rü Abicháixü̃ ñanagürü: —Chebá rü taxü̃ i chixexü̃ tá tamaxã naxü Acharóü̃arü yexera. ¡Rü ngẽmaca̱x namaxã inacua̱x i chorü churaragü rü nawe nangẽ naxü̃pa nax ĩanegü ya ípoxegunexü̃ iyangauxü̃ rü ngẽmaãcü marü taxucürüwa tayayaxu! —ñanagürü.

2 Chamué 7:6

Rü yexguma noxritama Equítuanewa íchananguxü̃xẽẽ̱xgu ga Iraétanüxü̃, rü yexgumacürüwa rü taguma wüxi ga ĩpata ga mürapewanaxca̱xtüü̃wa chayexma, natürü ĩpata ga naxchirunaxca̱xtüü̃wa nixĩ ga chayexmaxü̃.

1 Chamué 1:26

Rü ngĩma ga Ána rü ngĩgürügü nüxü̃ ga gumá chacherdóte: —Pa Corix, ¡choxü̃ nangechaxü̃! Rü ngẽma nax aixcüma cumaxü̃xü̃rüxü̃ rü aixcüma nixĩ nax choma chixĩxü̃ ga yema nge ga ü̃pa cupe̱xewa Tupanaxü̃ chaca̱a̱xü̃ chorü yumüxẽwa.

Norü taxre ga popera ga Timutéuca̱x naxümatüxü̃ ga Pauru 2:12

Rü ngẽxguma ñoma i naanewa yáxna namaxã ixĩnüegu ega ngúxü̃ ingexgu, rü daxũguxü̃ i naanewa rü wüxigu namaxã tá ãẽ̱xgacügü tixĩgü. Natürü ngẽxguma tama Cristuxü̃ icuáxchaü̃gu i ñoma i naanewa, rü nüma rü tá ta taxũtáma tüxü̃ nacuáxchaü̃ i daxũguxü̃ i naanewa.

Ore i mexü̃ ga Cuáü̃ ümatüxü̃ 13:14

Rü ñu̱xma i choma nax perü ngúexẽẽruxü̃ chixĩxü̃ rü perü Cori chixĩxü̃, rü pexü̃ chiyauxgücutü. Rü ngẽxgumarüxü̃ ta i pema rü name i wüxichigü i pemücüxü̃ piyauxgücutü.

2 Chamué 14:19

Rü yexguma ga nüma ga ãẽ̱xgacü rü ngĩxna naca rü ñanagürü: —¿Aixcüma yixĩxü̃ nax Yoá cuxü̃ muxü̃ nax cunaxüxü̃ca̱x i guxü̃ma i ñaa? —ñanagürü. Rü ngĩma ga yema nge rü inangãxü̃ rü ngĩgürügü: —Cupe̱xewa nüxü̃ chixu, Pa Ãẽ̱xgacüx, rü aixcüma nixĩ i ngẽma cuma nüxü̃ quixuxü̃. Rü Yoá i curü churaragüeru nixĩ i choxü̃ muxü̃ nax nua chaxũxü̃. Rü nüma nixĩ i chomaxã nüxü̃ yaxuxü̃ i guxü̃ma i ñaa ore i cumaxã nüxü̃ chixuxü̃.

1 Chamué 25:26

Natürü nüma ya Cori ya Tupana rü tama nanaxwa̱xe nax nua cuxũxü̃ nax cunadaixü̃ca̱x i ngẽma duü̃xü̃gü naxca̱x i ngẽma guxchaxü̃ i naxügüxü̃. Rü Tupanana naxca̱x chaca nax napoxcueãxü̃ i guxü̃ma i ngẽma curü uanügü, rü guxü̃ma i ngẽma chixexü̃maxã cuxü̃ itoxyepe̱xegüxü̃, Nabáxrüxü̃.

1 Chamué 20:3

Natürü ga Dabí rü nüxü̃ nixuchigüama rü ñanagürü: —Curü papa rü meama nüxü̃ tacua̱x nax cuma rü choxü̃ cungechaü̃xü̃ rü ngẽmaca̱x nixĩ i tama cumaxã nüxü̃ tixuxchaü̃xü̃ erü chi tümamaxã cunu. Natürü Cori ya Tupanaégagu rü cuégagutama cumaxã nüxü̃ chixu nax marü choxü̃ yangaicaxü̃ nax chayuxü̃ —ñanagürü.

1 Chamué 17:55

Rü yexguma Dabí rü yema Firitéuca̱x iñaxgu, rü nüma ga Chaú rü norü churaragüeru ga Abnéxna naca rü ñanagürü: —¿Texé tixĩ ya nanatü ya yimá ngextü̱xücü? —ñanagürü.

1 Chamué 14:18

Rü yema ngunexü̃gu rü Tupanaarü efóx rü Iraétanüwa nayexma. Rü yemaca̱x ga Chaú rü chacherdóte ga Aíaxü̃ ñanagürü: —¡Nua nange i Tupanaarü efóx! —ñanagürü.

1 Chamué 4:4

Rü yemaca̱x ga Iraéanecüã̱xgü rü ñuxre ga churaragü Chilówa namugü. Rü yéma nayayauxgü ga yema baú ga nawa nayexmaxü̃ ga norü mugü ga Cori ya Tupana ya Guxü̃étüwa Ngẽxmacü. Rü Oní rü Fineéx ga yema taxre ga Erí nanegü rü yema baú ga Cori ya Tupanaarü mugü nawa yexmaxü̃xü̃ta nixĩxü̃tanü.

2 Chamué 11:10

Rü yexguma Dabí nüxü̃ cua̱xgu ga Uría rü tama nachiü̃wa nax naxũxü̃, rü nüxna naca rü ñanagürü: —¿Ta̱xacü cuxü̃ nangupetü? ¿Tü̱xcüü̃ tama cuchiü̃gu cuyape woo nax ñuxre i ngunexü̃ ngextámare nax cungexmaxü̃? —ñanagürü.

Iraétanüxü̃arü muxchiga 32:6

Natürü ga Moiché rü nanangãxü̃ rü nüxü̃ ñanagürü: —¿Ẽ̱xna pema rü nuatama perüchoxchaü̃ i ngẽxguma petanüxü̃ daiwa ĩxgu?