2 Chamué 11:1 - Tupanaarü Ore

¹ Rü gumá tauemacügu ga yexguma taunecüwa nanguxchaü̃gu, rü yexguma nixĩ ga ãẽ̱xgacügü ga ínachoxü̃xü̃ ga daiwa nax naxĩxü̃ca̱x. Rü nüma ga Dabí rü nanamu ga Yoá rü norü churaragüarü ãẽ̱xgacügü nax guxü̃ma ga Iraéarü churaragümaxã yema Amóü̃tanüxü̃arü churaragümaxã nügü nada̱i̱xü̃ca̱x. Rü guma Amóü̃tanüxü̃arü ĩane ga Rabáxü̃ ínachoeguãchi. Natürü nüma ga Dabí rü Yerucharéü̃gu narüxã̱ũ̱x.

2 Chamué 11:1 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 20:1

Rü taunecüarü guxgu ga yexguma primaberawa nanguxgu, rü yexguma nixĩ ga ãẽ̱xgacügü naxca̱x daugüxü̃ nax to ga nachixü̃anearü ãẽ̱xgacümaxã nügü nada̱i̱xü̃. Rü nüma ga Yoá rü norü churaragümaxã nanapu ga Amóü̃tanüxü̃arü naane. Rü naxca̱x ínayaxüãchi ga ĩane ga Rabá. Rü nüxü̃ ínachomaegu rü nagu napogüe. Natürü nüma ga Dabí rü Yerucharéü̃watama nayexma.

Nüxíraxü̃xü̃ ga popera ga ãẽ̱xgacügüchiga 20:26

Rü wüxi ga taunecüwena rü nüma ga Ben-adáxü̃ rü nananutaque̱xe ga Chíriaanearü churaragü. Rü Aféxwa namaxã naxũ nax wena Iraégümaxã nügü nada̱i̱xü̃ca̱x.

Nüxíraxü̃xü̃ ga popera ga ãẽ̱xgacügüchiga 20:22

Rü yemawena rü Iraéanearü ãẽ̱xgacüxü̃tawa naxũ ga Tupanaarü orearü uruxü̃ rü ñanagürü: —¡Namuxẽxẽ i curü churaragü rü mea nangúexẽxẽ! Erü nai ya taunecü rü nüma i Chíriaanearü ãẽ̱xgacü rü wena tá cuxca̱x ínayagoõchi —ñanagürü.

Ngu̱xẽẽtaeruü̃arü ore 3:8

Rü nangẽxma i ngunexü̃ i nagu yigü ingechaü̃güxü̃, rü ngunexü̃ i nagu yigüchi ixaiexü̃. Rü nangẽxma i ngunexü̃ i nagu yigü ida̱i̱xü̃, rü ngunexü̃ i nagu yigümaxã rüngüxmüexü̃.

Norü taxre ga to ga popera ga ãẽ̱xgacügüchiga ümatüxü̃ 36:10

Rü yexguma inaxügügu ga gumá taunecü, rü nüma ga ãẽ̱xgacü ga Nabucudonochó rü norü churaragüxü̃ namu nax Yoaquíü̃xü̃ Babiróniawa nagagüxü̃. Rü wüxigu namaxã nayana ga Tupanapata ga taxü̃nearü yemaxü̃gü ga itatanüxü̃. Rü Yoaquíü̃chicüxü nüxü̃ naxuneta ga Chedequía ga Yoaquíü̃ nanepü nax Yudáanewa rü Yerucharéü̃wa ãẽ̱xgacü yixĩxü̃ca̱x.

Wenaxarü naxümatü ga Tupanaarü mugü 3:11

(Rü gumá ãẽ̱xgacü ga Óxicatama nixĩ ga íyaxücü ga Refátanüxü̃tanüwa. Rü yema norü pechicaxü̃ rü fierumünaxca̱x nixĩ, rü 4 metruarü ngãxü̃ nixĩ ga norü ma̱x rü wixgutaa̱x taxre ga metru nixĩ ga norü tatachinü. Rü ñu̱xma rü ta rü Amóü̃tanüxü̃arü ĩane ya Rabáwa nangẽxma.)

Echequié 21:20

¡Rü naxüxchicüna̱xã i ngẽma nama i nagu tá yaxũxü̃ i Babiróniaanearü ãẽ̱xgacü norü taramaxã! ¡Rü naxümatü i naéga i ngẽma nama i Amóü̃tanüxü̃arü ĩane ya Rabáwaama nadaxü̃! ¡Rü ngẽxgumarüxü̃ ta naxümatü i naéga i ngẽma to i nama i Yudáanearü ĩane ya ípoxegune ya Yerucharéü̃waama nadaxü̃!

Chacaría 14:3

Natürü ngẽmawena i nüma ya Cori ya Tupana rü tá ngẽma nachixü̃anegümaxã nügü nadai ñoma churaragü norü uanügümaxã nügü daixgurüxü̃.

1 Chamué 18:30

Rü yexguma Firitéugüarü churaragümaxã nügü nada̱i̱xü̃gu, rü nüma ga Dabí nixĩ ga guxü̃ma ga togü ga Chaúarü churaragüeruarü yexera norü uanügüxü̃ narüporamaexü̃. Rü yemaca̱x nixĩ ga guxü̃ma ga duü̃xü̃gü nüxü̃ ngechaü̃güxü̃.

2 Chamué 10:14

Rü yexguma yema Amóü̃tanüxü̃ nüxü̃ daugügu ga nax yabuxmüxü̃ ga yema Chíriaanearü churaragü, rü nüma rü ta nibuxmü Abicháicha̱xwa, rü ĩanegu naxücu. Rü yexguma ga Yoá rü nüxü̃ narüchau nax Amóü̃tanüxü̃maxã nügü daixü̃. Rü Yerucharéü̃ca̱x nataegu.

Yeremía 49:2

Rü nüma ya Cori ya Tupana rü ñanagürü: —Rü nawa tá nangu i ngunexü̃ nax yima Amóü̃tanüxü̃arü ĩane ya Rabáwa tá norü duü̃xü̃güxü̃ nüxü̃ chaxĩnüexẽẽxü̃ nax tagaãcü daimaxã aita naxüexü̃ i norü uanügü. Rü yima ĩane rü nachitaxü̃xica tá ngéma nayaxü. Rü ngẽma nachixü̃anearü ĩanegü rü tá ínagu. Rü ngẽxguma i ngẽma Iraétanüxü̃ rü wena tá nanayauxgü ya yima norü ĩanegü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 49:3

Rü ñanagürü ta: —¡Naxaxu Pa Ĩane ya Ebóü̃x! Erü yima ĩane ya Ái rü marü nagu napogüe. ¡Pexauxe, Pa Ngexü̃güx i Rabácüã̱x! ¡Rü ngechaü̃chirugu picu̱xgü! ¡Rü perü ngechaü̃maxã pegüremügu pecüxgüe! ¡Rü nu ne penaxü ñoma wüxi i ãũãẽxü̃rüxü̃! Erü ngẽma perü tupananeta rü to i nachixü̃anewa nanangegü wüxigu namaxã i norü chacherdótegü rü ngẽma duü̃xü̃gü i tachigagüxü̃.

Amúx 1:14

Rü ngẽmaca̱x tá üxümaxã chayagu i Rabáarü poxeguxü̃gü. Rü wüxi i ngunexü̃ i nagu yaduruanexü̃ rü nagu nawaanexü̃ rü ngẽxguma nügü ínadaiyane tá nixĩ i üxüemamaxã íchanaguxü̃ ya yima norü ãẽ̱xgacüpatagü.

Wiyaegü 60:9

Pa Tupanax ¿Texé tá yima ĩane ya ípoxegunewa choxü̃ taga? ¿Rü texé tá choxü̃ tanawe̱x i ngẽma nama i Edóü̃wa nadaxü̃? ¿Ẽ̱xna tama cuma, Pa Tupanax, i toxü̃ cuxoxü̃? Cuma rü ñu̱xma marü tama torü churaragüxü̃ íquixümücü.