2 Chamué 10:6 - Tupanaarü Ore

⁶ Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.

2 Chamué 10:6 Referans Kwoze

2 Chamué 8:5

Rü yema Chíriaanecüã̱xgü ga Damácuwa maxẽxü̃ rü yéma naxĩ nax Chobáarü ãẽ̱xgacü ga Adáx-échexü̃ yanangü̃xẽẽgüxü̃ca̱x. Natürü ga Dabí rü nüxü̃ narüporamae, rü 22,000 ga Chíriaanecüã̱xgüxü̃ nadai.

2 Chamué 8:3

Rü nüma ga Dabí rü yexgumarüxü̃ ta Reóx nane ga Adáx-éche ga Chobáarü ãẽ̱xgacüxü̃ narüporamae ga yexguma nüma ga Adáx-éche rü natü ga Eufrátewa naxũxgu nax wena naya̱u̱xãxü̃ca̱x ga yema naane.

Naanearü ügüchiga 34:30

Rü yexguma nüma ga Acóbu rü nanegü ga Chimeóü̃xü̃ rü Lebíxü̃ nanga rü ñanagürü: —Pemax i ñu̱xmax rü taxü̃ i guxchawa choxü̃ pengexmaxẽxẽ. Rü ñu̱xmax i ngẽma duü̃xü̃gü i ñaa naanewa maxẽxü̃ i Canaáü̃cüã̱xgü, rü Ferechéugü rü tá chauxchi naxaie. Rü nügü tá cha̱u̱xca̱x nanutaque̱xe rü tá cha̱u̱xca̱x ínayaxüãchi. Rü ñu̱xma nax noxretama i yatügü choxü̃́ ngẽxmaxü̃ rü tá choxü̃ nima̱x wüxigu namaxã i guxü̃ma i chopatacüã̱xgü —ñanagürü.

1 Chamué 27:12

Rü nüma ga Aquí rü Dabíaxü̃́ nayaxõ rü yemaca̱x ñaxü̃gu Dabímaxã narüxĩnü: —Rü ñu̱xma i ngẽma Iraéanecüã̱xgü rü Dabíchi naxaie, rü ngẽmaca̱x i nüma rü guxü̃gutáma chorü duü̃xü̃ nixĩ —ñaxü̃gu narüxĩnü.

Ãẽ̱xgacügü ga guxchaxü̃güarü mexẽxẽruü̃gü 18:28

Rü guma ĩane ga Lái rü Chidóü̃arü yáxü̃wa nayexma, rü yema duü̃xü̃gü ga yémacüã̱xgü rü taxúema toguemaxã naxãmücügü, rü yemaca̱x taxúema ítanapoxü̃gü. Rü guma ĩane rü doxonexü̃ i Bex-reóxwa nayexma. Rü yemawena ga Dáü̃tanüxü̃ rü nügüca̱x nanamexẽẽgü ga guma ĩane rü nawa namaxẽ.

Ãẽ̱xgacügü ga guxchaxü̃güarü mexẽxẽruü̃gü 11:3

Rü yemaca̱x ga Yeté rü naenexẽgüna nixũ rü Tóxanegu nayaxãchiü̃. Rü yéma nananutaque̱xe ga wüxitücumü ga duü̃xü̃gü ga chixexü̃gu maxẽxü̃. Rü yema duü̃xü̃gü ga ngĩ́xta̱xagüxü̃maxã duü̃xẽgü tüxü̃ nibuxmüxẽxẽ rü nangĩ́xẽ.

Ucu̱xẽgüchiga 25:8

Rü ngẽxguma ta̱xacürü guxchaxü̃ ngẽxmagu, rü tama name i yaxtacüma guxchaxü̃arü mexẽẽruxü̃ ya ãẽ̱xgacüxü̃tawa nüxü̃ cuyarüxu. Erü ngürüãchi tá nangẽxma i to i nüxü̃ ixuxü̃ nax nataxuxü̃ma i chixexü̃ i texé üxü̃. Rü ngẽxguma i cuma rü taxucürüwama cugü ícupoxü̃.

1 Chamué 13:4

Rü guxü̃ma ga Iraétanüxü̃ rü nüxü̃ nacuáchigagü nax Chaú rü Firitéugüxü̃ nada̱i̱xü̃ rü yemaca̱x ga Firitéugü rü Iraétanüxü̃chi naxaie. Rü yemaca̱x ga yema Iraéanearü churaragü rü Guirigáwa Chaúmaxã nangutaque̱xegü.

Wenaxarü naxümatü ga Tupanaarü mugü 3:14

Rü Yaí ga Manachétaxa rü nanayaxu ga guxü̃ma ga Argóxane rü ñu̱xmata Guechúxarü üyeanewa rü Maacáarü üyeanewa nangu. Rü yema naane ga noxri Bacháü̃gu ãégaxü̃ rü nüma ga Yaí rü nügüégagu nanaxüéga, rü Abóx-yaígu nanaxüéga. Rü woo i ñu̱xma rü ngẽmatama nixĩ i naéga.

Ínachoxü̃xü̃chiga 5:21

Rü namaxã nüxü̃ nixugügü, rü ñanagürügü: —¡Tupana nüxü̃ daux i ngẽma ñu̱xma tomaxã pexüxü̃, rü pexü̃ napoxcue! Erü pegagu nixĩ i ñu̱xma i Faraóü̃ rü norü duü̃xü̃gü rü chixri toxü̃ nadauxü̃. Rü pegagu nixĩ i ñu̱xma i tá toxü̃ nada̱i̱xü̃ —ñanagürügü.

2 Chamué 10:5

Rü yexguma yemaxü̃ nacua̱xgu ga Dabí rü norü duü̃xü̃güxü̃ namu nax norü churaragüeruca̱x yadaugüxü̃ca̱x, erü nüxü̃ nacua̱x nax nümagü rü poraãcü naxãneexü̃. Rü nanamu nax Yericúgutama nachoxü̃ ñu̱xmata naxügüchinagugü rü yexguma nawoegu.

2 Chamué 10:7

Natürü nüma ga Dabí rü nüxü̃ nacua̱xama ga yema, rü yemaca̱x Yoáxü̃ inamuãchi guxü̃ma ga norü churaragümaxã.

2 Chamué 23:34

Eriférex ga Maacácüã̱x ga Achabaí nane, rü Eliáü̃ ga Guirócüã̱x ga Aitópe nane, rü

Norü taxre ga popera ga ãẽ̱xgacügüchiga 7:6

Rü yema ngupetüxü̃ nixĩ ga nüma ga Cori ya Tupana rü yema Chíriaarü churaragüxü̃ nüxü̃ naxĩnüxẽxẽ ga naga ga caru ga dairuü̃gü rü naga ga cowarugü rü naga ga muxũchixü̃ ga churaragü. Rü yemaca̱x nüma ga Chíriaarü churaragü nagu narüxĩnüe rü nüma ga Iraéanearü ãẽ̱xgacü rü Itítanüxü̃arü ãẽ̱xgacüarü ngü̃xẽẽca̱x ínacaxü̃ rü Equítuanearü ãẽ̱xgacüarü ngü̃xẽẽca̱x ínacaxü̃ nax yemamaxã naxca̱x íyaxü̃ãchixü̃ca̱x.

Wiyaegü 48:4

Rü ñoma i naanecüã̱x i nachixü̃anegüarü ãẽ̱xgacügü rü nügümaxã nangutaque̱xegü rü wüxigu yima ĩaneca̱x ínayachoõchi.

Yeremía 40:8

Rü nüma ga yema Yudíugüarü churaragüarü ãẽ̱xgacügü rü yexguma nüxü̃ nacua̱xgügu nax Guedaría yema naanearü ãẽ̱xgacü yixĩxü̃, rü norü churaragümaxã Mispáwa naxĩ nax íyadaugüãxü̃ca̱x. Rü natanüwa nayexmagü ga Netanía nane ga Ismaé, rü Caréa nanegü ga Yoanáü̃ rü Yonatáü̃, rü Tanúmex nane ga Cheraía, rü Netopácüã̱x ga Efái nanegü, rü Yechanía ga wüxi ga yatü ga Maacáxcüã̱x nane. Rü guxü̃ma ga yemagü wüxigu namaxã ga norü churaragü rü Guedaríaxü̃tawa ínayadaugü.

Yeremía 46:21

Pa Equítuanecüã̱xgüx, ngẽma perü churaragü i nüxü̃́ penaxütanüxü̃ nax pexü̃ nangü̃xẽẽgüxü̃ca̱x i daiwa rü ngẽmagü rü ñoma wocaxacügü i ngüexü̃rüxü̃ nixĩgü. Natürü i nümagü rü tá ta nibuxmü, rü taxucürüwa yáxna namaxã naxĩnüe i ngẽma uanü. Erü marü nawa nangu i ngẽma ngunexü̃ i nagu tá guxchaxü̃ pexca̱x ínguxü̃ rü ngẽma ora i nagu pepoxcuexü̃.

2 Chamué 16:21

Rü nüma ga Aitópe rü Acharóü̃xü̃ nangãxü̃ rü ñanagürü: —¡Ẽcü ngĩmaxã inape i cunatüarü ngegü i nua ngĩxü̃ nawogücü nax ãẽ̱xgacüpatana nadaugüxü̃ca̱x! Rü ngẽmaãcü i ngẽma Iraéanecüã̱xgü rü tá nüxü̃ nacua̱xgü nax cuma rü cunatümaxã curüxuanüxü̃. Rü ngẽxguma i guxü̃ma i Iraéanecüã̱xgü rü cuwa tá naxügü —ñanagürü.

Nüxíraxü̃xü̃ ga popera ga ãẽ̱xgacügüchiga 11:24

Rü yemawena ga Rechóü̃ rü nananutaque̱xe ga ñuxre ga yatügü rü yemaacü wüxi ga natücumü ga ngĩ́ta̱xagüxü̃maxã inacua̱x. Natürü yexguma Dabí Chobáarü ãẽ̱xgacüxü̃ rüporamaegu, rü nüma ga Rechóü̃ rü ĩane ya Damácuwa naxũ. Rü yéma ãẽ̱xgacüxü̃ nügü ningucuchixẽxẽ.