2 Chamué 10:2 - Tupanaarü Ore

^2-3 Rü nüma ga Naáx rü Dabímaxã namecüma, rü yemaca̱x Dabí nagu narüxĩnü nax yexgumarüxü̃ ta Naáx nane ga Anúü̃maxã namecümaxü̃. Rü yemaca̱x ga Dabí rü ñuxre ga norü churaragüeruxü̃ Anúü̃xü̃tawa namugü nax yataãẽxẽẽgüaxü̃ca̱x nawa ga norü ngechaü̃ nax nanatü yuxü̃. Natürü yexguma Dabíarü churaragüerugü yéma Amóü̃tanüxü̃arü naanewa ngugügu, rü nümagü ga Amóü̃tanüxü̃arü churaragüerugü rü norü ãẽ̱xgacü ga Anúü̃xü̃ ñanagürügü: —¿Ẽ̱xna cuma i nüxü̃́ cuyaxõxü̃, Pa Ãẽ̱xgacüx, nax ngẽma yatügü i Dabí nua mugüxü̃ rü aixcüma yixĩxü̃ i curü taãẽxẽẽwa nua naxĩxü̃? Ngẽma nawa nua namugüãxü̃ nixĩ nax tórü ĩane nax iyadauxgüxü̃ rü nangugüãxü̃ nax yixcama rü nagu nachocuxü̃ca̱x rü tüxü̃ nada̱i̱xü̃ca̱x —ñanagürügü.

2 Chamué 10:2 Referans Kwoze

1 Chamué 11:1

Rü nüma ga Amóü̃tanüxü̃arü ãẽ̱xgacü ga Naáx rü norü churaragüxü̃ nangutaque̱xexẽxẽ nax yadaiãcuãxü̃ca̱x ga Iraéanecüã̱xgüarü ĩane ga Yabé ga Garaáxanewa yexmane. Natürü ga yema duü̃xü̃gü ga Yabécüã̱xgü rü ñanagürügü: —¡Tomaxã naxü i wüxi i üga, rü ngẽxguma tá nixĩ i cuxme̱xwa togü tangexmagüxẽẽxü̃! —ñanagürügü.

2 Chamué 17:27

Rü yexguma Maanaíü̃wa nanguxgu ga Dabí rü naxca̱x naxĩ ga Chobí ga Naáx nane ga Rabácüã̱x ixĩcü ga Amóü̃anewa, rü Maquí ga Amié nane ga Lodebácüã̱x, rü Bachilái ga Rogueríü̃cüã̱x ga Garaáxanewa.