2 Chamué 10:18 - Tupanaarü Ore

¹⁸ Natürü yema Chíriaanecüã̱xgü rü Iraéanearü churaragücha̱xwa nibuxmü. Rü Dabí nanadai ga 40,000 ga churaragü ga cowaruétügu ĩxü̃, rü 700 ga churaragü ga carugümaxã icua̱xgüxü̃. Rü yexgumarüxü̃ ta Dabí nayama̱x ga Chobáx ga Chíriaanecüã̱xgüarü churaragüeru, rü yexma nayu.

2 Chamué 10:18 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:18

Rü nüma ga Chíriaanearü churaragü rü düxwa Iraétanüxü̃cha̱xwa nibuxmü. Rü yema ngunexü̃gu rü Dabí nanadai ga 40,000 ga churaragü ga nacutügu ĩxü̃, rü 7,000 ga churaragü ga caru ga dairuü̃gu ĩxü̃. Rü ñu̱xũchi nayama̱x ga Chofá ga Chíriaanearü churaragümaxã icuáxü̃.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 18:38

Rü chanapíexẽxẽ rü ngẽmamaxã taguma ínarüdagü. Rü nagu chapúgüe.

2 Chamué 8:4

Rü yema daiwa rü nüma ga Dabí rü ínanayauxü̃ ga 1,700 ya churaragü ga cowarugu ĩxü̃, rü 20,000 ga churaragü ga ixĩmarexü̃. Rü nanawíü̃arü tarumametüxüã̱x ga guxü̃ma ga yema cowarugü ga caru ga dairuxü̃ itúgüxü̃. Rü guma 100 ga carue̱xpü̱xicatama ga cowarugü ínayaxüxẽxẽ.

Ãẽ̱xgacügü ga guxchaxü̃güarü mexẽxẽruü̃gü 5:26

Rü yexgumayane rü wüxime̱xẽmaxã cunayaxu i wüxi i nai ga ãmaguxü̃, rü náixme̱xmaxã cunayaxu ga poruxü̃, rü naeruwa cuyapocuchi ñu̱xmata yatoxpetüerux.

Ãẽ̱xgacügü ga guxchaxü̃güarü mexẽxẽruü̃gü 4:22

Rü yexguma Baráx yéma nguxgu ga Chícharaca̱x nax nadauxü̃, rü ngĩma ga Yaé rü ngĩchiü̃wa iyagó ga Baráxü̃ nax nayaxuxü̃ca̱x. Rü ngĩgürügü nüxü̃: —¡Nua naxũ nax cuxü̃ chanawéxü̃ca̱x i ngẽma naxca̱x cudauxü̃! —ngĩgürügü. Rü nüma ga Baráx rü ngĩchiü̃gu naxücu. Rü yexma Chícharaxü̃ nayangau ga yexma üxü̃ ga mairaxü̃anewa ipotüeruxü̃ namaxã ga yema nai ga ãmaguxü̃.

Ãẽ̱xgacügü ga guxchaxü̃güarü mexẽxẽruü̃gü 4:2

Rü yemaca̱x ga nüma ga Cori ya Tupana rü wüxi ga Canaáü̃tanüxü̃ ga ãẽ̱xgacü ga Yabíü̃me̱xẽgu nanayixẽxẽ ga yema Iraétanüxü̃. Rü nüma ga Yabíü̃ rü ĩane ga Achóxarü ãẽ̱xgacü nixĩ. Rü yema norü churaragüarü ãẽ̱xgacü rü Chíchara nixĩ ga naéga. Rü nüma ga Chíchara rü Aróche-goíü̃gu naxãchiü̃.

2 Chamué 10:17

Natürü yexguma Dabímaxã yema Chíriachigaxü̃ yaxugügu, rü nüma ga Dabí rü yexgumatama nananutaque̱xe ga guxü̃ma ga Iraéanearü churaragü rü namaxã inaxũãchi. Rü natü ga Yudáü̃wa nichoü̃ rü Eráü̃wa nangugü. Rü yexma nixĩ ga Chíriaanecüã̱xgü ga Dabímaxã nügü nada̱i̱xü̃.

Nüxíraxü̃xü̃ ga popera ga ãẽ̱xgacügüchiga 11:24

Rü yemawena ga Rechóü̃ rü nananutaque̱xe ga ñuxre ga yatügü rü yemaacü wüxi ga natücumü ga ngĩ́ta̱xagüxü̃maxã inacua̱x. Natürü yexguma Dabí Chobáarü ãẽ̱xgacüxü̃ rüporamaegu, rü nüma ga Rechóü̃ rü ĩane ya Damácuwa naxũ. Rü yéma ãẽ̱xgacüxü̃ nügü ningucuchixẽxẽ.

Wiyaegü 68:2

Rü ngẽma chixexü̃ ügüxü̃ rü name i inarütauxe ñoma caixanexü̃ i buanecücha̱xwa rütaxuxü̃rüxü̃. Rü name i Tupanape̱xewa inarüxo ñoma wera üxüwa idexexü̃rüxü̃.