2 Chamué 1:23 - Tupanaarü Ore

²³ Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

2 Chamué 1:23 Referans Kwoze

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Ãẽ̱xgacügü ga guxchaxü̃güarü mexẽxẽruü̃gü 14:18

Rü yema norü 7 ga ngunexü̃gu ga tauta yanaxücu̱xgu ga üa̱xcü, rü nüma ga Firitéugü rü Chanchóü̃maxã nüxü̃ nayarüxugü, rü ñanagürügü: —Curü ore i ẽxü̃guxü̃ rü ñaxü̃chiga nixĩ, “Rü ngẽma maixcuraxü̃ rü berurechiga nixĩ. Rü ngẽma poraxü̃ rü aichiga nixĩ” —ñanagürügü. Rü nüma ga Chanchóü̃ rü nanangãxü̃ rü ñanagürü: —Cho̱xma̱x pemaxã nüxü̃ iyaxu, rü ngẽmaca̱x nixĩ i nüxü̃ pecuáxü̃ i norü ngãxü̃ga —ñanagürü.

Auxexü̃chiga 4:19

Rü torü uanügü i towe ingẽxü̃tanüxü̃ rü ĩyürüxü̃ niporaxüchi. Rü máxpü̱xanexü̃wa towe ningẽxü̃tanü rü chianexü̃wa yütagü toxca̱x ninuagü.

Yox 9:26

Rü ñoma wapuru i poraxüchixü̃rüxü̃ paxãma inaxĩ i chorü ngunexü̃gü. Rü ñoma wüxi i ĩyü i nawemüwe ngexü̃rüüxü̃ paxãma inaxĩ.

1 Chamué 18:1

Rü yexguma Dabí Chaúmaxã igúegagu ga nügümaxã nax yadexagüxü̃, rü nüma ga Chaú nane ga Yonatáü̃ rü Dabímücüxü̃ nügü nixĩxẽxẽ, rü nüxü̃ nangechaü̃xü̃chi ñoma nügütama nangechaü̃xü̃rüxü̃.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:8

Rü nayexma ta ga ñuxre ga Gáxtanüxü̃ ga Dabíwa choü̃xü̃ ga yexguma chianexü̃wa nayexmagu ga Dabí. Rü nümagü rü churaragü ga tama muü̃wa̱xegüxü̃ rü daica̱x ngúexü̃ nixĩgü. Rü wocaegümaxã nixãxne rü poxü̃ruxü̃ nüxü̃́ nayexma. Rü nanuchametügü ñoma leóü̃gürüxü̃. Rü yexguma ma̱xpǘnegüwa ínaxüãchigu rü ñoma cowürüxü̃ nixĩgü.

2 Chamué 23:20

Rü Benaía ga Yoiadá nane ga ĩane ga Caxcheécüã̱x, rü yatü ga poracü nixĩ rü muxü̃ma ga dai ga ãũcümaxü̃wa narüporamae. Rü nüma nixĩ ga nadaiaxü̃ ga guma taxre ga Moáanecüã̱x ga Arié nanegü. Rü wüxi ga ngunexü̃ ga yexguma gáuxü̃ rüyixgu rü yemacha̱xwa wüxi ga ãxmaxü̃gu naxücu rü yexma aixepegu nayama̱x ga wüxi ga leóü̃.

1 Chamué 20:2

Rü nüma ga Yonatáü̃ nanangãxü̃ rü ñanagürü: —Tupana rü tama nanaxwa̱xe nax cuyuxü̃. ¡Taxũtáma cuxü̃ tima̱x! ¡Nagu rüxĩnü rü chaunatü rü taxuxü̃ma i ta̱xacü taxü ega tama chomaxã nüxü̃ tixuxíragu woo íxraxü̃ rüe̱xna ta̱xacü i taxü̃! ¿Tü̱xcüü̃ ya chorü papa i tama chomaxã nüxü̃ tixuxchaxü̃xü̃ i ngẽma nax cuxü̃ timáxchaü̃xü̃? Rü taxũtáma ngẽmaãcü nixĩ —ñanagürü.

2 Chamué 2:18

Rü yema tomaepü̱x ga Cheruiá nanegü ga Yoá rü Abichái rü Achaé rü yema nügü ínadaixü̃wa nayexmagü. Rü yema Achaé rü wüxi ga cowürüxü̃ napora ga ñaãchiwa.

2 Chamué 1:24

Pa Iraéanecüã̱xgü i Ngexü̃güx, ¡Chaúca̱x pexauxe! Nüma rü dauxracharaxü̃ ga naxchirumaxã rü naxchiru ga línunaxca̱xmaxã pexü̃ nixüxchiru. Rü úirumaxã pexü̃ ninga̱xãẽ.

Charumóü̃arü wiyae 5:16

Rü nabera rü namaixcuraxüchi. Rü nüma rü guxü̃wama namexẽchi, Rü ngẽmaãcü nixĩ ya chaute ya choxü̃́ ngúchaü̃cü, Pa Ngexü̃gü i Yerucharéü̃cüã̱xgüx.