2 Chamué 1:2 - Tupanaarü Ore

² Natürü norü tomaepü̱x ga ngunexü̃gu, rü yéma Dabíxü̃tawa nangu ga wüxi ga yatü ga Chaú rü norü churaragümaxã íyexmaxü̃wa ne ũxü̃. Rü norü ngechaü̃maxã nügüchirugu nagáugü rü waixü̃mümaxã nügü nabuxeru, rü yemaacü ínangu. Rü yexguma Dabípe̱xewa nanguxgu rü ñaxtüanegu nanangücuchi.

2 Chamué 1:2 Referans Kwoze

1 Chamué 4:12

Natürü wüxi ga churara ga Bẽyamíü̃tanüxü̃ rü niña ga yema nügü ínadaixü̃wa, rü yematama ngunexü̃gu Chilówa nangu. Rü norü ngechaü̃maxã nügü nayarügáutechiru, rü nügü nabuxeru, rü yemaacü ínangu.

1 Chamué 25:23

Rü yexguma ngĩma ga Abigái Dabíxü̃ nada̱u̱xgu rü ngĩrü búruwa íixüe rü Dabípe̱xegu iyangücuchi.

Yochué 7:6

Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Ore i mexü̃ ga Matéu ümatüxü̃ 16:21

Rü yemawena inanaxügü nax norü ngúexü̃gümaxã nüxü̃ yaxuxü̃ ga yema tá nüxü̃ üpetüxü̃. Rü ñanagürü: —Choma rü Yerucharéü̃wa tá chaxũ. Rü ngéma poraãcü ngúxü̃ tá choxü̃ ningexẽẽgü i Yudíugüarü ãẽ̱xgacügü rü chacherdótegüarü ãẽ̱xgacügü rü ngẽma ngúexẽẽruü̃gü i mugüwa ngu̱xẽẽtaegüxü̃, rü tá choxü̃ nima̱xgü. Natürü ngẽma tomaepü̱x i ngunexü̃gu rü wena táxarü ícharüda —ñanagürü.

Ore i mexü̃ ga Matéu ümatüxü̃ 12:40

Rü yexgumarüxü̃ ga Yoná ga tomaepü̱x ga ngunexü̃ rü tomaepü̱x ga chütaxü̃ choxni ga taxü̃ãnüwa nax nayexmaxü̃ rü ngẽxgumarüxü̃ tá ta nixĩ ya Tupana Nane ya duü̃xü̃xü̃ ixĩcü i tomaepü̱x i ngunexü̃ rü tomaepü̱x i chütaxü̃ naxma̱xü̃ i nagu yaxǘcuchixü̃wa nangẽxmaxü̃.

Joel 2:13

Rü ngẽmaca̱x i ñu̱xma rü name nixĩ i naxca̱x pewoegu ya Cori ya Tupana. Rü natüca̱xmamare nixĩ nax perü ngechaü̃maxã pegüchirugu pegáugüexü̃. Erü ngẽma nüma nanaxwa̱xexü̃ nixĩ nax aixcüma nüxü̃ perüxoexü̃ i perü chixexü̃. Erü nüma ya Cori ya Tupana rü namecüma rü nüxü̃́ pengechaü̃tümüxü̃, rü yáxna pemaxã naxĩnü, erü pexü̃ nangechaü̃. Rü nüma rü ínamemare nax íyachaxãchixẽẽãxü̃ i ngẽma poxcu i pemaxã naxueguxü̃.

Ochéa 6:2

Rü ngẽmaãcü paxa tá inayanaxoxẽxẽ i ngẽma ngúxü̃ i ingegüxü̃ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Ester 5:1

Rü tomaepü̱x ga ngunexü̃guwena rü ngĩma ga Ité rü nagu iyacu̱x ga ngĩrü ãẽ̱xgacüma̱xchiru rü ñu̱xũchi ãẽ̱xgacüpatagu ixücu. Rü yema ucapu ga ãẽ̱xgacü nawa rütoxü̃arü ĩã̱xarü we̱xgu iyachi ga ãẽ̱xgacü mea ngĩxü̃ ídauxü̃wa.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

2 Chamué 15:32

Rü yexguma Dabí nachitaeruwa nguxgu ga guma ma̱xpǘne ga ngextá Tupanaxü̃ íyacua̱xüü̃güxü̃wa, rü yéma naxca̱x inayago ga Uchái ga Arquítanüxü̃ ga nügü rügáutechiruxü̃ rü waixü̃mümaxã buxeruxü̃.

2 Chamué 14:4

Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.

1 Chamué 20:41

Rü yexguma marü íyaxũxgux ga yema Yonatáü̃arü ngü̃xẽẽruxü̃, rü Dabí rü nixũxũ ga yema nutatanüwa ga íyacúxü̃wa. Rü waixü̃müanegu tomaepü̱xcüna Yonatáü̃pe̱xegu nayangücuchi. Rü ñu̱xũchi nügü nachúxgü rü wüxigu naxauxe. Natürü Dabí rü yexeraãcü naxaxu.

1 Chamué 4:16

Rü nüma ga churara rü ñanagürü: —Ñu̱xmatama íchangu i ngẽma togü ítada̱i̱xü̃wa nax ne chañaxü̃. Rü ñu̱xmatama chiña i nawa i ngẽma dai —ñanagürü. Rü nüma ga Erí rü nüxna naca rü ñanagürü: —¿Ta̱xacü nangupetü, Pa Chaunex? —ñanagürü.

Naanearü ügüchiga 43:28

Rü naenexẽgü rü wenaxarü nape̱xegu nanangücuchitanü, rü ñanagürügü: —Pa Torü Ãẽ̱xgacüx, tüma ya tonatü rü taxuxü̃ma tüxü̃ naxüpetü. Rü tamaxü̃ ta nixĩ —ñanagürügü.

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

Naanearü ügüchiga 37:29

Rü yexguma ínanguxgu ga Rubéü̃ rü íyada̱u̱xgu ga yema ãxmaxü̃wa, rü marü nataxuma ga Yúche ga yéma aixepewa. Rü nüma ga Rubéü̃ rü norü ngechaü̃maxã nügüchirugu nagáugü.

Naanearü ügüchiga 22:4

Rü yexguma marü tomaepü̱x ga ngunexü̃ íyaxũxgu ga Abraáü̃, rü yáxü̃gu nüxü̃ nadau ga yema nachica ga nawa naxũxü̃.

2 Chamué 1:3

Rü nüma ga Dabí rü nüxna naca rü ñanagürü: —¿Ngextá ne cuxũ? —ñanagürü. Rü nüma ga yema yatü rü nanangãxü̃ rü ñanagürü: —Iraéanecüã̱xgüarü churaragü íngẽxmagüxü̃wa chiña —ñanagürü.

Echequié 27:30

Rü nümagü rü tá tagaãcü norü ngechaü̃maxã cuxca̱x naxauxe rü waixü̃müte̱xemaxã tá nügü nagüerugü. Rü tanimacate̱xegu tá nidixgü.

2 Chamué 13:19

Rü yexguma ga ngĩma rü ngĩgüchirugu igáugü rü tanimacamaxã ngĩgü igüeru. Rü ixauxãcüma ngĩgüerugu iyangĩ rü yemaacü namagu iyaxũ.

2 Chamué 24:20

Aráuna rü yáxü̃gu ãẽ̱xgacüxü̃ nadau ga norü ngü̃xẽẽruü̃gümaxã yéma ne ũxü̃ rü naxca̱xama ĩxü̃. Rü yexguma ga nüma ga Aráuna rü naxca̱x nixũ rü ãẽ̱xgacüpe̱xegu nayacaxã́pü̱xü.