2 Chamué 1:19 - Tupanaarü Ore

¹⁹ “Pa Iraétanüxü̃x, rü ngẽma cumaxã poraexü̃ rü ma̱xpǘneanegu nayue. Rü dücax i ñuxãcü nayue i ngẽma iporaexü̃.

2 Chamué 1:19 Referans Kwoze

2 Chamué 1:27

Taxü̃ i ngechaü̃ nixĩ nax nayuexü̃ i ngẽma tama muü̃wa̱xegüxü̃. Rü naxnegü rü nagu napogüe”, ñanagürü ga Dabí.

2 Chamué 1:25

Rü dücax i ñuxãcü daigu nayue i ngẽma poraexü̃ i tama muü̃wa̱xegüxü̃. Nüma ga Yonatáü̃ rü gumá curü ma̱xpǘnegu nixĩ ga nayuxü̃.

Auxexü̃chiga 5:16

Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.

Chacaría 11:10

Rü yexguma rü chanayaxu ga chorü naixmena̱xã ya Ngü̃xẽẽgu ãégane. Rü chayabüye. Rü yema rü wüxi ga cua̱xruxü̃ nixĩ nax iyanaxoxü̃ ga yema Tupanaarü uneta ga guxü̃ma ga nachixü̃anegümaxã naxüxü̃.

Chacaría 11:7

Rü ngẽxguma i choma i Chacaría rü nüxna chadau i ngẽma carnérugü i norü daixchicawa nagagüchaü̃xü̃. Rü yexera nüxna chadau i ngẽma carnérugü i rüturamaegüxü̃. Rü taxre i naixmenaxãca̱x chadau. Rü wüxi rü Ngü̃xẽẽgu chanaxüéga, rü ngẽma to rü Wüxiwa Íngexmagüxü̃gu chanaxüéga. Rü ñu̱xũchi nüxna chadau i ngẽma carnérugü.

Auxexü̃chiga 2:1

Cori ya Tupana rü poraãcü Yerucharéü̃maxã nanu, rü yemaca̱x ẽanexü̃ naétügu nanguxẽxẽ ga guma ĩane ga noxri mexẽchine. Rü yima Iraéanearü ĩane ga guxü̃nema ga Yudáanearü ĩanegüétüwa üchiréne rü Cori ya Tupana rü dauxü̃wa ne nanamu nax nagu napogüxü̃. Rü woo ga napata ga Chióü̃wa yexmane rü tama nüxna nacua̱xãchi.

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

2 Chamué 1:23

Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

1 Chamué 31:8

Rü moxü̃ãcü pa̱xmama rü nüma ga Firitéugü ínayadau ga yema yuexü̃ nax nadexeneãxü̃ca̱x ga norü yemaxü̃gü. Rü yexma nüxü̃ inayangau ga Chaú rü yema tomaepü̱x ga nanegü ga ma̱xpǘne ga Guibóagu yexma yuexü̃.

Ichaía 53:2

Rü nüma ya Cori ya Tupana rü nanaxwa̱xe ya yimá norü duü̃ rü ñoma wüxi i nanetü i ngexwaca rüxüxü̃ rü naxchúma̱xã i waixü̃mü i paanewa ixücuxü̃rüxü̃ nax yixĩxü̃. Rü nüma rü tama namechiwe rü ngẽmaca̱x taxúxeaxü̃́ nangúchaü̃.