2 Chamué 1:15 - Tupanaarü Ore

¹⁵ Rü wüxi ga norü duü̃xü̃ca̱x naca ga Dabí rü nanamu rü ñanagürü nüxü̃: —¡Yéa naxũ rü yama̱x! —ñanagürü nüxü̃. Rü nüma rü yema Amaréxtanüxü̃xü̃ nima̱x.

2 Chamué 1:15 Referans Kwoze

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Yox 5:12

Nüma rü ngẽma womüxẽẽxü̃ cua̱xgüxüchixü̃arü ĩnügu nayanachixexẽxẽ. Rü ngẽmaãcü inayanaxoxẽxẽ i ngẽma nagu naxĩnüexü̃ i ngẽma womüxẽẽxü̃ cua̱xgüxüchixü̃.

Nüxíraxü̃xü̃ ga popera ga ãẽ̱xgacügüchiga 2:46

Rü yemawena nüma ga Charomóü̃ rü Benaía ga Yoiadá nanexü̃ namu nax Chimíxü̃ yamáxü̃ca̱x. Rü yemaacü Charomóü̃ inanawe̱x ga norü pora nax Iraéanemaxã inacuáxü̃.

Nüxíraxü̃xü̃ ga popera ga ãẽ̱xgacügüchiga 2:34

Rü yexguma ga Benaía rü Yoáxü̃tawa naxũ rü nayama̱x. Rü ñu̱xũchi guma Yoáxpata ga chianexü̃wa yexmanewa nanange ga naxü̃ne, rü yexma nayata̱xgü.

Nüxíraxü̃xü̃ ga popera ga ãẽ̱xgacügüchiga 2:25

Rü yexguma nüma ga ãẽ̱xgacü ga Charomóü̃ rü Benaía ga Yoiadá nanexü̃ namu nax Adoníaxü̃ yamáxü̃ca̱x. Rü nüma ga Benaía rü yéma naxũ rü Adoníaxü̃ nima̱x.

Ãẽ̱xgacügü ga guxchaxü̃güarü mexẽxẽruü̃gü 8:20

Rü yexgumatama nüma ga Yedeóü̃ rü gumá nane ga yacü ga Yetéxü̃ namu, rü ñanagürü nüxü̃: —¡Inachi rü nadai! —ñanagürü. Natürü nüma ga Yéte rü namuü̃ rü tama nanadaixchaü̃ yerü nangextü̱xüxüchi.