2 Chamué 1:11 - Tupanaarü Ore

¹¹ Rü nüma ga Dabí rü yema norü duü̃xü̃gü rü yexguma yema orexü̃ naxĩnüegu rü norü ngechaü̃maxã nügüchirugu nagáugüe.

2 Chamué 1:11 Referans Kwoze

2 Chamué 13:31

Rü yexguma yemaxü̃ naxĩnügu ga nüma ga ãẽ̱xgacü rü inachi rü norü ngechaü̃maxã nügüchirugu nagáugü rü waixü̃müanegu nanangücuchi. Rü yexgumarüxü̃ ta ga guxü̃ma ga yema norü churaragüerugü ga naxü̃tawa yexmagüxü̃ rü nügüchirugu nagáugüe.

2 Chamué 3:31

Yemawena ga Dabí rü Yoámaxã rü guxü̃ma ga namücügümaxã nüxü̃ nixu rü ñanagürü: —¡Pexchirugu pegáugüe, rü naxchiru i témüxü̃gu picu̱xgü rü Abnéxca̱x pengechaü̃gü! —ñanagürü. Rü nüma ga ãẽ̱xgacü ga Dabí rü yema Abnéxü̃ nagu yangetaü̃güxü̃weama nixũchigü. Rü Ebróü̃gu nixĩ ga Abnéxü̃ nata̱xgüxü̃. Rü yéma Abnéx itáxü̃xü̃tawa rü ãẽ̱xgacü ga Dabí rü norü ngechaü̃maxã tagaãcü naxaxu, rü guxü̃ma ga duü̃xü̃gü rü ta naxauxe.

Naanearü ügüchiga 37:29

Rü yexguma ínanguxgu ga Rubéü̃ rü íyada̱u̱xgu ga yema ãxmaxü̃wa, rü marü nataxuma ga Yúche ga yéma aixepewa. Rü nüma ga Rubéü̃ rü norü ngechaü̃maxã nügüchirugu nagáugü.

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

Romanos 12:15

¡Rü wüxigu tümamaxã petaãxẽgü ya yíxema taãxẽgüxe! ¡Rü wüxigu tümamaxã pexauxe ya yíxema ngechaü̃güxe rü auxexe!

Ngechuchuarü ngúexü̃gü ga yamugüxü̃arü puracüchiga 14:14

Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:

Yochué 7:6

Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

Naanearü ügüchiga 44:13

Rü yexguma ga guxü̃ma ga yema nügüenexẽgü rü norü ngechaü̃maxã nügü narügáutechirugü. Rü ñu̱xũchi wüxichigü norü búruétügu nananugü ga norü trigupüü̃gü, rü gumatama ĩane ga Yúche nawa yexmaneca̱x nawoegu.

2 Chamué 13:19

Rü yexguma ga ngĩma rü ngĩgüchirugu igáugü rü tanimacamaxã ngĩgü igüeru. Rü ixauxãcüma ngĩgüerugu iyangĩ rü yemaacü namagu iyaxũ.

Édra 9:3

Rü yexguma yema orexü̃ chaxĩnügu rü chorü ngechaü̃maxã chaugü charügáutechiru rü chaugü chapuxü̃yae rü chaugü chapuxü̃chinagu, yerü poraãcü chauãẽwa nangu̱x ga yema.

Ester 4:1

Rü yexguma Maduquéu nüxü̃ cua̱xgu ga yema unagüxü̃ rü nügü narügáutechiru yerü poraãcü nangechaü̃. Rü yemaca̱x témüxü̃ ga naxchirugu nicu̱x rü tanimacamaxã nügü nagüeru. Rü guma ĩanegu ínayaxüegu rü tagaãcü aita naxü norü ngechaü̃maxã.

Yeremía 36:24

Rü woo nüma ga ãẽ̱xgacü rü woo norü ngü̃xẽẽruü̃gü ga nüxü̃ ĩnüexü̃ ga yema ore ga Yexudí namaxã nüxü̃ daumatüxü̃ rü tama namuü̃e, rü bai ga nax nangechaü̃güxü̃.

Joel 2:13

Rü ngẽmaca̱x i ñu̱xma rü name nixĩ i naxca̱x pewoegu ya Cori ya Tupana. Rü natüca̱xmamare nixĩ nax perü ngechaü̃maxã pegüchirugu pegáugüexü̃. Erü ngẽma nüma nanaxwa̱xexü̃ nixĩ nax aixcüma nüxü̃ perüxoexü̃ i perü chixexü̃. Erü nüma ya Cori ya Tupana rü namecüma rü nüxü̃́ pengechaü̃tümüxü̃, rü yáxna pemaxã naxĩnü, erü pexü̃ nangechaü̃. Rü nüma rü ínamemare nax íyachaxãchixẽẽãxü̃ i ngẽma poxcu i pemaxã naxueguxü̃.

Norü taxre ga popera ga ãẽ̱xgacügüchiga 5:7

Rü yexguma yema poperaxü̃ nadaumatügu ga guma Iraéanecüã̱xgüarü ãẽ̱xgacü, rü nügü narügáutechiru rü ñanagürü: —¿Ẽ̱xna nüma nüxü̃ nacua̱xgu rü choma chixĩ ya Tupana i maxü̃ nüxna chaxãxü̃ rü nüxna chanayaxuxü̃, rü ngẽmaca̱x nua cha̱u̱xca̱x namuaxü̃ i ñaa yatü nax naxca̱x chayataanexẽxẽxü̃ca̱x i norü chaxünewa? Rü ñu̱xma i nüma rü ngẽmagu nügü nicu̱xmare nax ñuxãcü wena tá taxca̱x íyaxüãchixü̃ —ñanagürü.