Norü taxre ga popera ga Timutéuca̱x naxümatüxü̃ ga Pauru 3:11 - Tupanaarü Ore

¹¹ Rü cuma nüxü̃ cucua̱x ga ñuxãcü chowe ningẽxü̃tanü ga duü̃xü̃gü rü ñuxãcü ngúxü̃ chinge ga yexguma Antioquíawa rü Icóniowa rü Lístrawa chayexmagu. Natürü yáxna namaxã chaxĩnü ga guxü̃ma ga yema ngúxü̃ ga chingexü̃. Rü tórü Cori ya Tupana rü choxü̃ ínapoxü̃ na̱xcha̱xwa i guxü̃ma i ngẽma ngúxü̃.

Norü taxre ga popera ga Timutéuca̱x naxümatüxü̃ ga Pauru 3:11 Referans Kwoze

Wiyaegü 34:19

Rü yimá yatü ya ixaixcümacü rü namu i norü guxchaxü̃gü. Natürü nüma ya Cori ya Tupana rü ínananguxuchixẽxẽ nawa i guxü̃ma i ngẽma.

Ngechuchuarü ngúexü̃gü ga yamugüxü̃arü puracüchiga 13:45

Natürü yexguma yema Yudíugü nüxü̃ daugügu ga yema muxũchixü̃ ga duü̃xü̃gü ga Pauruca̱x ngutaque̱xegüxü̃ rü poraãcü nixãũxãchie. Rü inanaxügüe nax Pauruxü̃ nachoxü̃gagüxü̃ rü namaxã naguxchigagüxü̃.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Norü taxre ga popera ga Timutéuca̱x naxümatüxü̃ ga Pauru 4:7

Rü choma rü marü chayanguxẽxẽ i ngẽma puracü ya Tupana choxna ãxü̃. Rü ñu̱xma nax chayanguxẽẽxü̃ i ngẽma puracü i choxna naxãxü̃ rü tama nüxü̃ charüxo nax chayaxõxü̃.

Ngechuchuarü ngúexü̃gü ga yamugüxü̃arü puracüchiga 26:22

Natürü Tupana choxü̃ narüngü̃xẽxẽ rü ngẽmaca̱x taguma íchayachaxãchi nax guxü̃ma i duü̃xü̃gümaxã nüxü̃ chixuxü̃ i Tupanaarü ore rü woo buxü̃ rü yáxü̃. Rü namaxã nüxü̃ chixu ga yema ore ga nũxcümaü̃güxü̃ ga Tupanaarü orearü uruü̃gü rü Moiché nüxü̃ ixugüxü̃ nax ngúxü̃ tá yangexü̃ ya Cristu rü tá nax nayuxü̃, natürü yemawena rü nüma tá yixĩxü̃ ga nüxíra yuwa ínadaxü̃ nax tatanüxü̃ i Yudíugümaxã rü ngẽma to i duü̃xü̃gü i tama Yudíugü ixĩgüxü̃maxã nüxü̃ yaxuxü̃ca̱x i ore i tüxü̃ maxẽxẽẽxü̃. Rü taguma tomare ga ore duü̃xü̃gümaxã chixu —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 26:17

Rü tá cuxna chadau naxcha̱xwa i cutanüxü̃ i Yudíugü rü ngẽma tama Yudíugü ixĩgüxü̃ i natanüwa cuxü̃ chamuxü̃.

Ngechuchuarü ngúexü̃gü ga yamugüxü̃arü puracüchiga 23:10

Rü yexeraãcü ninuetanü ga yema duü̃xü̃gü. Rü yemaca̱x naxoegaãxẽ ga gumá churaragüarü ãẽ̱xgacü nax Paurugu nagáugügüchaü̃xü̃. Rü norü churaragüxü̃ namu nax yéma duü̃xü̃gütanüwa Pauruxü̃ napugüxü̃ca̱x rü wena churaragüpatawa nax nagagüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 20:19

Rü guxü̃guma ga yexguma petanüwa chayexmagu, rü meama chanaxü ga Cori ya Tupanaarü puracü, rü taguma chaugü chicua̱xüxü̃. Rü woo muẽ̱xpü̱xcüna poraãcü changechaü̃gu, nagagu ga yema chixexü̃ ga chomaxã naxügüchaü̃xü̃ ga Yudíugü, natürü naétüwa chanaxüama ga yema puracü.

Ngechuchuarü ngúexü̃gü ga yamugüxü̃arü puracüchiga 13:14

Rü Pérguewa inaxĩãchi ga Pauru rü Bernabé, rü Pichídiaanewa yexmane ga ĩane ga Antioquíawa nangugü. Rü ngü̃xchigaarü ngunexü̃gu rü Yudíugüarü ngutaque̱xepataü̃gu nachocu, rü yéma narütogü.

Ngechuchuarü ngúexü̃gü ga yamugüxü̃arü puracüchiga 9:16

Rü choma tá nüxü̃ nüxü̃ chadauxẽxẽ i ñuxre i ngúxü̃ tá cha̱u̱xca̱x yangexü̃ —ñanagürü ga Cori.

Danié 6:27

Nüma rü tórü poxü̃ruxü̃ nixĩ, rü tórü nguxü̃xẽẽruxü̃ nixĩ. Rü nüma inanawe̱x i cua̱xruü̃gü i mexü̃ i dauxü̃guxü̃ i naanewa rü ñoma i naanewa. Rü nüma nixĩ ga Daniéxü̃ ínapoxü̃xü̃ natanüwa ga leóü̃gü —ñanagürü.

Yeremía 1:19

Rü nümagü rü tá cumaxã nanueama, natürü taxũtáma cuxü̃ narüporamaegü. Erü choma rü tá chacuxü̃tagu rü cuxna chadau rü cuxü̃ íchapoxü̃. Rü chomatama ya Cori ya Tupana nixĩ i nüxü̃ chixuxü̃ i ñaa chorü ore —ñanagürü.

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Wiyaegü 91:14

Erü nüma ya Cori ya Tupana rü ñanagürü: —Rü yíxema choxü̃ ngechaxü̃xe rü choma rü tá tüxü̃ íchapoxü̃ rü tá tüxü̃ chatachigaxẽxẽ erü choxü̃́ tayaxõ.

Wiyaegü 37:40

Rü nüma ya Cori ya Tupana rü nüxü̃ narüngü̃xẽxẽ nax tama ngẽma chixexü̃ i duü̃xü̃güme̱xẽgu nayi̱xixü̃ca̱x. Erü Tupanana naxca̱x ínaca i norü ngü̃xẽxẽ nax ínapoxü̃ãxü̃ca̱x.

2 Chamué 22:49

Rü nüma nixĩ i choxü̃ ínanguxuchixẽẽxü̃ naxme̱xwa i chorü uanügü rü naxme̱xwa i ngẽma tama chauga ĩnüechaü̃xü̃ rü chomaxã nuexü̃. Rü cumax, Pa Corix, rü choxü̃ ícupoxü̃ naxme̱xwa i ngẽma choxü̃ ima̱xgüchaü̃xü̃.

2 Chamué 22:1

Rü yexguma Cori ya Tupana Dabíxü̃ rüngü̃xẽẽgu nax Chaúme̱xẽwa rü guxü̃ma ga norü uanügüme̱xẽwa ínanguxuchixẽẽãxü̃, rü nüma ga Dabí rü ñaa wiyaemaxã Tupanaxü̃ nicua̱xüxü̃.

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

Ngechuchuarü ngúexü̃gü ga yamugüxü̃arü puracüchiga 14:8

Rü yéma Lístrawa nayexma ga wüxi ga yatü ga norü bucüma ínapogücutücü. Rü yéma narüto rü inarüxĩnü ga yema Pauru nüxü̃ ixuxü̃ ga ore. Rü Pauru rü meama nüxü̃ nadawenü, rü nüxü̃ nadau nax yaxõõxü̃ nax naxca̱x yataanexü̃ca̱x.

Romanos 15:31

¡Rü Tupanana peca nax choxü̃ ínapoxü̃xü̃ca̱x nüxna i ngẽma Yudíugü i Yudéaanewa ngẽxmagüxü̃ i tama yaxõgüxü̃! ¡Rü nüxna peca naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃, nax taãxẽãcü nayauxgüãxü̃ca̱x i ngẽma diẽru i ngéma naxca̱x changexü̃!

2 Corintios 1:5

Rü ñu̱xma nax Cristurüxü̃ poraãcü ngúxü̃ tingegüxü̃, rü ngẽxgumarüxü̃ ta nixĩ nax nümatama poraãcü toxü̃ nataãẽxẽẽxü̃.

2 Corintios 1:7

Toma rü aixcüma tayaxõgü nax pema rü tagutáma nüxü̃ perüxoexü̃ i Tupanaarü ore, erü nüxü̃ tacua̱x rü ñu̱xma nax toxrüxü̃ ngúxü̃ pingegüxü̃, rü ngẽxgumarüxü̃ ta pexü̃́ nangẽxma i ngẽmatama taãxẽ i toxü̃́ ngẽxmaxü̃.

2 Corintios 12:10

Rü ngẽma nax Cristuxü̃ nax changechaü̃xü̃gagu nixĩ i yáxna namaxã chaxĩnüxü̃ ega woo chaturagu rü woo ta̱xacü chomaxã yaxugüegu i duü̃xü̃gü. Rü woo choxü̃́ nataxuxgu i chorü ngẽmaxü̃gü, rü woo duü̃xü̃gü rü chowe yangexü̃tanügu, rü woo guxchaxü̃gü choxü̃́ ngẽxmagu rü Cristuca̱x rü yáxna namaxã chaxĩnü i guxü̃ma i ngẽma. Erü ngẽxguma chaturagu, rü ngẽxguma nixĩ i yexeraãcü Cristu choxü̃ poraxẽẽxü̃.