Biblia Todo Logo
Bib sou entènèt

- Piblisite -




Norü taxre ga popera ga Pedru ümatüxü̃ 2:4 - Tupanaarü Ore

4 Rü nüma ya Tupana rü tama nüxü̃́ nüxü̃ narüngüma ga norü chixexü̃gü ga yema orearü ngeruü̃gü ga daxũcüã̱x ga pecadu ügüxü̃. Rü yemaca̱x yima üxü ya taguma ixoxü̃newa nanawogü, rü ínaxẽãnexü̃gu nanapoxcue. Rü cadénamaxã nayana̱i̱xgü nax ngéma nangẽxmagüxü̃ca̱x ñu̱xmatáta nawa nangu i ngẽma ngunexü̃ i nagu Tupana nüxna ca̱xaxü̃ i duü̃xü̃gü.

Gade chapit la Kopi




Norü taxre ga popera ga Pedru ümatüxü̃ 2:4
25 Referans Kwoze  

Rü ngẽxgumarüxü̃ ta pexna nüxü̃ chacua̱xãchixẽxẽ nax ñuxãcü namaxã nangupetüxü̃ ga yema daxũcüã̱x ga orearü ngeruü̃gü ga nügü rüyexeragüchaü̃xü̃ rü nüxna ixĩgachixü̃ ga nachica ga Tupana nagu namugüxü̃. Rü yemaca̱x ga Tupana rü ẽanexü̃wa nanawogü, rü ngẽxma nanapoxcue ñu̱xmatáta nawa nangu i ngẽma ngunexü̃ i nagu duü̃xü̃güxü̃ yacagüxü̃.


Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!


Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?


Cuma rü marü dauxü̃wa icurünguxü̃ Pa Babiróniaanearü Ãẽ̱xgacüx i Ñoma Ngunetüxü̃arü Woramacurirüxü̃ Ibáixchiréxex. Rü ñu̱xma rü curütáe i cumax nax muxü̃ i nachixü̃anegüxü̃ curüporamaexü̃.


Rü ngẽma ngo̱xo i ngẽma duü̃xü̃güxü̃ womüxẽẽxü̃, rü nawa tá natáe ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü yimá nixĩ ya naxtaxa ga marü nawa nawoxü̃ne ga yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃. Rü yima naxtaxawa tá nixĩ i guxü̃gutáma ngunecü rü chütacü ngúxü̃ yangegüxü̃.


Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma chixĩxü̃ ya Cori ya Tupana” —ñanagürü.


Rü Ngechuchu rü ñanagürü nüxü̃: —Ngẽmáacü aixcüma nixĩ. Yerü nüxü̃ chadau ga Chataná ga daxũguxü̃ ga naanewa nax nanguxü̃ wüxi ga ãẽmacürüxü̃.


Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.


Rü nüma ya Cori ya Tupana rü tama nüxü̃́ nayaxõ i woo ngẽma norü orearü ngeruü̃gü i daxũcüã̱xgü, erü woo nümagü rü ta ñuxguacü rü ínatüe.


Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.


Rü yexgumarüxü̃ ta ga Tupana rü tama nüxü̃́ nüxü̃ narüngüma ga norü chixexü̃ ga yema nũxcümaü̃güxü̃ ga duü̃xü̃gü. Rü mucü ga taxüchicü naxca̱x yéma nanamu nax gumámaxã nadaiaxü̃ca̱x ga yema duü̃xü̃gü ga chixexü̃ ügüxü̃. Natürü ga Tupana rü Noéxü̃ nadau nax meama duü̃xü̃güxü̃ yaxucu̱xẽgüxü̃ nax nüxü̃ naxoexü̃ca̱x ga norü chixexü̃gü. Rü yemaca̱x ga Tupana rü Noéxü̃ namaxẽxẽ namaxã ga 7 ga natanüxü̃. Natürü nanadai ga guxü̃ma ga yema togü ga duü̃xü̃gü.


Rü yema ngo̱xogü rü Ngechuchuna nacagü ga tama ngẽma ãxmaxü̃ i taguma iyacuáxü̃gu nax nawocuãxü̃ca̱x.


Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.


Rü aita naxüãcüma ñanagürü nüxü̃: —¿Tü̱xcüü̃ nua choxü̃ cuyachixewe, Pa Ngechuchux ya Tupana ya Guxãétüwa Ngẽxmacü Nanex? Rü Tupanaégagu cuxü̃ chaca̱a̱xü̃ nax tama ngúxü̃ choxü̃ quingexẽẽxü̃ —ñanagürü.


Rü yema taxre rü aita naxüe, rü ñanagürügü: —¿Tü̱xcüü̃ toxü̃ nua cuyachixewe, Pa Ngechuchu ya Tupana Nanex? ¿Ẽ̱xna nua cuxũ nax toxü̃ ícuyawoxü̃xü̃ca̱x tauta nawa nanguyane nax Tupana toxü̃ poxcuexü̃? —ñanagürügü.


Rü ñoma yuape i taxü̃ i norü chixixü̃ i ãũãchixü̃ naxãnacüwa yatáxü̃rüxü̃ nixĩgü, rü ngẽma naxügüxü̃ rü taxü̃ i norü ãne nixĩ. Rü ñoma woramacurigü ya nu ne naxĩmarecürüxü̃ nixĩgü. Natürü Tupana rü marü ngẽma duü̃xü̃gümaxã nanaxuegu nax ngẽma waanexü̃chixü̃wa guxü̃gutáma nawogüãxü̃.


Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.


Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ nax pexü̃ chapoxcuexü̃.


Rü ngẽxguma nanuxgu ya Tupana rü guxchaxü̃ ínanguxẽxẽ. Natürü ngẽma duü̃xü̃ i chixexü̃gu maxü̃xü̃ rü taxuxü̃ma i ta̱xacürü chixexü̃ nüxü̃ naxüpetü. Rü ngẽma ngunexü̃ ya Tupana nagu nuxü̃ rü taxuxü̃ma nüxü̃ nangupetü i ngẽma chixexü̃gu maxü̃xü̃.


Rü nüma ya Cori ya Tupana rü taxũtáma nüxü̃́ nüxü̃ narüngüma i ngẽma norü chixexü̃, rü naétügu tá nananguxẽxẽ i norü nu. Rü naxca̱x tá ínangugü i guxü̃ma i ngẽma guxchaxü̃gü i ñaa poperagu ümatüxü̃. Rü ñu̱xũchi nataagü i ngẽma yatü rü Tupana rü ñoma i naanewa tá inayanaxoxẽxẽ.


Yerü yema Yudíugü ga noxri Tupanaarü ixĩgüxü̃, rü Tupana nüxü̃ naxo yerü tama nayaxõgü. Rü yexguma yemaacü Tupana nüxü̃ oxgu ga yema duü̃xü̃gü rü pexü̃ rü tá ta naxo ega taxũtáma peyaxõgüechagu.


Rü yemaacü ga nüma ga Tupana rü tama yáxna namaxã naxĩnü ga norü nu. Rü yemaca̱x tama nüxü̃́ nangechaü̃tümüxü̃gü ga yema Equítuanecüã̱xgü rü noxtacüma nanayuexẽxẽ.


Swiv nou:

Piblisite


Piblisite