Norü taxre ga popera ga Pedru ümatüxü̃ 2:2 - Tupanaarü Ore

² Rü muxü̃ma i duü̃xü̃gü rü tá nawe narüxĩ nawa i ngẽma chixexü̃ i naxügüxü̃. Rü ngẽma ngu̱xẽẽruü̃netagügagu rü duü̃xü̃gü rü tá chixri nachiga nidexagü i Tupanaarü ore i aixcüma ixĩxü̃.

Norü taxre ga popera ga Pedru ümatüxü̃ 2:2 Referans Kwoze

Romanos 2:24

Rü ngẽmaca̱x i Tupanaarü ore i ümatüxü̃wa rü ñanagürü: “Rü pegagu nixĩ nax chixri Tupanachiga yadexagüxü̃ i ngẽma duü̃xü̃gü i tama Yudíugü ixĩgüxü̃”, ñanagürü.

Popera ga Yúda ümatüxü̃ 1:10

Natürü ngẽma duü̃xü̃gü i doramaxã petanügu chocuxü̃, rü chixri nachiga nidexagü i ngẽma tama nüxü̃ nacuáxü̃. Rü ngẽma chixexü̃ i nüxü̃ nacuáxü̃ rü ñoma naeü̃gü i tama naãxẽxü̃ icuáxü̃rüxü̃, nagu namaxẽ. Natürü ngẽma chixexü̃ca̱x, rü Tupana tá nanapoxcue.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:14

Natürü ga Tupana rü tama yema ngo̱xona nanachu̱xu nax ñoma ga naanewa maxẽxü̃ ga duü̃xü̃güxü̃ nawomüxẽẽxü̃ namaxã ga yema cua̱xruü̃gü ga yema nüxíraxü̃xü̃ ga ngo̱xope̱xewa naxüxü̃. Rü yemaacü ga yema ngo̱xo rü duü̃xü̃güxü̃ namu nax naxügüã̱xü̃ca̱x ga wüxi ga naxchicüna̱xã ga yema nüxíraxü̃xü̃ ga ngo̱xo ga taramaxã chexexü̃ natürü tama yuxü̃.

Norü taxre ga popera ga Pedru ümatüxü̃ 2:15

Rü ngẽma ngu̱xẽẽruü̃netagü rü tama nagu naxĩ i ngẽma Tupana nüxü̃́ naxwa̱xexü̃, rü ngẽmaca̱x inayarütauxe. Rü nagu naxĩ ga yema chixexü̃ ga nagu yaxũxü̃ ga nũxcümaü̃xü̃ ga Balaáü̃ ga Bochú nane ga chixexü̃gu diẽru ngĩxü̃ yauxchaü̃xü̃.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Popera ga Títoca̱x naxümatüxü̃ ga Pauru 2:8

Rü ngẽxguma ngẽmaãcü mea cunangúexẽẽgu i ngẽma ore i mexü̃, rü taxúetama texé chixri nachiga tidexa. Rü ngẽxguma ya yíxema chixri tachiga idexagüchaü̃xe rü tá taxãnee erü taxucürüwa ta̱xacürü chixexü̃xü̃ tixugü i tachiga.

Ngechuchuarü ngúexü̃gü ga yamugüxü̃arü puracüchiga 24:14

Natürü ngẽma ñu̱xma cumaxã nüxü̃ chixuxü̃ nixĩ nax chorü o̱xigüarü Tupanaaxü̃́ chapuracüxü̃ yema Ngechuchu ya Cristu toxü̃ muxü̃ãcü. Rü ngẽma nixĩ i nüma i Yudíugü nüxü̃ ixugügu nax tomare i ore yixĩxü̃. Rü choma rü nüxü̃́ chayaxõ i guxü̃ma i ngẽma mugü ga Moiché ümatüxü̃ rü guxü̃ma i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃.

Ngechuchuarü ngúexü̃gü ga yamugüxü̃arü puracüchiga 16:17

Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Norü taxre ga popera ga Pedru ümatüxü̃ 2:21

Erü ngẽxguma chi tanayauxgügu i ngẽma ore i mexü̃ ga marü tayauxgüxü̃, rü ñu̱xũchi nüxü̃ tarüxoegu, rü narümemae chi nixĩ ga noxtacüma taxũchima nüxü̃ nax tacua̱xgüxü̃ i ngẽma ore i üünexü̃ i noxri tüxna ãxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:14

Rü ngẽmaca̱x chanaxwa̱xe i ngẽma yutegüxü̃ i paxü̃gü nax wenaxarü naxãtegüxü̃, rü naxãxãcügüxü̃, rü mexü̃ i napataarü dauruü̃gü nax yixĩgüxü̃. Rü ngẽmaãcü i ngẽma duü̃xü̃gü i tama yaxõgüxü̃ rü taxucürüwa chixri ngĩchiga nidexagü.

Ngechuchuarü ngúexü̃gü ga yamugüxü̃arü puracüchiga 19:9

Natürü nayexma ga ñuxre ga duü̃xü̃gü ga tama nüxü̃ cua̱xgüchaü̃xü̃ rü tama yaxõgüchaü̃xü̃. Rü nümagü inanaxügüe nax yema muxü̃ma ga duü̃xü̃güpe̱xewa chixexü̃ yaxugüexü̃ nachigagu ga Cori ya Ngechuchu. Rü yemaca̱x ga Pauru rü nüxna nixũgachi, rü tóxnamana nanagagü ga yema yaxõgüxü̃ nawa ga wüxi ga ngutaque̱xepataxü̃ ga Tiránuarü ngúepataü̃ ga naéga. Rü guxü̃ ga ngunexü̃gu namaxã nüxü̃ nixuchiga ga ore i mexü̃.

Ngechuchuarü ngúexü̃gü ga yamugüxü̃arü puracüchiga 18:26

Rü nüma ga Apóru rü tama namuü̃ãcüma inanaxügü nax yadexaxü̃ ga Yudíugüarü ngutaque̱xepataü̃wa. Natürü yexguma Apóruxü̃ naxĩnüegu ga Prichíra rü Aquíra, rü napatawa nanagagü nax yexeraãcü namaxã inanguxü̃xẽẽãxü̃ca̱x ga Ngechuchuchiga.

Ngechuchuarü ngúexü̃gü ga yamugüxü̃arü puracüchiga 14:2

Natürü yema Yudíugü ga tama Ngechuchuaxü̃́ yaxõgüxü̃, rü chixexü̃maxã nayaxucu̱xẽgü ga yema tama Yudíugü ixĩgüxü̃ nax yema yaxõgüxü̃chi naxaiexü̃ca̱x.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Márcu ümatüxü̃ 13:22

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽmaãcü, ega nüxü̃́ natauxchagu, rü tá tüxü̃ nawomüxẽẽgü woo ya yíxema duü̃xẽgü ya Tupanatama tüxü̃ dexe.

Ore i mexü̃ ga Márcu ümatüxü̃ 12:14

Rü nümagü rü naxü̃tawa naxĩ, rü ñanagürügü nüxü̃: —Pa Ngúexẽxẽruxü̃, nüxü̃ tacua̱x rü aixcüma nixĩ i ngẽma nüxü̃ quixuxü̃ i ore. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. ¡Tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü ¿rü namexü̃ yixĩxü̃ nax nüxna ngĩxü̃ taxãxü̃, rü ẽ̱xna tama? —ñanagürügü.

Ore i mexü̃ ga Matéu ümatüxü̃ 22:16

Rü yemaca̱x Ngechuchuxü̃tawa nanamugü ga ñuxre ga norü duü̃xü̃gü wüxigu namaxã ga ñuxre ga Eródearü duü̃xü̃gü nax Ngechuchumaxã nüxü̃ yanaxugüexü̃ca̱x ga ore, rü ñanagürügü: —Pa Ngúexẽxẽruxü̃x, nüxü̃ tacua̱x rü aixcüma nixĩ i ngẽma nüxü̃ quixuxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃.

Ore i mexü̃ ga Matéu ümatüxü̃ 7:14

Natürü marü naxíra i ngẽma ĩã̱x rü naxímaxü̃ i ngẽma nama i maxü̃wa tüxü̃ gaxü̃, rü noxretama nixĩ i duü̃xü̃gü i nüxü̃ iyangaugüxü̃.

Wiyaegü 18:21

Yerü choma rü nagu chixũ i ngẽma Cori naxwa̱xexü̃. Rü taguma chixexü̃ chaxü rü taguma nüxü̃ chaxo ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Norü taxre ga popera ga Pedru ümatüxü̃ 2:12

Rü ngẽma ngu̱xẽẽruü̃netagü, rü ñoma naeü̃gürüxü̃ nixĩgü, rü naeü̃gürüxü̃ taxuxü̃ma nacua̱xgü. Rü ngẽma naxü̃negü naxwa̱xexü̃ nixĩ i naxügüxü̃. Rü nabue nax ñoma naeü̃gü i yayauxgüxü̃ rü nada̱i̱xü̃rüxü̃ yixĩgüxü̃ca̱x. Rü chixri nachiga nidexagü i ngẽma tama nüxü̃ nacua̱xgüxü̃. Natürü ngẽma chixexü̃ i naxügüxü̃gagu tá ñoma naeü̃gürüxü̃ inayarütauxe.

Yeremía 6:16

Cori ya Tupana rü norü duü̃xü̃güxü̃ ñanagürü: —¡Ẽcü namagügu peyachigü rü penadauanegü! ¡Rü naxca̱x ípeca̱x rü ngexü̃rüü̃xü̃ yixĩxü̃ i ngẽma nũxcümaü̃xü̃ i nama, rü ngextá yixĩxü̃ i nangẽxmaxü̃ i ngẽma nama i mexü̃! ¡Rü ngẽmagu pexĩ rü tá petaãẽgü! —ñanagürü. Natürü nümagü rü ñanagürügü: —Tama nagu taxĩchaxü̃ —ñanagürügü.

Ichaía 35:8

Ngéma tá nangẽxma i wüxi i nama i “Nama i Üünexü̃gu” ãégaxü̃. Rü yíxema tama Tupanape̱xewa tügü mexẽẽ́xe rü taxucürüwa nagu tixũ. Rü ngẽxgumarüxü̃ ta i ngẽma chixexü̃arü üruü̃gü rü taxucürüwa nagu naxĩ.

Naanearü ügüchiga 19:5

Rü aita naxüeãcüma Loxna nacagüe rü ñanagürügü: —¿Ngexü̃gü nixĩ i ngẽma yatügü i ngewa̱x nua cupatawa ngugüxü̃? ¡Rü ínamuxü̃, erü namaxã tamaxẽchaü̃! —ñanagürügü.

Ngechuchuarü ngúexü̃gü ga yamugüxü̃arü puracüchiga 22:4

Rü choma ga ü̃pa rü poraãcü nawe chingẽchigü ga yema Ngechuchuaxü̃́ yaxõgüxü̃ nax chanadaixü̃ca̱x. Rü íchanayauxü̃, rü chanapoxcue ga muxü̃ma ga yema yaxõgüxü̃ ga yatüxü̃gü rü ngexü̃gü.

Norü taxre ga popera ga Pedru ümatüxü̃ 2:7

Natürü Tupana nanamaxẽxẽ ga Lox ga wüxi ga yatü ga mecü ixĩcü ga poraãcü ngechaü̃cü ga yexguma nüxü̃ nada̱u̱xgu ga ñuxãcü chixexü̃ naxügüxü̃ ga yema duü̃xü̃gü ga natanüwa nayexmaxü̃.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Popera ga Yúda ümatüxü̃ 1:4

Erü ñu̱xma rü nangẽxma i ñuxre i duü̃xü̃gü i norü doramaxã petanügu chocuxü̃. Rü ngẽma duü̃xü̃gü i chixexü̃gu maxẽxü̃ rü ñanagürügü: “Tupana rü namecümaxüchi rü ngẽmaca̱x taxũtáma pexü̃ napoxcue ega woo chixexü̃gu pemaxẽgu”, ñanagürügü. Rü naétü tama nüxü̃ nacua̱xgüchaü̃ ya tórü Cori ya Ngechuchu ya Cristu ya tórü yora ixĩcü. Natürü ngẽma duü̃xü̃gü i ngẽmaãcü maxẽxü̃, rü woetama nũxcümama Tupanaarü ore i ümatüxü̃wa rü marü nüxü̃ nixu nax Tupana tá napoxcuexü̃.

Popera ga Yúda ümatüxü̃ 1:7

Rü yexgumarüxü̃ ta nüxü̃ nangupetü ga gumá ĩanegü ga Chodóma rü Gomóra rü gumá ĩanegü ga norü ngaicamana yexmagü̃ne. Rü nüma ga yema duü̃xü̃gü rü nügü inaxãgü nax naxügüã̱xü̃ca̱x ga naguxü̃raü̃xü̃ ga naxü̃nearü ngúchaü̃gü. Rü yemaca̱x ga Tupana rü yema üxü i taguma gúxü̃maxã ínanagu. Rü inayanaxoxẽxẽ ga gumá ĩanegü nax wüxi ga cua̱xruxü̃ yixĩxü̃ca̱x.