Norü taxre ga popera ga Pedru ümatüxü̃ 2:18 - Tupanaarü Ore

¹⁸ Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Norü taxre ga popera ga Pedru ümatüxü̃ 2:18 Referans Kwoze

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Norü taxre ga popera ga Pedru ümatüxü̃ 1:4

Rü yema nacüma i mexü̃maxã Tupana tüxna nanaxã i norü unetagü i aixcüma mexẽchixü̃ nax ngẽmaãcü naxrüxü̃ pimexü̃ca̱x rü nüxna pixĩgachixü̃ca̱x i guxü̃ma i ngẽma chixexü̃gü i duü̃xü̃güarü ngúchaü̃gagu ñoma i naanewa ngẽxmagüxü̃.

Romanos 13:13

Rü ngĩxã mexü̃ taxügü rü Tupana naxwa̱xexü̃ãcüma tamaxẽ. Rü tama namaxã taxãmücü i ngẽma duü̃xü̃gü i naxügüxü̃ i taxü̃ i petagü i nawa naxãũgatanüxü̃ rü nangãxexü̃. Rü tama taxünearü ngúchaü̃we tarüxĩ, rü tama to i chixexü̃ taxügü, rü bai nax yigü ichoxü̃gagüxü̃, rü bai i ixauxãchiwa̱xexü̃.

Popera ga Chantiágu ümatüxü̃ 5:5

Rü ñoma i naanewa rü pegü penga̱xãẽgü rü pemepata rü pemuarü ngẽmaxü̃ã̱xgü rü petaãẽgü rü mea pechibüe. Natürü nawa tá nangu i ngẽma ngunexü̃ nax ñoma wocagü i ngüexü̃rüxü̃ tá pedaixü̃.

2 Tesalonicenses 2:4

Rü ngẽma Tupanaarü uanü rü tá Tupanamaxã rü guxü̃ma i ngẽma Tupanaarü ixĩgüxü̃maxã narüxuanü. Rü tá naxchi naxai i guxü̃ma i ngẽmaxü̃gü i namaxã Tupanaxü̃ icua̱xüü̃güxü̃. Rü Tupanapata ya taxü̃newa tá nayarüto ñoma Tupana yixĩxü̃rüxü̃. Rü nüma rü tá nügü nixu nax Tupana yixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:11

Rü yemawena nüxü̃ chadau ga wüxi ga to ga ngo̱xo ga taxrechata̱xcurexü̃ ga waixü̃müanewa ixũxũxü̃. Rü yema naxchata̱xcu̱xre rü ñoma carnéruchatacu̱xrerüxü̃ nixĩ. Natürü ga naga rü ñoma coya ga taxüchixü̃garüxü̃ nixĩ.

Popera ga Yúda ümatüxü̃ 1:13

Rü ñoma yuape i taxü̃ i norü chixixü̃ i ãũãchixü̃ naxãnacüwa yatáxü̃rüxü̃ nixĩgü, rü ngẽma naxügüxü̃ rü taxü̃ i norü ãne nixĩ. Rü ñoma woramacurigü ya nu ne naxĩmarecürüxü̃ nixĩgü. Natürü Tupana rü marü ngẽma duü̃xü̃gümaxã nanaxuegu nax ngẽma waanexü̃chixü̃wa guxü̃gutáma nawogüãxü̃.

Ngechuchuarü ngúexü̃gü ga yamugüxü̃arü puracüchiga 8:9

Natürü guma ĩanewa nayexma ga wüxi ga yatü ga Chimóü̃gu ãégaxü̃ ga ñuxre ga taunecü norü yuümaxã duü̃xü̃güxü̃ womüxẽẽxü̃ ga guma ĩanewa. Rü nügü nixu nax wüxi ga ta̱xacüxü̃ cuáxü̃ nax yixĩxü̃.

Ngechuchuarü ngúexü̃gü ga yamugüxü̃arü puracüchiga 2:40

Rü yema oremaxã rü muxü̃ma ga to ga oremaxã nayaxucu̱xẽgü ga Pedru, rü ñanagürü: —¡Nüxna pixĩgachi i ngẽma duü̃xü̃gü i chixexü̃ ügüxü̃ nax pema rü tama chixexü̃ pexügüxü̃ca̱x! —ñanagürü.

Danié 11:36

Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.

Efesios 4:17

Rü ñu̱xma rü Cristuégagu pexü̃ chaxucu̱xẽ nax tama nagu pexĩxamaxü̃ca̱x i ngẽma nacümagü i ngẽma duü̃xü̃gü i tama Tupanaxü̃ cua̱xgüxü̃ i naechitamare maxẽxü̃.

Norü taxre ga popera ga Pedru ümatüxü̃ 2:2

Rü muxü̃ma i duü̃xü̃gü rü tá nawe narüxĩ nawa i ngẽma chixexü̃ i naxügüxü̃. Rü ngẽma ngu̱xẽẽruü̃netagügagu rü duü̃xü̃gü rü tá chixri nachiga nidexagü i Tupanaarü ore i aixcüma ixĩxü̃.

Norü taxre ga popera ga Pedru ümatüxü̃ 2:7

Natürü Tupana nanamaxẽxẽ ga Lox ga wüxi ga yatü ga mecü ixĩcü ga poraãcü ngechaü̃cü ga yexguma nüxü̃ nada̱u̱xgu ga ñuxãcü chixexü̃ naxügüxü̃ ga yema duü̃xü̃gü ga natanüwa nayexmaxü̃.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Norü taxre ga popera ga Pedru ümatüxü̃ 3:17

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax nüxü̃ pecuáxü̃ i ta̱xacü tá nax ngupetüxü̃, rü name nixĩ i pexuãẽgü nax tama pexü̃ nawomüxẽẽgüxü̃ca̱x i ngẽma chixexü̃ i duü̃xü̃gü rü tama nüxü̃ perüxoexü̃ca̱x nax mea peyaxõgüxü̃.

Nüxíraxü̃xü̃ ga popera ga ãẽ̱xgacügüchiga 13:19

Rü yexguma ga gumá orearü uruxü̃ ga Yudáanecüã̱x rü düxwa nawe narüxũ rü nachiü̃wa nayachibü rü nayaxaxe.

Echequié 35:13

Rü cuma rü quidexa rü curü conümaxã chauchiga quidexa rü choxü̃ cunuxẽxẽ. Rü choma rü meama nüxü̃ chaxĩnü ga curü dexa.