Norü taxre ga popera ga Pedru ümatüxü̃ 1:5 - Tupanaarü Ore

⁵ Rü ngẽmaca̱x penaxwa̱xegü nax pegü peporaexẽẽxü̃ nax perü õétüwa peyaxǘcuchixü̃ i mexü̃ i pecüma. Rü ngẽma pecüma i mexü̃étüwa penaxwa̱xe nax cua̱x pexü̃́ ngẽxmagüxü̃ nax nüxü̃ pecuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃.

Norü taxre ga popera ga Pedru ümatüxü̃ 1:5 Referans Kwoze

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Ucu̱xẽgüchiga 4:23

¡Ñoma i naanewa rü guxü̃arü yexera nüxna nadau i curü ĩnü, erü ngẽma curü ĩnü nixĩ i maxü̃wa cuxü̃ gaxü̃!

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Popera ga Yudíugü ga yaxõgüxü̃ca̱x ümatüxü̃ 6:11

Rü wüxichigü i pema rü tanaxwa̱xe i ngẽmaãcü noxrirüxü̃ mexü̃ i perü ngúchaü̃maxã nüxü̃ perüngü̃xẽẽgüecha i taenexẽgü ñu̱xmatáta penayauxgü i ngẽma maxü̃ i ípenangu̱xẽẽgüxü̃.

Filipenses 1:9

Rü chorü yumüxẽwa naxca̱x íchaca nax yexeraãcü pegü pengechaü̃güxü̃ca̱x nax yexeraãcü Tupanaxü̃ pecuáxü̃ca̱x rü nüma yexeraãcü cua̱x pexna naxãxü̃ nax nüxü̃ pecuáxü̃ca̱x nax mea naxca̱x pemaxẽxü̃.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Efesios 5:17

Rü ñu̱xma rü tama name i duü̃xü̃gü i ngẽãẽmarexü̃ãcü pemaxẽ. Rü name nixĩ nax nüxü̃ pecuáxü̃ i ta̱xacü nixĩ i tórü Cori pexü̃́ naxwa̱xexü̃ nax penaxüxü̃.

Ichaía 55:2

¿Rü ta̱xacüca̱x i diẽrumaxã penaxütanü i ngẽma tama õna ixĩxü̃? ¿Rü ta̱xacüca̱x penaxütanü i ngẽma tama nawa itaãẽxü̃? ¡Rü mea choxü̃́ iperüxĩnüe rü tá mexü̃ i õna pengõ̱xgü rü õna i chíxü̃maxã tá pengaxpütüwe!

Filipenses 2:12

Rü ngẽmaca̱x chanaxwa̱xe i chauga pexĩnüe, Pa Chauenexẽgü ya Pexü̃ Changechaü̃güxe. Rü yéma petanüwa chayexmagu chauga nax pexĩnüexü̃arü yexera chanaxwa̱xe i chauga pexĩnüe i ñu̱xma nax tama petanüwa changexmaxü̃. Rü chanaxwa̱xe i Tupanaxü̃ pemuü̃ẽãcüma pegü peporaexẽxẽ nax nawe perüxĩxü̃ i ngẽma ore i maxü̃ tüxna ãxü̃.

Wiyaegü 119:4

Cumax, Pa Tupanax, toxna cunaxã i curü mugü nax aixcüma naga taxĩnüexü̃ca̱x.

Colosenses 2:3

Rü nawa nixĩ i nangẽxmaxü̃ i guxü̃ma i cua̱xgü i mexü̃.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Luca ümatüxü̃ 24:21

Toma nüxü̃ tacua̱xgu rü nüma chi nixĩ i tomaxã naporaxü̃ nax ínanguxuchixü̃ca̱x i Iraéane nüxna i Rómacüã̱xarü ãẽ̱xgacü. Rü ñu̱xma rü marü tomaepü̱x i ngunexü̃ nawena nixĩ nax yama̱xgüãxü̃.

Colosenses 1:9

Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.

Nüxíraxü̃xü̃ ga popera ga Pedru ümatüxü̃ 3:7

Rü ngẽxgumarüxü̃ ta i pemax, Pa Yatügüx, rü name nixĩ i mea pexma̱xü̃ pengechaü̃gü rü yáxna ngĩmaxã pexĩnüe, erü ngĩma rü irüturamae. Rü name nixĩ i ngĩmaxã petaãẽgü erü Tupana pexna naxãxü̃rüxü̃ ngĩxna nanaxã i maxü̃ i taguma gúxü̃. Rü name nixĩ i ngẽmaãcü mea ngĩxü̃ pengechaxü̃gü nax taxuxü̃ma yatoxyepe̱xexü̃ca̱x i perü yumüxẽgü.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Ore i mexü̃ ga Luca ümatüxü̃ 16:26

Rü ñu̱xũchi nangẽxma i wüxi i taxüchixü̃ i ãxmaxü̃ i tórü ngãxü̃wa üxü̃. Rü ngẽmaca̱x ega númacüã̱x ngéma ĩxchaü̃gu, rü taxucürüwama ngéma nangugü. Rü woo ngémacüã̱x núma ĩxchaü̃gu rü taxucürüwama núma naxĩ”, ñanagürü.

Chacaría 6:15

Rü ngẽxguma tá Cori ya Tupanaga pexĩnüegu, rü nua tá naxĩ i togü i duü̃xü̃gü i yáxü̃wa ne ĩxü̃, rü pexü̃ tá narüngü̃xẽẽgü nawa i Tupanapata ya taxü̃nearü mexẽxẽ. Rü ngẽxguma tá yanguxgu i ngẽma rü pema rü tá nüxü̃ pecua̱x nax Tupana ya Guxãétüwa Ngẽxmacü yixĩxü̃ i nua choxü̃ muxü̃ nax pemaxã nüxü̃ chixuxü̃ca̱x i norü ore.

Norü taxre ga popera ga Pedru ümatüxü̃ 1:11

Rü ngẽmaãcü ya Tupana, rü tá mea pexca̱x nayawãxna i ĩã̱x nax tauxchaãcü pichocuxü̃ca̱x i ngextá guxü̃gutáma ãẽ̱xgacü íyixĩxü̃wa ya tórü Cori ya Ngechuchu ya Cristu ya tórü Maxẽxẽẽruxü̃.

Yochué 7:3

Rü yexguma nawoegugu, rü Yochuéxü̃ ñanagürügü: —Tama tanaxwa̱xe i guxü̃ i churaragümaxã naxca̱x ítayachoõchi ya yimá ĩane ya Ái, erü 2,000 rüe̱xna 3,000 i churaragümaxã nixĩ i marü yanguxü̃ nax yapu̱xü̃ ya yimá ĩane. ¡Rü taxũtáma guxü̃ i churaragü ngéma cumugü! Erü tama namu i ngẽma duü̃xü̃gü ya yimá ĩanena daugüxü̃ —ñanagürügü.