Norü taxre ga popera ga Pedru ümatüxü̃ 1:17 - Tupanaarü Ore

¹⁷ Rü nüxü̃ tadau ga yexguma Tanatü ya Tupana nüxü̃ icua̱xüxü̃gu. Rü nüxü̃ taxĩnüe ga yexguma gumátama Tanatü ya Tupana ya Üünecü ñaxgu: “Daa nixĩ ya Chaune ya nüxü̃ changechaü̃xü̃chicü. Rü choma rü poraãcü namaxã chataãẽxü̃chi”, ñaxgu.

Norü taxre ga popera ga Pedru ümatüxü̃ 1:17 Referans Kwoze

Ore i mexü̃ ga Márcu ümatüxü̃ 9:7

Rü yexgumatama wüxi ga caixanexü̃ ínarüxĩ, rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe! —ñaxü̃.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Ore i mexü̃ ga Luca ümatüxü̃ 3:22

Rü Tupanaãxẽ ya Üünecü rü wüxi ga muxtucurüxü̃ inanago rü Ngechuchuna nangu. Rü daxũwa inanaxũ ga wüxi ga naga ga ñaxü̃: —Cuma nixĩ, Pa Chaunex, i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.

Ore i mexü̃ ga Márcu ümatüxü̃ 1:11

Rü daxũwa inanaxũ ga wüxi ga naga ga ñaxü̃: —Cuma nixĩ i Chaune i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.

Ore i mexü̃ ga Matéu ümatüxü̃ 12:18

“Daa nixĩ ya chorü duü̃ ya chomatama nüxü̃ chaxunetacü rü nüxü̃ changechaü̃cü rü namaxã chataãẽxü̃chicü. Rü nüxna tá chanamu i Chauãxẽ i Üünexü̃. Rü nüma rü ngẽma duü̃xü̃gü i tama Yudíugü ixĩgüxü̃maxã tá nüxü̃ nixu i ore i mexü̃ i aixcüma ixĩxü̃.

Ore i mexü̃ ga Cuáü̃ ümatüxü̃ 3:35

Rü Tanatü ya Tupana rü Nanexü̃ nangechaü̃, rü marü naxme̱xwa nanangẽxmaxẽxẽ i guxü̃ma.

Ore i mexü̃ ga Cuáü̃ ümatüxü̃ 5:26

Nüma ya Nanatü rü nüxü̃́ nangẽxma i pora nax namaxẽxẽẽãxü̃ca̱x i duü̃xü̃gü. Rü ngẽma pora rü Nanena nanaxã nax nüma rü ta duü̃xü̃güxü̃ namaxẽxẽxẽxü̃ca̱x.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Norü taxre ga popera ga Cuáü̃ ümatüxü̃ 1:3

Rü chanaxwa̱xe i nüma ya Tanatü ya Tupana rü Nane ya Ngechuchu ya Cristu poraãcü pexü̃ rüngü̃xẽẽgü rü nüxü̃́ pengechaü̃tümüxü̃gü rü pexü̃ nataãẽxẽẽgü, erü nüxü̃ pecua̱x i ngẽma ore i aixcüma ixĩxü̃ rü pegü pengechaü̃gü.

Ore i mexü̃ ga Luca ümatüxü̃ 10:22

Rü ñanagürü ga Ngechuchu: —Chaunatü rü marü choxna nanaxã ga guxü̃ma. Rü taxúema ya toguxe nüxü̃ tacua̱x nax texe yixĩxü̃ ya Tupana Nane rü Nanatüxicatama nixĩ i aixcüma nüxü̃ cuácü. Rü taxúema ya toguxe nüxü̃ tacua̱x nax texe yixĩxü̃ ya Nanatü, rü nüma ya Nanexicatama nixĩ ya nüxü̃ cuácü. Rü ngẽxgumarüxü̃ ta yíxema Nane tüxü̃ nüxü̃ nacua̱xẽẽchaü̃güxe nixĩ i aixcüma Nanatüxü̃ cua̱xgüxe —ñanagürü.

2 Corintios 1:3

Rü toma rü nüxü̃ ticua̱xüü̃gü ya Tupana ya Nanatü ya tórü Cori ya Ngechuchu ya Cristu. Erü nüma nixĩ i Tanatü i nüxü̃́ ingechaü̃tümüxü̃güxü̃ rü nüma nixĩ i tórü Tupana ya guxü̃guma tüxü̃ taãẽxẽẽcü.

2 Corintios 11:31

Rü Tupana ya tórü Cori ya Ngechuchu ya Cristunatü rü name nax guxü̃guma nüxü̃ icua̱xüü̃güxü̃. Rü nüma rü nüxü̃ nacua̱x nax aixcüma yixĩxü̃ i ngẽma nüxü̃ chixuxü̃.

Ore i mexü̃ ga Cuáü̃ ümatüxü̃ 17:21

Rü cuxna chaca nax guxü̃ma i ngẽma choxna cumugüxü̃ rü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃. Rü ngẽxgumarüxü̃ ta cuxna chaca nax nümagü rü wüxitama tamaxã yaxĩgüxü̃ nax ngẽmaãcü i ñoma i naanecüã̱x i duü̃xü̃gü yaxõgüxü̃ca̱x nax cuma núma choxü̃ cumuxü̃.

Popera ga Yúda ümatüxü̃ 1:1

Choma i Yúda i Chantiáguenexẽ ya Ngechuchu ya Cristuarü puracütanüxü̃ chixĩ i pexü̃ charümoxẽxü̃ i pema nax Tanatü ya Tupana pexü̃ dexü̃ rü pexü̃ ngechaü̃xü̃ rü Ngechuchu ya Cristu pexna dauxü̃.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Cuáü̃ ümatüxü̃ 6:39

Rü ngẽma norü ngúchaü̃ ya Chaunatü ya Tupana ya núma choxü̃ mucü nixĩ nax taxúexü̃ma ichayarütauxẽẽxü̃ ya yíxema choxna tüxü̃ namugüxe. Rü ngẽma nanaxwa̱xexü̃ nixĩ nax tüxü̃ yuwa ícharüdagüxẽẽxü̃ i naanearü gu̱xgu.

Ore i mexü̃ ga Cuáü̃ ümatüxü̃ 20:17

Rü Ngechuchu rü ñanagürü ngĩxü̃: —¡Taxṹ i choxü̃ quingõgüxü̃, erü tauta Chaunatüxü̃tawa chaxũ! ¡Natürü ngéma chauenexẽgütanüwa naxũ rü namaxã nüxü̃ yarüxu nax choma rü tá Chaunatü ya Tupana ya Penatü ya Tupanaxü̃tawa chaxũxü̃! —ñanagürü.

Ore i mexü̃ ga Cuáü̃ ümatüxü̃ 10:36

Rü Tupana choxü̃ naxuneta nax chanaxüxü̃ca̱x i norü puracü rü ñoma ga naanewa choxü̃ namu. ¿Rü ñuxãcü i nagu perüxĩnüexü̃ nax Tupanaaxü̃́ chanangu̱xẽẽxü̃ i ngẽxguma Tupana Nane chixĩxü̃, ñachagu pemaxã?

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Matéu ümatüxü̃ 17:3

Rü ñu̱xũchi yéma naxca̱x nangõ̱xgü ga Moiché rü Ería. Rü Ngechuchumaxã yéma nidexagü.

Ore i mexü̃ ga Cuáü̃ ümatüxü̃ 14:11

Chanaxwa̱xe i choxü̃́ peyaxõgü nax choma rü Chaunatümaxã wüxitama tixĩgüxü̃. Natürü woo tama ngẽma pixõgügu rü chanaxwa̱xe nax choxü̃́ peyaxõgüxü̃ naxca̱x i ngẽma mexü̃gü i norü poramaxã chaxüxü̃.

Ore i mexü̃ ga Cuáü̃ ümatüxü̃ 6:37

Rü guxãma ya yíxema duü̃xẽgü ya Chaunatü choxna tüxü̃ mugüxe rü chorü duü̃xü̃gü tixĩgü. Rü texé ya choxü̃́ yaxõgüxe rü taxũtáma tüxü̃ chaxoo̱x.

Romanos 15:6

Rü chanaxwa̱xe nax ngẽmaãcü pemaxẽxü̃ nax guxãma i pema rü wüxigu nüxü̃ picua̱xüü̃güxü̃ca̱x ya Tupana ya Nanatü ya tórü Cori ya Ngechuchu ya Cristu.

Ore i mexü̃ ga Matéu ümatüxü̃ 28:19

Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!

Ore i mexü̃ ga Cuáü̃ ümatüxü̃ 5:20

Nüma ya Nanatü ya Tupana rü Nanexü̃ nangechaü̃, rü ngẽmaca̱x nüxü̃ nüxü̃ nadauxẽxẽ i guxü̃ma i ta̱xacü i nüma naxüxü̃. Rü ngẽma ñu̱xma nüxü̃ nüxü̃ nadauxẽẽxü̃arü yexera tá yixcüra nüxü̃ nüxü̃ nadauxẽxẽ. Rü ngẽxguma ngẽmaxü̃ pedaugügu, rü tá namaxã peba̱i̱xãchie.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.