Norü taxre ga popera ga ãẽ̱xgacügüchiga 8:5 - Tupanaarü Ore

⁵ Rü yexguma Guexáchi ãẽ̱xgacümaxã nüxü̃ íyaxuyane nax ñuxãcü Erichéu ínadaxẽẽxü̃ ga ngĩne ga yema nge ga Chunéü̃cüã̱x, rü yexgumayane yéma ãẽ̱xgacüxü̃tawa ingu ga yema nge nax nüxna yacaxü̃ca̱x naxca̱x ga guma ngĩpata rü ñu̱xũchi yema ngĩrü naanegü. Rü yexguma ga Guexáchi rü ãẽ̱xgacüxü̃ ñanagürü: —Pa Ãẽ̱xgacüx, ñaa iyixĩ ga yema nge rü ñu̱xũchi daa nixĩ ga gumá bucü ga Erichéu yuwa írüdaxẽẽcü —ñanagürü.

Norü taxre ga popera ga ãẽ̱xgacügüchiga 8:5 Referans Kwoze

Norü taxre ga popera ga ãẽ̱xgacügüchiga 4:35

Rü yexguma ga nüma ga Erichéu rü ínarüda, rü yema ucapugu narüxũũxü̃. Rü yemawena rü wenaxarü noxrirüü̃tama guma bucüétü nañunagü. Rü ngürüãchi ga guma bucü rü nangaixchu 7 e̱xpü̱xcüna, rü nidauuchi.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Ucu̱xẽgüchiga 16:9

Wüxi ya yatü, rü nanaxü i ngẽma nümatama nagu naxĩnüxü̃, natürü Cori ya Tupana nixĩ i ngẽma yatüarü ĩnümaxã icuácü.

Wiyaegü 145:1

Rü choma rü tá cuxü̃ chixuchiga nax ñuxãcü nüxü̃ cucua̱xüchixü̃, Pa Tupana Pa Chorü Ãẽ̱xgacüx. Rü guxü̃gutáma cuxü̃ chicua̱xüxü̃.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Norü taxre ga popera ga ãẽ̱xgacügüchiga 6:26

Rü wüxi ga ngunexü̃gu nüma ga Iraéanearü ãẽ̱xgacü rü guma ĩanearü poxegü̃étügu ínayaxüegu. Rü wüxi ga nge rü nüxna yéma icagü rü ngĩgürügü: —¡Pa Ãẽ̱xgacüx, choxü̃ rüngü̃xẽxẽ! —ngĩgürügü.

Norü taxre ga popera ga ãẽ̱xgacügüchiga 6:12

Rü wüxi ga norü churaragüeru rü nanangãxü̃ rü ñanagürü: —Pa Ãẽ̱xgacüx, taxúema tixĩ ya texé ya nüxü̃ ixuxe i ngẽma nagu curüxĩnüxü̃. Natürü yimá Erichéu ya Tupanaarü orearü uruxü̃ ga Iraéanewa ngẽxmacü, rü yimá nixĩ ya Iraéanecüã̱xgüarü ãẽ̱xgacümaxã nüxü̃ ixuamacü woo ngẽma cuxicatama nagu curüxĩnüxü̃ ega curü pechicawa cungexmagu —ñanagürü.

1 Chamué 26:17

Rü yexguma Chaú nüxü̃ cua̱xgu nax Dabí yixĩxü̃ ga yéma idexaxü̃, rü tagaãcü yexma nacagü rü ñanagürü: —¿Ẽ̱xna cuma quixĩxü̃, Pa Chaunex, Pa Dabíx? —ñanagürü. Rü nüma ga Dabí rü nanangãxü̃ rü ñanagürü: —Ngü̃, Pa Ãẽ̱xgacüx, choma chixĩ.

Rux 2:3

Rü yexguma ga Rux rü wüxi ga naanewa ixũ rü yema buxetatanüxü̃we iyadeetanü ga chebádaya̱xa ga yéma iyietanüxü̃. Rü megu ingu yerü yema naane rü Boó ga Erimérextanüxü̃arü nixĩ.

Norü taxre ga popera ga ãẽ̱xgacügüchiga 8:6

Rü nüma ga ãẽ̱xgacü rü ngĩxna naca rü ñanagürü: —¿Aixcüma yixü̃? —ñanagürü. Rü ngĩma inangãxü̃ rü: —Ngü̃ —ngĩgürügü. Rü yemawena ga nüma ga ãẽ̱xgacü rü wüxi ga norü ngü̃xẽẽruxü̃ ga nüxna nayoexü̃ca̱x naca, rü yemame̱xẽgu nanaxǘ nax ngĩxü̃́ nataeguxü̃ca̱x ga ngĩpata rü guxü̃ma ga ngĩrü yemaxü̃gü rü ñu̱xũchi guxü̃ma ga yema ngĩanearü nanetügütanü ga nayauxgüxü̃ ga yexguma noxritama yema nachixü̃anewa ínaxũxü̃gu ñu̱xmata yema ngunexü̃ ga nagu nataeguxü̃.

Nüxíraxü̃xü̃ ga popera ga ãẽ̱xgacügüchiga 20:1

Rü nüma ga Chíriaanearü ãẽ̱xgacü ga Ben-adáxü̃ rü nananutaque̱xe ga norü churaragü rü ñu̱xũchi 32 ga to ga ãẽ̱xgacügü namaxã ga norü cowarugü, rü norü carugü ga churaragüweü̃gü ixĩgüne. Rü ĩane ga Chamáriaca̱x inaxĩãchi rü nüxü̃ ínachomaeguãchi nax nügü nada̱i̱xü̃ca̱x.