Norü taxre ga popera ga ãẽ̱xgacügüchiga 8:4 - Tupanaarü Ore

⁴ Rü yema ngunexü̃gu rü nüma ga ãẽ̱xgacü rü namaxã nidexa ga Guexáchi ga Tupanaarü orearü uruxü̃ ga Erichéuarü ngü̃xẽẽruxü̃. Rü Guexáchina naca nax namaxã nüxü̃ yaxuxü̃ca̱x ga guxü̃ma ga yema mexü̃gü ga Tupanaarü poramaxã naxüxü̃ ga Erichéu.

Norü taxre ga popera ga ãẽ̱xgacügüchiga 8:4 Referans Kwoze

Ngechuchuarü ngúexü̃gü ga yamugüxü̃arü puracüchiga 24:24

Rü ñuxre ga ngunexü̃ marü ngupetügu rü wena yéma naxũ ga Férix ngĩmaxã ga naxma̱x ga Drusíla ga Yudíu ixĩcü. Rü Pauruca̱x nayacaxẽxẽ, rü nüxü̃ naxĩnü ga yema ore ga Pauru namaxã nüxü̃ ixuxü̃ ga Cristuaxü̃́ nax yaxõxü̃chiga.

Ore i mexü̃ ga Cuáü̃ ümatüxü̃ 9:27

Rü nanangãxü̃ rü ñanagürü nüxü̃: —Marü pemaxã nüxü̃ chixu, rü tama choxü̃́ iperüxĩnüechaü̃. ¿Tü̱xcüü̃ penaxwa̱xe nax wena pemaxã nüxü̃ chixuxü̃? ¿Ẽ̱xna pema rü ta nüxü̃́ peyaxõgüchaü̃? —ñanagürü.

Ore i mexü̃ ga Luca ümatüxü̃ 23:8

Rü yexguma Ngechuchuxü̃ nada̱u̱xgu ga Eróde rü nataãẽxü̃chi. Yerü ü̃paamaãcü poraãcü nüxü̃ nadauxchaü̃, yerü nüxü̃ naxĩnü ga nachiga. Rü ínanangu̱xẽxẽ nax nüxü̃ nadauxü̃ nax nape̱xewa naxüaxü̃ ga wüxi ga mexü̃ ga taxü̃ ga Tupanaarü poramaxã naxüxü̃.

Ore i mexü̃ ga Luca ümatüxü̃ 9:9

Natürü Eróde rü ñanagürü: —Chomatama chanamu nax Cuáü̃xü̃ yadaeruxü̃ca̱x. ¿Rü ta̱xacü ẽ̱xna nixĩ i ngẽma yatü i duü̃xü̃gü ngẽmaãcü poraãcü nüxü̃ ixuchigagüechaxü̃? —ñanagürü. Rü Eróde rü nüxü̃́ nangúchaü̃ nax Ngechuchuxü̃ nadauxü̃.

Ore i mexü̃ ga Matéu ümatüxü̃ 2:8

Rü ñu̱xũchi ga Eróde rü Beréü̃wa nanamugü ga yema yatügü ga éstewa ne ĩxü̃. Rü ñanagürü nüxü̃: —¡Ngéma pexĩ rü mea naxca̱x peyada̱u̱x i ngẽma buxü̃! ¡Rü ngẽxguma nüxü̃ ipeyangauxgu, rü chomaxã nüxü̃ pixu nax choma rü ta ngéma chaxũxü̃ca̱x, nax nüxü̃ chayarücua̱xüxü̃xü̃ca̱x i ngẽma buxü̃! —ñanagürü.

Norü taxre ga popera ga ãẽ̱xgacügüchiga 7:10

Rü inaxĩãchi rü yexguma ĩanewa nangugügu rü ĩanearü dauruü̃ca̱x nacagü rü ñanagürügü nüxü̃: —Ngẽma Chíriaarü churaragüpatawa taxĩ rü taxuxü̃ma rü bai i wüxi ngẽma ngẽxmaxü̃. Rü taxuxü̃ma i ngextá nidexa. Rü cowarugü rü búrugü i ngẽxma ngagüü̃xü̃ rü churaragüarü düxenügü ya mea itexechigünexicatama nangẽxma —ñanagürügü.

Norü taxre ga popera ga ãẽ̱xgacügüchiga 7:3

Rü yexgumayane rü 4 ga rüchaxünegüxü̃ ga guma ĩaneca̱x íchocuxü̃wa yexmagüxü̃ rü nügümaxã ñanagürügü: —¿Ta̱xacü nua taxüe rü nua rütogüxü̃ rü yu nua rüngu̱xẽxẽgüxü̃?

Norü taxre ga popera ga ãẽ̱xgacügüchiga 7:1

Rü nüma ga Erichéu nanangãxü̃ rü ñanagürü: —¡Irüxĩnü i Cori ya Tupanaarü ore! Erü nüma ya Cori rü ñanagürü: “Moxü̃arü ngunexü̃gu i ñaatama oragu rü daa ĩane ya Chamáriaca̱x íchocuxü̃wa rü tá natauxcha nax naxca̱x petaxegüxü̃ i 7 i litru nagúxü̃ i arína ngĩmaxã i wüxitachinütama i diẽru. Rü ngẽxgumarüxü̃ ta rü tá natauxcha nax wüxitachinü i diẽrumaxã naxca̱x petaxexü̃ i 15 litru i chebáda” —ñanagürü.

Norü taxre ga popera ga ãẽ̱xgacügüchiga 6:32

Rü yexguma nüma ga Erichéu rü napatawa nayexma rü yéma narüto namaxã ga ĩane ga Chamáriaarü ãẽ̱xgacügü. Rü nüma ga Iraéanearü ãẽ̱xgacü rü Erichéuxü̃tawa nanamu ga wüxi ga norü duü̃xü̃. Natürü naxü̃pa ga nax yéma nanguxü̃ ga yema yatü ga ãẽ̱xgacü yéma muxü̃, rü nüma ga Erichéu rü namücügüxü̃ ñanagürü: —Yimá ãẽ̱xgacü rü wüxi i máetaxü̃ nixĩ, rü nua nanamu i wüxi i yatü nax choxü̃ yadaeeruxü̃ca̱x. ¡Natürü choxü̃́ iperüxĩnüe! Rü ngẽxguma tá nua nanguxgu i ngẽma yatü, rü chanaxwa̱xe i penawãxta i ĩã̱x rü penanguxta. Erü naweama tá nüxü̃ pexĩnüe i nacutüga i ngẽma ãẽ̱xgacü —ñanagürü ga Erichéu.

Norü taxre ga popera ga ãẽ̱xgacügüchiga 6:6

Rü nüma ga Erichéu rü nüxna naca rü ñanagürü: —¿Ngexta nixĩ i tanguxü̃? —ñanagürü. Rü nüma ga yema yuema tüxü̃ inguxẽẽcü rü naxuneta nax ngexta nanguxü̃ ga yema yuema. Rü nüma ga Erichéu rü nayadaxüchi ga wüxi ga naixmena̱xã rü guxema yuema ínguxü̃gu nanaña. Rü yexguma ga guxema yuema rü tangünagü.

Norü taxre ga popera ga ãẽ̱xgacügüchiga 5:14

Rü yexguma ga nüma ga Naamáü̃ rü nawa naxũ ga yema natü ga Yudáü̃. Rü 7 e̱xpü̱xcüna nawa naxüe rü nügü nayaxune yema orearü uruxü̃ namaxã nüxü̃ ixuxü̃rüxü̃. Rü yexguma ga naxcha̱xmüxü̃ rü narüme rü wüxi ga buxecha̱xmüxü̃rüxü̃ nixĩ.

Norü taxre ga popera ga ãẽ̱xgacügüchiga 2:24

Rü yexguma nüma ga Erichéu rü nügü ínidau, rü Tupanaégagu guxchaxü̃ namaxã naxuegu. Rü yexgumatama yema naixnecüwa inayayi ga taxre ga osu. Rü yema osugü rü yema ngextü̱xüxü̃gütanüwa nanadai ga 42.

Norü taxre ga popera ga ãẽ̱xgacügüchiga 2:14

Rü ñu̱xũchi yema Eríachirumaxã dexáchiüwa nanacua̱i̱xca, rü tagaãcü ñanagürü: —¿Ngexcü yixĩxü̃ ya Cori ya Eríaarü Tupana ixĩcü? —ñanagürü. Rü yexguma yema ñaxgu rü dexáchiüwa nanacua̱i̱xca rü niyauxyexü̃chíü ga dexá. Rü nüma ga Erichéu rü wenaxarü nixüe nawa ga yema natü.

Norü taxre ga popera ga ãẽ̱xgacügüchiga 8:3

Rü nawena ga marü nax yanguxü̃ ga gumá 7 ga taunecü, rü itaegu ga Firitéuanewa. Rü Iraéanearü ãẽ̱xgacümaxã iyarüdexa nax ngĩxna naxããxü̃ca̱x ga guma ngĩpata rü ñu̱xũchi yema ngĩrü naanegü.

Norü taxre ga popera ga ãẽ̱xgacügüchiga 4:25

Rü yemaacü yéma ixũ rü nawa ingu ga guma ma̱xpǘne ga Carmérugu ãégane ga yema Tupanaarü orearü ngeruxü̃ ga Erichéu íyexmaxü̃wa. Rü yexguma Erichéu yáxü̃guma ngĩxü̃ da̱u̱xgu nax yéma ne naxũxü̃, rü Guexáchi ga norü ngü̃xẽẽruü̃xü̃ ñanagürü: —¡Dücax, yéama ne ixũ i chiũra i Chunéü̃cüã̱x!