Biblia Todo Logo
Bib sou entènèt

- Piblisite -




Norü taxre ga popera ga ãẽ̱xgacügüchiga 8:3 - Tupanaarü Ore

3 Rü nawena ga marü nax yanguxü̃ ga gumá 7 ga taunecü, rü itaegu ga Firitéuanewa. Rü Iraéanearü ãẽ̱xgacümaxã iyarüdexa nax ngĩxna naxããxü̃ca̱x ga guma ngĩpata rü ñu̱xũchi yema ngĩrü naanegü.

Gade chapit la Kopi




Norü taxre ga popera ga ãẽ̱xgacügüchiga 8:3
10 Referans Kwoze  

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.


Rü nüma ga ãẽ̱xgacü rü ngĩxna naca rü ñanagürü: —¿Aixcüma yixü̃? —ñanagürü. Rü ngĩma inangãxü̃ rü: —Ngü̃ —ngĩgürügü. Rü yemawena ga nüma ga ãẽ̱xgacü rü wüxi ga norü ngü̃xẽẽruxü̃ ga nüxna nayoexü̃ca̱x naca, rü yemame̱xẽgu nanaxǘ nax ngĩxü̃́ nataeguxü̃ca̱x ga ngĩpata rü guxü̃ma ga ngĩrü yemaxü̃gü rü ñu̱xũchi guxü̃ma ga yema ngĩanearü nanetügütanü ga nayauxgüxü̃ ga yexguma noxritama yema nachixü̃anewa ínaxũxü̃gu ñu̱xmata yema ngunexü̃ ga nagu nataeguxü̃.


Rü wüxi ga ngunexü̃gu nüma ga Iraéanearü ãẽ̱xgacü rü guma ĩanearü poxegü̃étügu ínayaxüegu. Rü wüxi ga nge rü nüxna yéma icagü rü ngĩgürügü: —¡Pa Ãẽ̱xgacüx, choxü̃ rüngü̃xẽxẽ! —ngĩgürügü.


—¡Ngĩmaxã nüxü̃ ixu i ngẽma chiũra rü poraãcü namaxã tataãxẽgü i ngĩrü ngü̃xẽxẽ! ¡Rü ngĩxna naca rü ta̱xacü nanaxwa̱xexü̃ nax ngĩxca̱x naxüxü̃! Rü bexmana inaxwa̱xe nax ngĩétüwa idexagüxü̃ i ãẽ̱xgacüpe̱xewa rüe̱xna churaragüarü ãẽ̱xgacüpe̱xewa —ñanagürü. Rü yexguma ga ngĩma rü inangãxü̃ rü ngĩgürügü: —Taxuxü̃ma chanaxwa̱xe erü nua chautanüxü̃tanüwa rü poraãcü chataãxẽxüchi —ngĩgürügü.


Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.


Yema nge rü iyanguxẽxẽ ga yema Tupanaarü orearü uruxü̃ ngĩmaxã nüxü̃ ixuxü̃. Rü Firitéuanewa ixũ namaxã ga ngĩtanüxü̃. Rü 7 ga taunecü yéma iyexma.


Rü yema ngunexü̃gu rü nüma ga ãẽ̱xgacü rü namaxã nidexa ga Guexáchi ga Tupanaarü orearü uruxü̃ ga Erichéuarü ngü̃xẽẽruxü̃. Rü Guexáchina naca nax namaxã nüxü̃ yaxuxü̃ca̱x ga guxü̃ma ga yema mexü̃gü ga Tupanaarü poramaxã naxüxü̃ ga Erichéu.


Rü yemaca̱x nagu irüxĩnü ga Yudáarü naaneca̱x nax nataeguxü̃. Rü ngĩma rü ngĩnea̱xgümaxã nawa íchoxü̃ ga yema nachica ga nagu naxãchiü̃chiréxü̃ ga Moáanewa nax ngĩchiü̃ane ga Yudáanewa naxũxü̃ca̱x.


Swiv nou:

Piblisite


Piblisite