Norü taxre ga popera ga ãẽ̱xgacügüchiga 8:11 - Tupanaarü Ore

¹¹ Rü ñu̱xũchi nüma ga Erichéu rü meama Achaéxü̃ nadawenüecha, rü yemaca̱x nüma ga Achaé rü naba̱i̱xãchiãxẽ. Rü nüma ga Tupanaarü orearü uruxü̃ ga Erichéu rü naxaxu.

Norü taxre ga popera ga ãẽ̱xgacügüchiga 8:11 Referans Kwoze

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Yeremía 9:18

¡Rü paxãma nua naxĩ, rü taxca̱x nua yaxauxe nax ngẽmaãcü i yíxema rü ta ixauxexü̃ca̱x rü taxgüxü̃xetümaxã napaxü̃ca̱x ya taxetügü rü tachipaxetügü!

Yeremía 4:19

Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Filipenses 3:18

Rü marü mue̱xpü̱xcüna pemaxã nüxü̃ chixu, rü ñu̱xma rü chaxauxãcüma wena pemaxã nüxü̃ chixu rü nangẽxma i muxü̃ma i duü̃xü̃gü i Cristuarü curuchaarü uanüãcüma maxẽxü̃.

Romanos 9:2

Rü poraãcü changechaü̃, rü chorü maxü̃newa nangúecha, erü tama nayaxõgü i chautanüxü̃ i Iraétanüxü̃.

Ngechuchuarü ngúexü̃gü ga yamugüxü̃arü puracüchiga 20:31

¡Pegüna pedaugü, rü nüxna pecua̱xãchie nax tomaepü̱x ga taunecügu rü ngunecü rü chütacü taguma íchayachaxãchixü̃ nax chaxauxãcüma pexü̃ chixucu̱xẽgüxü̃ ga wüxichigü!

Ngechuchuarü ngúexü̃gü ga yamugüxü̃arü puracüchiga 20:19

Rü guxü̃guma ga yexguma petanüwa chayexmagu, rü meama chanaxü ga Cori ya Tupanaarü puracü, rü taguma chaugü chicua̱xüxü̃. Rü woo muẽ̱xpü̱xcüna poraãcü changechaü̃gu, nagagu ga yema chixexü̃ ga chomaxã naxügüchaü̃xü̃ ga Yudíugü, natürü naétüwa chanaxüama ga yema puracü.

Ore i mexü̃ ga Cuáü̃ ümatüxü̃ 11:35

Rü naxaxu ga Ngechuchu.

Yeremía 14:17

¡Rü cumax, Pa Yeremíax, rü duü̃xü̃gümaxã nüxü̃ ixu i ñaa ore rü ñanagürü nüxü̃! “Choma rü taguma íchayachaxãchi nax ngunecü rü chütacü chaxaxuxü̃ nagagu i ngẽma taxü̃ i ãũcümaxü̃ i tá chorü duü̃xü̃güxü̃ ngupetüxü̃. Erü ngẽma guxchaxü̃ i tá nüxü̃ ngupetüxü̃ rü nataxüchi.

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Norü taxre ga popera ga ãẽ̱xgacügüchiga 2:17

Natürü ga nümagü rü poraãcü nanachixewegü, rü düxwa nüxü̃́ inaxĩnü nax yéma namugüãxü̃ca̱x ga yema 50 ga yatügü nax Eríaca̱x yadaugüxü̃ca̱x. Rü tomaepü̱x ga ngunexü̃ naxca̱x nayadaugü, natürü taguma nüxü̃ inayangaugü.

Naanearü ügüchiga 45:2

Rü poraãcü naxaxu. Rü yema nax poraãcü naxaxuxü̃, rü guxü̃ma ga Equítuanecüã̱x ga ãẽ̱xgacüpatawa yexmagüxü̃ rü nüxü̃ naxĩnüe. Rü düxwa Faraóü̃xü̃tawa nanguchiga ga yema.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.