Norü taxre ga popera ga ãẽ̱xgacügüchiga 8:10 - Tupanaarü Ore

¹⁰ Rü Erichéu nanangãxü̃ rü nüxü̃ ñanagürü: —¡Íixũ rü Ben-adáxmaxã nüxü̃ yarüxu nax naxca̱x tá yataanexü̃ i ngẽma norü da̱xawewa! Natürü Cori ya Tupana choxü̃ nüxü̃ nacua̱xẽxẽ rü tá nayuama —ñanagürü.

Norü taxre ga popera ga ãẽ̱xgacügüchiga 8:10 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 22:1

Rü ñu̱xũchi ga yema orearü ngeruxü̃ rü choxü̃ nüxü̃ nadauxẽxẽ ga wüxi ga natü ga ñoma bídriurüxü̃ ichipetüchiüxü̃ ga dexá ga maxẽẽruxü̃ nawa yexmaxü̃. Rü yema natü rü Tupanaarü tochicaxü̃wa rü yimá Carnéruxacüarü tochicaxü̃wa nixĩ ga ne nadaxü̃.

Chacaría 1:20

Rü yemawena Tupana choxü̃ nanawe̱x ga ãgümücü ga duü̃xü̃gü ga fieruwa puracüexü̃. Rü yexguma ga choma rü nüxna chaca rü ñacharügü: —¿Ta̱xacüwa nua naxĩ i ñaa duü̃xü̃gü i fieruwa puracüexü̃? —ñacharügü. Rü yexguma ga nüma rü choxü̃ nangãxü̃ rü ñanagürü: —Ñaa duü̃xü̃gü i fieruwa puracüexü̃ rü nua naxĩ nax namuü̃exẽẽãxü̃ca̱x rü nüxna nayauxgüãxü̃ca̱x i norü pora i ngẽma nachixü̃anegü ga nügü írüporaexü̃ ga Yudáanewa ĩxü̃ nax nawooneãxü̃ca̱x ga norü duü̃xü̃gü —ñanagürü.

Amúx 8:1

Ñaa nixĩ ga yema Cori ya Tupana choxü̃ wéxü̃. Rü nayexma ga wüxi ga pexchi ga ori̱x ga idauxü̃maxã ããcuxü̃. Rü nüma ya Cori ya Tupana rü choxna naca rü ñanagürü choxü̃: —¿Pa Amúx, ta̱xacü nixĩ i nüxü̃ cudauxü̃? —ñanagürü. Rü choma chanangãxü̃ rü ñachagürü nüxü̃: —Wüxi i pexchi i ori̱x i dauxüchixü̃maxã ããcuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —Ngẽma chorü duü̃xü̃gü i Iraétanüxü̃ rü ñoma ori̱x i daxuchixü̃rüxü̃ nixĩgü. Rü marü nangupetüxüchiama i norü chixexü̃. Rü ngẽmaca̱x marü nawa nangu nax taxũtáma wena nüxü̃́ nüxü̃ charüngümaxü̃ i norü chixexü̃ —ñanagürü.

Amúx 7:7

Rü ñu̱xũchi ñaa ta nixĩ ga Cori ya Tupana choxü̃ wéxü̃. Rü nüma ga Cori ya Tupana rü wüxi ga ĩxtapü̱xcüwagu nachi. Rü nanange ga wüxi ga ĩxtapü̱xarü ngugüruxü̃ ga nawa nüxü̃ icuáxü̃ nax mea ínatoxü̃.

Amúx 7:4

Rü ñaa nixĩ ga yema Cori ya Tupana choxü̃ wéxü̃. Rü nüxü̃ chadau nax ñoma ga naanewa namuaxü̃ ga wüxi ga üxüema ga ãũcümaxü̃ nax yemamaxã napoxcueãxü̃ca̱x ga duü̃xü̃gü. Rü yema üxüema rü nayachexẽxẽ ga yema már, rü ñu̱xũchi duü̃xü̃güarü naanegü ínagu.

Amúx 7:1

Ñaa nixĩ ga yema Cori ya Tupana choxü̃ wéxü̃. Rü nawena nax ãẽ̱xgacüca̱x nabuxgüãxü̃ ga nanetüarü o rü yexwacax naxügügu ga maxẽ rü nüxü̃ chadau ga Cori ya Tupana nax munügü ínangugüxẽẽxü̃.

Amúx 3:7

Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.

Echequié 11:25

Rü ñu̱xũchi ga choma rü yema chautanüxü̃ ga Babiróniaanewa gaguxü̃maxã nüxü̃ chixu ga guxü̃ma ga yema Tupana choxü̃ wéxü̃.

Yeremía 38:21

Rü nüma ya Cori ya Tupana rü marü choxü̃ nüxü̃ nadauxẽxẽ, Pa Ãẽ̱xgacüx, i ngẽma tá cuxü̃ ngupetüxü̃ ega cuma taxũtáma cugü icuxãxgu nüxna i Babiróniaanecüã̱xarü churaragü.

Norü taxre ga popera ga ãẽ̱xgacügüchiga 1:16

Rü yexguma ãẽ̱xgacüxü̃tawa nanguxgu ga Ería rü ãẽ̱xgacüxü̃ ñanagürü: —Cori ya Tupana rü ñanagürü cuxü̃: “Yema nax Baá-chebú i Ecróü̃arü tupananetaxü̃tawa nax cunamugüxü̃ i orearü ngeruü̃gü nax nüxna yacagüxü̃ca̱x i curü da̱xawechiga, ñoma nataxuxü̃rüxü̃ ya Tupana i Iraéanewa nax nüxna cuca̱xü̃ca̱x, rü ngẽmaca̱x taxũtáma ícurüda i curü pechicaü̃wa, rü tá cuyu” —ñanagürü cuxü̃.

Norü taxre ga popera ga ãẽ̱xgacügüchiga 1:4

¡Rü ngẽxgumarüxü̃ ta rü ngẽma ãẽ̱xgacüarü orearü ngeruü̃gümaxã nüxü̃ ixu rü choma ya Cori ya Tupana rü ñachagürü nüxü̃ i Ocochía: “Cuma rü marü taxũtáma ícurüda nawa i curü pechicaxü̃ erü tá cuyu” —ñachagürü! Rü nüma ga Ería rü yéma naxũ rü yemaacü nüxü̃ nayarüxu.

Nüxíraxü̃xü̃ ga popera ga ãẽ̱xgacügüchiga 22:15

Rü yemawena rü nüma ga Micaía rü ãẽ̱xgacüxü̃tawa naxũ. Rü nüma ga ãẽ̱xgacü rü Micaíana naca rü ñanagürü: —Pa Micaíax ¿marü namexü̃ nax naxca̱x ítayaxũãchixü̃ ya yima ĩane ya Ramóx ya Garaáxanewa ngẽxmane rüe̱xna tama? —ñanagürü. Rü nüma ga Micaía rü nanangãxü̃ rü ñanagürü: —Marü name nax naxca̱x ípeyaxü̃ãchixü̃ erü nüma ya Cori ya Tupana rü marü pexü̃ naporaexẽxẽ nax pexme̱xgu nangu̱xẽẽãxü̃ ya yima ĩane —ñanagürü.

Naanearü ügüchiga 41:39

Rü yexguma ga Faraóü̃ rü Yúchexü̃ ñanagürü: —Dücax, rü nataxuma i cuxü̃ rüyexeraxü̃ nax nüxü̃ nacuáxü̃, erü cuma nixĩ ya Tupana cuxü̃ nüxü̃ cua̱xẽẽxü̃ i guxü̃ma i ngẽma nagu chaxãnegüxü̃.

Naanearü ügüchiga 2:17

Natürü ngẽma nanetü i cua̱x i mexü̃ rü cua̱x i chixexü̃ nawa ngẽxmaxü̃, rü taxũtáma cunangõ̱x i norü o. Erü ngẽxguma tá cunangõ̱xgux rü cumaxã nüxü̃ chixu rü tá cuyu —ñanagürü.