Norü taxre ga popera ga ãẽ̱xgacügüchiga 8:1 - Tupanaarü Ore

¹ Erichéu rü ngĩmaxã nidexa ga yema nge ga ngĩnexü̃ yuwa ínadaxẽẽcü, rü ñanagürü ngĩxü̃: —¡Ínaxũxũ i nua namaxã i cutanüxü̃ rü to i nachicawa pexĩ! Erü nüma ya Cori ya Tupana rü marü nüxü̃ nixu nax 7 ya taunecü taiya tá ínguxü̃ i ñaa nachixü̃anewa —ñanagürü.

Norü taxre ga popera ga ãẽ̱xgacügüchiga 8:1 Referans Kwoze

Aguéu 1:11

Rü choma nixĩ ga íchananguxẽẽxü̃ ga yema guxchaxü̃ nax yapagüanexü̃ ga peanegüwa rü ma̱xpǘnegüwa, rü trigunecüwa, rü úbanecüwa, rü oribunecüwa rü guxü̃ma ga ta̱xacü ga petogüxü̃necüwa. Rü yema nax yapagüanexü̃gagu rü pexca̱x ínangu ga taiya rü perü wocagüca̱x rü ta —ñanagürü ga Tupana.

Wiyaegü 105:16

Rü nüma ga Tupana rü yema naanewa nanangebüanexẽxẽ rü yemaca̱x ínangu ga taxü̃ ga taiya.

Rux 1:1

Rü yexguma Iraéanecüã̱xgümaxã inacua̱xgügu ga yema ãẽ̱xgacügü ga guxchaxü̃güarü mexẽẽruü̃gü ga Tupana nüxü̃ unetaxü̃, rü ínangu ga taxü̃ ga taiya ga guxü̃ma ga yema naanewa. Rü yexgumaü̃cüxü rü Yudáanewa nayexma ga wüxi ga yatü ga Erimeréxgu ãégacü ga Beréü̃arü ĩanegu ãchiü̃cü. Rü nüma ga Erimeréx rü naxma̱x ga Noemímaxã rü nanegü ga Maróü̃ rü Querióü̃maxã Beréü̃wa inaxĩãchi nax Moáanewa naxĩxü̃ca̱x. Rü nümagü rü Efrátacüã̱x nixĩgü yerü Efráta nixĩ ga to ga naéga ga Beréü̃. Rü Moáanewa nangugü rü yexma nayaxãchiü̃gü.

Norü taxre ga popera ga ãẽ̱xgacügüchiga 4:18

Rü nüma ga gumá bucü rü niyachigü. Natürü wüxi ga ngunexü̃gu rü nanatüxü̃ ínayadau ga trigu íbuxgüxü̃tanüwa yexmaxẽ.

Naanearü ügüchiga 12:10

Rü yexgumaü̃cüxü rü nangebüane ga guxü̃ ga yema naanewa. Rü yemaca̱x ga Abráü̃ rü Equítuanewa naxũ nax yexma yaxãchiü̃xü̃ca̱x. Yerü ga noxri ínayexmaxü̃wa rü poraãcü taiya nüxü̃́ nangu̱x.

Ore i mexü̃ ga Luca ümatüxü̃ 4:25

Rü aixcüma pemaxã nüxü̃ chixu rü Iraéanewa rü nayexma ga muxũchixü̃ma ga ngexü̃gü ga iyutegüxü̃ ga yexguma Ería maxü̃gu. Rü yexguma nixĩ ga tomaepü̱x ga taunecüarü ngãxü̃ rü taguma napuxü̃, rü poraãcü nangúxü̃ ga taiya ga guxü̃ ga nachixü̃anewa.

Nüxíraxü̃xü̃ ga popera ga ãẽ̱xgacügüchiga 18:2

Rü nüma ga Ería rü inaxũãchi nax Acáxmaxã nüxü̃ yanaxuxü̃ca̱x. Rü yexguma rü poraãcü nangu̱x ga taiya ga Chamáriaanewa.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Lebítanüxü̃arü puracüchiga 26:26

Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.

Ngechuchuarü ngúexü̃gü ga yamugüxü̃arü puracüchiga 11:28

Rü natanüwa nayexma ga wüxi ga orearü uruxü̃ ga Agábu ga naéga. Rü wüxi ga ngutaque̱xewa rü inachi ga Agábu rü Tupanaãxẽ ya Üünecü nanamu nax yadexaxü̃, rü nüxü̃ nixu nax wüxi i taiya i taxü̃ tá ínguxü̃ i guxü̃ i nachixü̃anegüwa. Rü aixcüma ínangu ga yema taiya ga yexguma Cláudiu rü Rómaarü ãẽ̱xgacü ixĩxgu.

Ore i mexü̃ ga Luca ümatüxü̃ 21:22

Erü ngẽma ngunexü̃gügu tá ínangu i Tupanaarü poxcu. Rü ngẽmaãcü tá nayanguxẽxẽ i guxü̃ma i ngẽma norü ore i ümatüxü̃wa nüxü̃ yaxuxü̃.

Ore i mexü̃ ga Luca ümatüxü̃ 21:11

Rü nümaxü̃ i nachixü̃anegüwa rü poraãcü tá naxĩã̱xãchiane, rü poraãcü tá nangu̱x i taiya, rü tá nataxüchi i da̱xaweane. Rü duü̃xü̃gü rü daxũwa tá nüxü̃ nadaugü i ta̱xacü i namaxã naba̱i̱xãchiexü̃ rü taxü̃ i cua̱xruü̃gü.

Yeremía 25:29

Rü tá ichanaxügü nax chorü ĩane ya Yerucharéü̃ca̱x íchananguxẽxẽxü̃ i poxcu. ¿Rü pema nagu perüxĩnüegu rü taxũtáma pexü̃ chapoxcue? Natürü aixcüma tá pepoxcue, erü guxü̃ma i ñoma i naanewa maxẽxü̃ i duü̃xü̃güca̱x tá íchananguxẽxẽ i dai. Rü chomatama ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma!’ ” ñanagürü.

Wiyaegü 107:34

Rü ngẽma mairaxü̃ i nanetü nawa baxcaxü̃ rü Tupana rü mairaxü̃ i chixexü̃xü̃ nananguxuchixẽxẽ nagagu i norü chixexü̃ i ngẽma duü̃xü̃gü i nagu ãchiü̃güxü̃.

2 Chamué 24:13

Rü nüma ga Gáx rü Dabíxü̃tawa naxũ rü nüxna naca rü ñanagürü nüxü̃: —¿Ta̱xacü i cunaxwa̱xexü̃ nax naxüaxü̃ ya Tupana? ¿Cunaxwa̱xe nax 7 ya taunecü taiya ngúxü̃ i ñaa nachixü̃anewa, rüe̱xna cunaxwa̱xe nax 3 ya tauemacü curü uanügücha̱xwa nu ne cunañaxü̃, rüe̱xna cunaxwa̱xe i 3 i ngunexü̃ poraxü̃ i da̱xaweane naxca̱x ínguxü̃ i ñaa nachixü̃anewa? ¡Nagu rüxĩnü rü ñu̱xũchi nüxü̃ ixu i ñu̱xma i ngẽma tá namaxã chanangãxü̃xü̃ i ngẽma nua choxü̃ muxü̃! —ñanagürü.

2 Chamué 21:1

Yexguma Dabí ãẽ̱xgacü ixĩxgu rü 3 ga taunecü taiya nangu̱x. Rü nüma ga Dabí rü Cori ya Tupanamaxã nidexa. Rü nüma ga Cori ya Tupana rü Dabíxü̃ nangãxü̃ rü ñanagürü nüxü̃: —Ngẽma nax taiya ngúxü̃ rü nüma ga Chaú rü natanüxü̃ máetagüxü̃gagu nixĩ, yerü nanadai ga muxü̃ma ga Gabaóü̃cüã̱xgü —ñanagürü nüxü̃.

Naanearü ügüchiga 47:4

Rü ñu̱xma rü nua taxĩ nax nuxã ñaa nachixü̃anegu taxãchiü̃güxü̃ca̱x, erü poraãcü taiya nangu̱x i Canaáü̃anewa. Rü nataxuma ya maxẽ naxca̱x i torü carnérugü. Rü ñu̱xma, Pa Ãẽ̱xgacüx ¿rü taxũchima cuxü̃́ namexü̃ nax Gochéü̃anegu taxãchiü̃güxü̃? —ñanagürügü.

Naanearü ügüchiga 41:32

Pa Ãẽ̱xgacüx, taxree̱xpü̱xcüna nagu cuxãnegü i ngẽmatama nanegü, erü nüma ya Tupana rü aixcüma tá nanaxü i ngẽma. Rü paxatáma nanaxü.

Naanearü ügüchiga 41:25

Rü yexguma ga Yúche rü Faraóü̃xü̃ nangãxü̃, rü ñanagürü: —Pa Chorü Ãẽ̱xgacüx, ngẽma taxre i cunegügü rü wüxitama i ĩnüchiga nixĩ. Rü Tupana rü cumaxã nüxü̃ nixu i ngẽma nüma tá naxüxü̃.

Naanearü ügüchiga 26:1

Rü yexgumaü̃cüxü rü wüxi ga taxü̃ ga ngebüane ínangu ga guxü̃ma ga yema naanewa, yexguma Abraáü̃ maxü̃gurüxü̃. Rü yemaca̱x ga Ichaá rü Gueráxwa naxũ ga Firitéutanüxü̃arü ãẽ̱xgacü ga Abimeréx íyexmaxü̃wa.

Naanearü ügüchiga 41:54

Rü inaxügü ga gumá 7 ga taunecü ga nagu ngebüane íngucü, yematama Yúche nüxü̃ ixuxü̃rüxü̃. Rü guxü̃ma ga togü ga nachixü̃anewa rü poraãcü taiya nangu̱x. Natürü ga Equítuanewa rü tama taiya nangu̱x, yerü nayexma ga nabü ga namaxã nanguxü̃güxü̃.

Norü taxre ga popera ga ãẽ̱xgacügüchiga 4:38

Rü yemawena ga Erichéu rü Guirigáca̱x nataegu. Rü yexgumaü̃cüxü rü yema naanewa rü taiya nangu̱x. Rü wüxi ga ngunexü̃gu ga yexguma Erichéuxü̃ ínatomaeguãchigügu ga Tupanaarü orearü uruü̃gü, rü nüma ga Erichéu rü norü ngü̃xẽẽruü̃xü̃ ñanagürü: —¡Üxüétügu naxünagü ya yima buetare ya tacü rü ñu̱xũchi Tupanaarü orearü uruü̃güaxü̃́ naxü i wüxi i õna i dexechitanüxü̃! —ñanagürü.

Norü taxre ga popera ga ãẽ̱xgacügüchiga 7:20

Rü aixcüma yema Erichéu nüxü̃ ixuxü̃rüxü̃ nangupetü, yerü ga duü̃xü̃gü rü ĩanearü ĩã̱xgu nanapu̱xcuchigü ga guma ãẽ̱xgacüarü ngü̃xẽẽruxü̃ rü nayu.

Norü taxre ga popera ga ãẽ̱xgacügüchiga 8:2

Yema nge rü iyanguxẽxẽ ga yema Tupanaarü orearü uruxü̃ ngĩmaxã nüxü̃ ixuxü̃. Rü Firitéuanewa ixũ namaxã ga ngĩtanüxü̃. Rü 7 ga taunecü yéma iyexma.

Norü taxre ga popera ga ãẽ̱xgacügüchiga 4:36

Rü yexguma ga nüma ga Erichéu rü Guexáchica̱x naca rü ñanagürü nüxü̃: —¡Ngĩxca̱x naca i naé ya daa bucü! —ñanagürü. Rü nüma ga Guexáchi rü ngĩxca̱x naca. Rü yexguma Erichéu íyexmaxü̃wa nanguxgu, rü nüma rü ñanagürü ngĩxü̃: —Daa nixĩ ya cune —ñanagürü.

Amúx 4:6

Rü choma nixĩ ga taiya pexca̱x íchanguxẽẽxü̃ ga guxü̃nema ga perü ĩanegüwa. Rü choma nixĩ ga pexü̃́ chanatauxẽẽxü̃ ga õna ga guxü̃nema ga perü ĩanexacügüwa. Natürü woo nax yema pexca̱x íchanguxẽẽxü̃ rü tama cha̱u̱xca̱x pewoegu. Rü choma ya Cori ya Tupana nixĩ i pemaxã nüxü̃ chixuxü̃ i ngẽma.