Norü taxre ga popera ga ãẽ̱xgacügüchiga 7:1 - Tupanaarü Ore

¹ Rü nüma ga Erichéu nanangãxü̃ rü ñanagürü: —¡Irüxĩnü i Cori ya Tupanaarü ore! Erü nüma ya Cori rü ñanagürü: “Moxü̃arü ngunexü̃gu i ñaatama oragu rü daa ĩane ya Chamáriaca̱x íchocuxü̃wa rü tá natauxcha nax naxca̱x petaxegüxü̃ i 7 i litru nagúxü̃ i arína ngĩmaxã i wüxitachinütama i diẽru. Rü ngẽxgumarüxü̃ ta rü tá natauxcha nax wüxitachinü i diẽrumaxã naxca̱x petaxexü̃ i 15 litru i chebáda” —ñanagürü.

Norü taxre ga popera ga ãẽ̱xgacügüchiga 7:1 Referans Kwoze

Yochué 3:5

Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.

Ínachoxü̃xü̃chiga 16:12

—Choma rü nüxü̃ chaxĩnü i ngẽma Iraétanüxü̃ nax chixri yadexagüxü̃. ¡Rü namaxã idexa i ngẽma duü̃xü̃gü rü ñacurügü tá nüxü̃: “Rü yixcama yáuanecü rü tá namachimaxã pixãwemügü. Rü moxü̃ pa̱xmama rü tá paũ pingõ̱x ñu̱xmatáta mea namaxã pingãxpütüwegü. Rü ngẽxguma tá nüxü̃ picuã̱xãchitanü nax choma yixĩxü̃ ya Cori ya perü Tupana” —ñanagürü.

Echequié 37:4

Rü yexguma ga nüma ga Cori ya Tupana rü ñanagürü choxü̃: —¡Chauégagu namaxã idexa ya daa naxchina̱xãgü! Rü ñacugürü tá nüxü̃: “Pa Naxchina̱xãgü ya Ipagünex ¡rü iperüxĩnüe i ñaa Cori ya Tupanaarü ore!

1 Chamué 11:9

Rü yemawena rü yema duü̃xü̃gü ga Yabécüã̱xgü ga orearü ngeruü̃güxü̃ ñanagürü: —¡Namaxã nüxü̃ pixu i duü̃xü̃gü i Yabécüã̱xgü rü moxü̃ tocuchigu tá ngéma tangugü nax ítanapoxü̃xü̃ca̱x! —ñanagürü. Rü yema duü̃xü̃gü rü natanüxü̃ ga Yabécüã̱xgümaxã nüxü̃ narüxugüe ga yema ore. Rü nümagü rü poraãcü nataãẽgüxüchi.

Ínachoxü̃xü̃chiga 14:13

Rü yexguma ga Moiché rü nanangãxü̃ rü ñanagürü nüxü̃: —¡Taxuca̱xma pemuü̃e! ¡Rü mea iperüchomare rü naxca̱x perüdaunü nax ñuxãcü pexü̃ tá nax ínapoxü̃xü̃ ya Cori ya Tupana! Erü ngẽma Equítuanecüã̱xgü i ñu̱xma nüxü̃ pedauxü̃, rü tagutáma wena nüxü̃ pedaugü.

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Ínachoxü̃xü̃chiga 8:23

Rü ngẽmaãcü tá pexca̱x íchanangugüxẽxẽ i ngẽma mu̱xcügü, natürü chorü duü̃xü̃gü ingexmagüxü̃wa rü bai i wüxi i mu̱xcü tá nangẽxma. Rü moxü̃ tá nixĩ i ngẽmaãcü chanaxüxü̃’, ñanagürü cuxü̃ ya Tupana” —ñanagürü.

Norü taxre ga popera ga ãẽ̱xgacügüchiga 20:16

Rü yexguma ga nüma ga Ichaía rü ñanagürü nüxü̃: —¡Dücax, irüxĩnü i ñaa ore ya Tupana cuxca̱x nua muxü̃!:

Yema Cuáü̃ nüxü̃ dauxü̃ i yixcüra tá ngupetüxü̃chiga 6:6

Rü nüxü̃ chaxĩnü ga wüxi ga naga ga yema daxũcüã̱x ga maxẽxü̃arü ngãxü̃tanüwa inaxũxü̃ ga ñaxü̃: “Wüxi i ngunexü̃arü puracütanü rü naxãtanü i wüxi i quíru i trigu Rü wüxi i ngunexü̃arü puracütanü naxãtanü i tomaepü̱x i quíru i chebáda. ¡Natürü taxṹ i cunatatanümaexü̃ i ngẽma chíxü̃ rü yimá bínu!” ñanagürü.

Norü taxre ga popera ga ãẽ̱xgacügüchiga 4:42

Yemawena rü wüxi ga yatü ga Baá-charichácüã̱x rü Erichéuxü̃tawa nanana ga 20 ga paũ ga chebádawa üxü̃ ga yexwaca̱x íguxü̃ rü ñu̱xũchi norü chocagu trigute̱xe ga yexwaca̱xüxü̃ yéma nange. Rü nüma ga Erichéu rü norü ngü̃xẽẽruü̃xü̃ namu nax duü̃xü̃güna naxããxü̃ca̱x nax nangõ̱xgüãxü̃ca̱x ga yema paũ.

Norü taxre ga popera ga ãẽ̱xgacügüchiga 6:25

Rü taxucürüwa texé guma ĩanewa ítaxũxũ rü tixücu, rü yemaca̱x düxwa nigu̱xgü ga nawemügü rü poraãcü taiya nangu̱x ga Chamáriawa. Rü wüxi ga búrueru rü naxãtanü ga 80 tachinü ga diẽru. Rü wüxi ga litruarü ngãxü̃arü ngãxü̃ nagune ga muxtucuü̃ rü naxãtanü ga 5 tachinü ga diẽru.

Norü taxre ga popera ga ãẽ̱xgacügüchiga 6:33

Natürü yexguma namücügümaxã íyadexayane ga Erichéu, rü yéma nangu ya yema yatü ga ãẽ̱xgacü yéma muxü̃. Rü Erichéuxü̃ ñanagürü: —Ñaa guxchaxü̃ rü Tupana nixĩ i taxca̱x nua namuxü̃. Rü ngẽmaca̱x marü taxuacüma íchayangu̱xẽxẽ nax nüma rü tá tüxü̃ nangü̃xẽẽxü̃ —ñanagürü.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Nüxíraxü̃xü̃ ga popera ga ãẽ̱xgacügüchiga 22:19

Rü nüma ga Micaía rü nanangãxü̃ rü ñanagürü: —Chanaxwa̱xe i icurüxĩnü i ñaa to i norü ore ya Tupana. Rü nüxü̃ chadau ga Tupana ya norü tochicaxü̃wa rütocü, rü guxü̃ma i daxũcüã̱x i orearü ngeruxü̃ i naxü̃tagu chigüxü̃ ga norü tügünecüwawa rü norü to̱xwecüwawa.

Norü taxre ga popera ga ãẽ̱xgacügüchiga 7:16

Rü yexgumatama ga duü̃xü̃gü rü ínachoxü̃, rü yema Chíriaanearü churaragü íyexmagüxü̃wa naxĩ. Rü nanade ga guxü̃ma ga norü yemaxü̃gü rü yemawa ñuxre namaxã nataxegü. Rü yemaacü yema Cori ya Tupana nüxü̃ ixuxü̃rüü̃ãcü rü 7 litru ga arína rü wüxitachinü ga diẽru naxãtanü. Rü 15 litru ga chebáda rü wüxitachinü ga diẽru naxãtanü.

1 Chamué 15:1

Rü wüxi ga ngunexü̃gu rü Chamué rü Chaúxü̃ ñanagürü: —Nüma ga Cori ya Tupana nixĩ ga choxü̃ namuxü̃ nax chíxü̃maxã cuxü̃ chabaeruxü̃ca̱x nax yemaacü Iraéanecüã̱xgüarü ãẽ̱xgacü quixĩxü̃ca̱x. ¡Rü ngẽmaca̱x irüxĩnü i ngẽma Cori ya Tupana cumaxã nüxü̃ ixuxü̃!