Norü taxre ga popera ga ãẽ̱xgacügüchiga 4:16 - Tupanaarü Ore

¹⁶ Rü yexguma nüma ga Erichéu rü ñanagürü ngĩxü̃: —Yimá nai ya taunecüarü ñúxgumaãcü rü tá marü cunaga ya wüxi ya cune —ñanagürü. Rü ngĩma rü inangãxü̃ rü ngĩgürügü: —Pa Tupanaarü Duü̃xü̃x, tama name i ngẽmaãcü choxü̃ cuwomüxẽxẽ —ngĩgürügü.

Norü taxre ga popera ga ãẽ̱xgacügüchiga 4:16 Referans Kwoze

Naanearü ügüchiga 18:10

Rü yexguma ga wüxi ga yema naxü̃tawa ngugüxü̃ rü ñanagürü: —Nai ya taunecügu rü wena cuxü̃tagu tá chanaxũane, rü ngẽxguma i cuxma̱x i Chára rü tá marü ixíraxacü —ñanagürü. Rü ngĩma ga Chára rü yoxni bexma nüxü̃ ixĩnü ga yemaacü nax yadexaxü̃, yerü ngĩma rü bexma Abraáü̃ca̱xwegu ichi ga ĩã̱xwa.

Ore i mexü̃ ga Luca ümatüxü̃ 1:13

Natürü yema daxũcüã̱x ga Tupanaarü orearü ngeruxü̃ rü ñanagürü nüxü̃: —Pa Chacaríax, ¡taxṹ i cumuü̃xü̃! Erü Tupana rü marü nüxü̃ naxĩnü i curü yumüxẽ. Rü cuxma̱x i Erichabé rü cuxü̃́ tá ixãxãcü, rü Cuáü̃gu tá cunaxüéga.

Norü taxre ga popera ga ãẽ̱xgacügüchiga 4:28

Rü yexguma ga ngĩma rü ngĩgürügü: —Pa Corix, cumatama nixĩ ga chomaxã nüxü̃ quixuxü̃ rü tá nax chaxãxacüxü̃, rü tama choma cuxna naxca̱x chaca ga yema. Natürü ga yexguma rü cumaxã nüxü̃ chixu nax tama choxü̃ cuwomüxẽẽxü̃ ¿rü ñuxãcü i ñu̱xma i marü nayuxü̃ ya chaune? —ngĩgürügü.

Naanearü ügüchiga 17:21

Natürü yema chorü uneta ga cumaxã nüxü̃ chixuxü̃, rü tá ichayadaxẽxẽ nawa ya cune ya Ichaá i cuxma̱x i Chára ngĩne ya domarüücü ya tauemacügu tá bucü i nai ya taunecügu —ñanagürü ga Tupana.

Wiyaegü 116:11

Rü chorü ĩ̱xãchiãẽgagu rü ñacharügü: —Guxü̃ma i duü̃xü̃gü rü nidorata̱a̱xgü —ñachagürü.

Norü taxre ga popera ga ãẽ̱xgacügüchiga 2:19

Rü yema Yericúwa maxẽxü̃ ga duü̃xü̃gü, rü Erichéuxü̃ ñanagürügü: —Dücax, Pa Erichéux, daa ĩane rü mexü̃ i nachicawa nangẽxma, cuma nüxü̃ cudauxü̃rüxü̃. Natürü ngẽma norü dexá rü tama name. Rü ngẽma waixü̃mü rü tama nanetü nawa narüxü —ñanagürügü.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

Nüxíraxü̃xü̃ ga popera ga ãẽ̱xgacügüchiga 18:9

Rü Adía nanangãxü̃ rü ñanagürü: —¿Ta̱xacürü chixexü̃ ẽ̱xna chaxü i choma rü ngẽmaca̱x Acáxme̱xẽgu choxü̃ cunguxẽxẽ nax nüma choxü̃ yamáxü̃ca̱x?

Norü taxre ga popera ga ãẽ̱xgacügüchiga 4:15

Rü yexguma nüma ga Erichéu rü ñanagürü nüxü̃: —Ẽcü ¡ngĩxca̱x naca rü nua naxũ! —ñanagürü. Rü yexguma ga Guexáchi rü ngĩxca̱x nayaca, rü ngĩma rü yéma ixũ natürü ĩã̱xgutama iyachiãchi.

Norü taxre ga popera ga ãẽ̱xgacügüchiga 4:17

Natürü yema Erichéu ngĩmaxã nüxü̃ ixuxü̃rüü̃tama ningu. Rü ixãxacü, rü gumá nai ga taunecügu rü nabu ga gumá ngĩne.

Nüxíraxü̃xü̃ ga popera ga ãẽ̱xgacügüchiga 17:24

Rü ngĩma ga yema nge rü inangãxü̃ rü ngĩgürügü: —Ñu̱xma waxi nixĩ i meama nüxü̃ chacuáxü̃ i Tupanaarü duü̃xü̃ nax quixĩxü̃ rü ngẽma nüxü̃ quixuxü̃ rü Cori ya Tupanawa ne naxũxü̃ —ngĩgürügü.