Norü taxre ga popera ga ãẽ̱xgacügüchiga 4:1 - Tupanaarü Ore

¹ Rü iyexma ga wüxi ga nge ga orearü uruxü̃ naxma̱x, rü ngĩma ga yema nge rü Erichéuxü̃tawa ixũ rü yéma nüxü̃ iyarüxu rü ngĩgürügü: —Chaute rü marü nayu rü cuma rü nüxü̃ cucua̱x ga nüma rü aixcüma Tupanaxü̃ nax nangechaü̃xü̃. Natürü i ñu̱xmax i ngẽma duü̃xü̃ ga diẽru naxü̃tawa ngĩxü̃ nayaxuxü̃ ga chaute, rü chauxü̃tawa naxũ nax nüxü̃́ chanaxütanüxü̃ca̱x. Rü ngẽmaca̱x tüxü̃ nigagüchaü̃ ya yíxema taxre ya chaune norü puracütanüxü̃ruxü̃ —ngĩgürügü.

Norü taxre ga popera ga ãẽ̱xgacügüchiga 4:1 Referans Kwoze

Ore i mexü̃ ga Matéu ümatüxü̃ 18:25

Natürü yema norü duü̃xü̃ rü nangearü diẽruã̱x, rü taxuacüma norü ãẽ̱xgacüaxü̃́ nanaxütanü. Rü yemaca̱x ga yema ãẽ̱xgacü rü norü churaragüxü̃ namu nax mugüruxü̃ namaxã nataxegüxü̃ca̱x ga yema yatü, wüxigu tümamaxã ga naxma̱x rü naxacügü rü norü yemaxü̃gü, nax yemaacü naxütanüãxü̃ca̱x ga norü ngetanü.

Norü taxre ga popera ga ãẽ̱xgacügüchiga 2:3

Natürü yema ngextü̱xücügü ga Betéwa Tupanaarü orearü uruü̃ca̱x ngúexü̃ rü Erichéuca̱x nibuxmü. Rü nüxna nacagüe rü ñanagürügü: —¿Nüxü̃ cucuáxü̃ rü ñu̱xma tá nixĩ ya Tupana i cuxna yagaãxü̃ ya Ería? —ñanagürügü. Rü nüma ga Erichéu rü nanangãxü̃ rü ñanagürü nüxü̃: —Ngẽmáacüx, marü nüxü̃ chacua̱x. Natürü tama chanaxwa̱xe i nüxü̃ pixu —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:5

Rü ñu̱xũchi yema tochicaxü̃xü̃tawa inanaxũ ga wüxi ga naga ga ñaxü̃: “Name nixĩ i tórü Tupanaxü̃ picua̱xüü̃gü i guxãma i pema i buxü̃gü, rü yaxü̃gü, rü guxü̃ma i pema i nüxü̃ pengechaü̃ãcüma nax nüxü̃́ pepuracüexü̃”, ñanagürügü.

Ore i mexü̃ ga Matéu ümatüxü̃ 18:30

Natürü ga nüma ga yema yatü rü tama nüxü̃ nacuáxchaü̃ ga yema ore. Rü poxcupataü̃gu tüxü̃ napoxcuama ñu̱xmata nüxü̃́ tanaxütanü ga yema nüxü̃́ tangetanüxü̃.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Maraquía 3:16

Natürü yema duü̃xü̃gü ga Tupanaga ĩnüexü̃ rü wüxichigü namücümaxã nidexa ga Cori ya Tupanachiga. Rü nüma ga Cori ya Tupana rü inarüxĩnü ga yema nüxü̃ yaxugüxü̃. Rü Tupanape̱xewa rü wüxi ga poperagu nanaxümatü ga naéga ga yema duü̃xü̃gü ga naga ĩnüexü̃ rü namaxã taãẽgüxü̃.

Wiyaegü 147:11

Natürü ngẽma aixcüma namaxã nataãẽxü̃ nixĩ nax nüxü̃ ticua̱xüü̃güxü̃ ya yíxema nagu yaxõgüxe i norü ngechaü̃.

Wiyaegü 103:17

Natürü ngẽma Tupanaarü ngechaü̃ tümaca̱x ya yíxema naga ĩnüexe rü taguma inayacua̱x. Rü tümaxacügüwa naxüe nax guxü̃guma Tupana tümamaxã mecümaxü̃ ya yíxema mea yanguxẽẽgüxe i norü uneta rü tama nüxü̃ irüngümaexe nax naga taxĩnüexü̃ i norü mugü.

Wiyaegü 103:11

Erü ngẽma norü ngechaü̃ rü taguma inayagu̱x tümaca̱x ya yíxema naga ĩnüexe. Erü norü ngechaü̃ rü nataxüchi ngẽma daxũguxü̃ i naane rü ñoma i naanexü̃ yadüxüxü̃rüxü̃.

1 Chamué 22:2

Rü yexgumarüxü̃ ta naxü̃tawa naxĩ ga yema duü̃xü̃gü ga ãẽ̱xgacü ngetanüãcü puracüexẽẽxü̃ rü yema duü̃xü̃gü ga nangetanügüxü̃ rü yema duü̃xü̃gü ga tama ãẽ̱xgacümaxã taãẽgüxü̃. Rü nüma ga Dabí rü yema duü̃xü̃güeru nixĩ. Rü yema duü̃xü̃gü ga Dabíwe rüxĩxü̃ rü 400 ga yatügüwa nangu.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Ngechuchuarü ngúexü̃gü ga yamugüxü̃arü puracüchiga 13:26

Rü ñanagürü ga Pauru —Pa Chautanüxü̃ i Abraáü̃taagüx, rü Guxãma i Pema i To i nachixü̃anecüã̱x i Tupanaga Ĩnüexex, rü pexca̱x nixĩ i ñaa ore i tüxü̃ maxẽxẽẽxü̃.

Ore i mexü̃ ga Matéu ümatüxü̃ 18:35

Rü ñu̱xũchi ñanagürü ta: —Rü ngẽxgumarüxü̃ tá pemaxã nanaxü ya Chaunatü ya daxũgucü i ngẽxguma tama wüxichigü aixcüma peenexẽgüaxü̃́ nüxü̃ perüngümaegu i ngẽma chixexü̃ i pexca̱x ínanguẽẽxü̃ —ñanagürü.

Yeremía 34:14

“Rü ngẽxguma norü 7 ya taunecüwa nanguxgu rü wüxichigü i Iraétanüxü̃ i pexü̃ nügümaxã taxexü̃ nax perü mugüruxü̃ yixĩxü̃ca̱x rü tá ípenanguxuchixẽxẽ nawena nax marü 6 ya taunecü pexü̃́ napuracüxü̃, ñachagürü nüxü̃. Natürü ga perü o̱xigü rü tama chauga naxĩnüe rü tama nanaxü ga yema namaxã nüxü̃ chixuxü̃.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Ngu̱xẽẽtaeruü̃arü ore 8:12

Rü ngẽma duü̃xü̃ i chixexü̃ rü mue̱xpü̱xcüna chixexü̃ naxü rü woo mucüma ya taunecü namaxü̃gu, natürü nüxü̃ chacua̱x ya yíxema Tupanaxü̃ ngechaü̃xe rü ngẽma chixexü̃ üxü̃arü yexera mexü̃wa tá tangexma.

Neemía 10:31

Rü nüxü̃ tixu rü ngẽxguma ngẽma duü̃xü̃gü i tama Iraétanüxü̃ ixĩgüxü̃ ngü̃chigaarü ngunexü̃gu norü ngẽmaxü̃gümaxã núma yataxegügu rüe̱xna guxü̃raü̃xü̃ i trigute̱xemaxã nataxegügu, rü taxũtáma nüxü̃́ naxca̱x tataxegü rü bai i ngü̃chigaarü ngunexü̃gu rü bai i to i ngunexü̃ i nagu Tupanaca̱x ixaurexü̃gu. Rü nüxü̃ tixu rü ngẽxguma norü 7 ya taunecüwa nanguxgu rü taxũtáma tatoegü rü ngẽxma tá inayarüxo i guxü̃ma i ngetanügü.

Neemía 7:2

Rü nüxü̃ chaxuneta ga chauenexẽ ga Ananí nax Yerucharéü̃arü ãẽ̱xgacü yixĩxü̃ca̱x. Rü yexgumarüxü̃ ta nüxü̃ chaxuneta ga Ananía nax ãẽ̱xgacüpatamaxã inacuáxü̃ca̱x yerü nüma nixĩ ga wüxi ga yatü ga mea ta̱xacümaxã icuáxü̃ rü guxü̃ma ga duü̃xü̃güarü yexera Tupanaga naxĩnüxü̃.

Norü taxre ga popera ga ãẽ̱xgacügüchiga 4:38

Rü yemawena ga Erichéu rü Guirigáca̱x nataegu. Rü yexgumaü̃cüxü rü yema naanewa rü taiya nangu̱x. Rü wüxi ga ngunexü̃gu ga yexguma Erichéuxü̃ ínatomaeguãchigügu ga Tupanaarü orearü uruü̃gü, rü nüma ga Erichéu rü norü ngü̃xẽẽruü̃xü̃ ñanagürü: —¡Üxüétügu naxünagü ya yima buetare ya tacü rü ñu̱xũchi Tupanaarü orearü uruü̃güaxü̃́ naxü i wüxi i õna i dexechitanüxü̃! —ñanagürü.

Norü taxre ga popera ga ãẽ̱xgacügüchiga 2:5

Natürü yema ngextü̱xücügü ga Yericúwa Tupanaarü orearü uruü̃ca̱x ngúexü̃ rü Erichéuca̱x nibuxmü. Rü nüxna nacagüe rü ñanagürügü nüxü̃: —¿Nüxü̃ cucuáxü̃ rü ñu̱xma tá nixĩ ya Cori ya Tupana i cuxna yagaãxü̃ ya yimá curü ngu̱xẽẽruxü̃ ya Ería? —ñanagürügü. Rü nüma ga Erichéu rü nanangãxü̃ rü ñanagürü: —Ngẽmáacüx, marü nüxü̃ chacua̱x. Natürü tama chanaxwa̱xe i nüxü̃ pixu —ñanagürü.

Nüxíraxü̃xü̃ ga popera ga ãẽ̱xgacügüchiga 20:35

Rü yemawena rü wüxi ga yatü ga Tupanaarü orearü uruü̃gütanüxü̃ ixĩxü̃ rü namücüxü̃ ñanagürü: —Tupana rü nanaxwa̱xe nax choxü̃ cuyapi̱xẽẽxü̃. ¡Rü ngẽmaca̱x choxü̃ yapi̱xẽxẽ! —ñanagürü. Natürü ga gumá namücü rü tama nayapi̱xẽẽchaü̃.

Nüxíraxü̃xü̃ ga popera ga ãẽ̱xgacügüchiga 18:3

Rü nüma ga Acáx rü naxca̱x naca ga norü ngü̃xẽẽruxü̃ ga Adía ga aixcüma Cori ya Tupanaxü̃ ngechaü̃xü̃.

Naanearü ügüchiga 22:12

Rü yexguma ga yema daxũcüã̱x i orearü ngeruxü̃ rü ñanagürü nüxü̃: —¡Taxṹ i cuyamáxü̃ ya yimá bucü! Erü marü nüxü̃ chacua̱x nax aixcüma Tupanaga cuxĩnüxü̃ rü tama choxna cunachu̱xu ya yimá cune ya nügümaxã wüxicacü —ñanagürü.

Wiyaegü 115:13

Rü tá mexü̃ tümamaxã naxuegu ya yíxema nüxü̃ ngechaü̃güxe woo yáxe rü buxe.

Norü taxre ga popera ga ãẽ̱xgacügüchiga 6:9

Natürü Tupana rü Erichéuxü̃ nüxü̃ nacua̱xẽxẽ ga yema Chíriaanecüã̱xarü ãẽ̱xgacüarü ĩnü. Rü yemaca̱x ga Erichéu rü Iraéanecüã̱xgüarü ãẽ̱xgacüxü̃tawa namuga nax tama yema nachicawa naxĩxü̃ca̱x yerü yema Chíriaanecüã̱xgü rü yexma ínayacu̱xeü̃güchaü̃.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Rux 1:3

Natürü nüma ga Erimeréx ga Noemí ngĩte rü yexma Moáanegu nayayu. Rü ngĩma ga nama̱x ga Noemí rü ngĩxicatama yéma iyaxǘ namaxã ga taxre ga ngĩne.

Norü taxre ga popera ga ãẽ̱xgacügüchiga 2:7

Natürü 50 ga yema ngextü̱xücügü ga orearü uruü̃gü rü nawe narüxĩ. Rü yexguma Yudáü̃cutüwa nangugügu, rü Eríaarü yáxü̃waxü̃ra nayachaxãchitanü. Rü nüma ga Ería rü Erichéu rü natü ga Yudáü̃cutügu nayachigü.

Norü taxre ga popera ga ãẽ̱xgacügüchiga 2:15

Rü yexguma yema orearü uruü̃gü ga Yericúcüã̱xgü nüxü̃ daugügu ga yema ngupetüxü̃, rü tagaãcü ñanagürügü: —Ngẽma Naãxẽ ya Üünexü̃ i Eríawa ngẽxmaxü̃ rü Erichéuwa naxüe —ñanagürügü. Rü ñu̱xũchi naxca̱x naxĩ rü nape̱xegu nayangücuchitanü.

Ucu̱xẽgüchiga 22:7

Yíxema ingearü diẽruã́xẽtanüwa rü ngẽma diẽruã́xü̃ rü ãẽ̱xgacü nixĩ. Rü yíxema diẽruã́xü̃xü̃tawa diẽruca̱x íca̱xaxe, rü ngẽma diẽruã́xü̃me̱xẽwa tangexma.