Norü taxre ga popera ga ãẽ̱xgacügüchiga 3:4 - Tupanaarü Ore

⁴ Rü Mechá ga Moáanearü ãẽ̱xgacü rü carnéruarü yaẽxẽwa napuracü. Rü yemaca̱x ga Iraéanearü ãẽ̱xgacü rü namaxã nanaxuegu nax naxütanüãxü̃ca̱x ga 100,000 ga carnérugü rü naétü 100,000 ga carnérugüta̱xagü.

Norü taxre ga popera ga ãẽ̱xgacügüchiga 3:4 Referans Kwoze

2 Chamué 8:2

Rü yexgumarüxü̃ ta rü Moátanüxü̃xü̃ narüporamae. Rü ñaxtüanegu nayacamaxẽxẽ rü wüxi ga napana̱xãmaxã nanangugü. Rü yema duü̃xü̃gü ga taxrearü ngugüwa yexmagüxü̃ rü nanadai. Rü yema norü tomaepü̱xarü ngugüwa yexmagüxü̃ rü tama nanadai. Rü yemaacü ga yema Moátanüxü̃ rü Dabíme̱xẽwa nayexmagü rü nüxü̃́ nanaxütanügü ga yema diẽru ga Dabí nagu unetaxü̃.

Wiyaegü 60:8

Rü ngẽma Moáane rü chorü yauxme̱xü̃páü̃ nixĩ. Rü Edóü̃aneétügu tá chanaña i chorü chapatu. Rü ngẽma naanegümaxã tá ichacua̱x. Rü ngẽma Firitéugüarü naane, rü tagaãcü tá nüxü̃ chixu nax nüxü̃ charüporamaexü̃ —ñanagürü ya Tupana.

Yox 42:12

Rü Tupana rü poraãcü noxriarü yexera Yoxü̃ narüngü̃xẽxẽ ga yexguma marü naya̱xgu. Rü yexguma rü 14,000 wa nangu ga norü carnérugü, rü 6,000 wa ga norü caméyugü, rü 1,000 chimüxü̃wa ga norü wocagü ga puracüruxü̃ ixĩgüxü̃, rü 1,000 wa ga norü búru ga ingexü̃.

Norü taxre ga to ga popera ga ãẽ̱xgacügüchiga ümatüxü̃ 26:10

Rü yexgumarüxü̃ ta yexma naxnücüanegu nanaxü ga daxũtaechicaxü̃gü. Rü nanaxü ta ga mucüma ga puchugü ga ínadoxonexü̃wa rü ínamáxpü̱xanexü̃wa yerü namuxũchi ga norü wocagü. Rü nüma ga Uchía rü nüxü̃́ nayexma ga ñuxre ga yatügü ga norü naanegüwa puracüexü̃ rü úbanecügü ga ínamáxpü̱xanexü̃wa puracüexü̃ rü naxa̱xtügüwa puracüexü̃. Yerü norü me nixĩ ga naanewa nax napuracüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:2

Rü yexgumarüxü̃ ta Moácüã̱xgüxü̃ narüporamae. Rü nüma ga Moátanüxü̃ rü Dabíme̱xẽwa nayexmagü, rü Dabíaxü̃́ nanaxütanügü ga yema diẽru ga Dabí nagu unetaxü̃.

Naanearü ügüchiga 13:2

Rü Abráü̃ rü poraãcü namuarü yemaxü̃güã̱xü̃chi ga úiru rü diẽru rü muxü̃ma ga naxü̃nagü.

2 Chamué 8:6

Rü yemawena ga Dabí rü Damácugu nayaxüa ga norü churarapatagü. Rü yemaacü ga Chíriaanecüã̱xgü rü Dabíme̱xẽwa nayexmagü rü Dabíaxü̃́ nanaxütanügü ga yema diẽru ga Dabí nagu unetaxü̃. Rü yemaacü ga Cori ya Tupana rü Dabíxü̃ naporaxẽxẽ nax norü uanügüxü̃ naporamaexü̃ca̱x ga ngexta ínaxũxü̃wa.