Norü taxre ga popera ga ãẽ̱xgacügüchiga 3:3 - Tupanaarü Ore

³ Natürü nüma ga Yoráü̃ rü nanaxü ga yematama chixexü̃ ga Nabáx nane ga Yeruboáü̃ üxü̃ ga namaxã Iraéanecüã̱xgüxü̃ chixexü̃gu nayixẽẽxü̃.

Norü taxre ga popera ga ãẽ̱xgacügüchiga 3:3 Referans Kwoze

Nüxíraxü̃xü̃ ga popera ga ãẽ̱xgacügüchiga 14:16

Rü nüma ya Cori ya Tupana rü to i nachixü̃aneme̱xẽgu tá nananguxẽxẽ i Iraéane nagagu ga yema pecadugü ga Yeruboáü̃ üxü̃ rü yema pecadugü ga Iraétanüxü̃xü̃ naxüxẽẽxü̃ —ñanagürü.

Norü taxre ga popera ga ãẽ̱xgacügüchiga 17:22

Rü yemaacü ga yema Iraéanecüã̱xgü rü yema chixexü̃ ga Yeruboáü̃ üxü̃gu namaxẽ, rü tama nüxü̃ narüxoe.

Norü taxre ga popera ga ãẽ̱xgacügüchiga 15:18

Natürü yema Menaéü̃ üxü̃ rü nachixe ga Cori ya Tupanape̱xewa yerü tama nüxna nixũgachi ga yema pecadugü ga Nabáx nane ga Yeruboáü̃ Iraéanecüã̱xgüxü̃ nagu yixẽẽxü̃.

Norü taxre ga popera ga ãẽ̱xgacügüchiga 15:9

Natürü nüma ga Chacaría rü Tupanape̱xewa chixexü̃ naxü yema nüxíraxü̃güxü̃ ga natanüxü̃rüxü̃. Yerü tama nüxna nixũgachi ga yema pecadugü ga Nabáx nane ga Yeruboáü̃ Iraéanecüã̱xgüxü̃ nagu nayixẽẽxü̃.

Norü taxre ga popera ga ãẽ̱xgacügüchiga 14:24

Natürü guxü̃ma ga yema Tupanape̱xewa naxüxü̃ rü nachixe. Yerü tama nüxna nixũgachi ga yema chixexü̃ ga Yeruboáü̃ ga Nabáx nane üxü̃ ga Iraécüã̱xgüxü̃ nagu nayixẽẽxü̃.

Norü taxre ga popera ga ãẽ̱xgacügüchiga 13:11

Natürü nüma ga Yoá rü Tupanape̱xewa chixexü̃gu namaxü̃. Yerü tama nüxna nixũgachi ga guxü̃ma ga yematama pecadugü ga Yeruboáü̃ ga Nabáx nane Iraéanecüã̱xgüxü̃ nagu yixẽẽxü̃. Rü nanaxüama ga yema chixexü̃.

Norü taxre ga popera ga ãẽ̱xgacügüchiga 13:6

Natürü woo yemaacü Tupana nüxü̃ nax rüngü̃xẽẽxü̃, rü nagu namaxẽama ga yema pecadugü ga Yeruboáü̃ noxri Iraéanecüã̱xgüxü̃ nagu yixẽẽxü̃ ga yema natanüxü̃ ga Yeruboáü̃ ta nagu maxẽxü̃. Rü yema Iraéanecüã̱xgü nanaxügüama ga yema chixexü̃, rü tama inayanaxoxẽẽgü ga yema tupananeta ga Acheráchicüna̱xã ga Chamáriawa yexmaxü̃.

Norü taxre ga popera ga ãẽ̱xgacügüchiga 13:2

Natürü nüma ga Yoacá rü Tupanape̱xewa chixexü̃gu namaxü̃ yerü nanaxü ga yematama pecadu ga Yeruboáü̃ ga Nabáx nane Iraéanecüã̱xgüxü̃ nagu yixẽẽxü̃. Rü tama nüxü̃ narüxoxchaü̃ ga yema chixexü̃.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Nüxíraxü̃xü̃ ga popera ga ãẽ̱xgacügüchiga 15:34

Natürü yema Baachá üxü̃ rü poraãcü nachixe ga Cori ya Tupanape̱xewa. Yerü nanaxü ga yematama chixexü̃ ga Yeruboáü̃ Iraéanecüã̱xgüxü̃ nagu nayixixẽẽxü̃, rü muxü̃ma ga tupananetachicüna̱xãgüxü̃ nicua̱xüxü̃.

Nüxíraxü̃xü̃ ga popera ga ãẽ̱xgacügüchiga 15:26

Natürü yema naxüxü̃ ga nüma ga Nadáx, rü poraãcü nachixe ga Tupanape̱xewa. Rü yematama chixexü̃gü ga nanatü üxü̃ naxü. Rü muxü̃ma ga tupananetachicüna̱xãgüxü̃ nicua̱xüxü̃. Rü yemaacü poraãcü chixexü̃gu Iraéanecüã̱xgüxü̃ nayixẽxẽ.

Nüxíraxü̃xü̃ ga popera ga ãẽ̱xgacügüchiga 14:9

Natürü i cuma rü yema nüxíraxü̃güxü̃ ga ãẽ̱xgacügüarü yexera chixri cumaxü̃. Rü choxü̃ cunuxẽxẽ ga yexguma cunaxü̱xgu ga tupananetachicüna̱xãgü rü togüama ga naxchicüna̱xãgü ga fierumünaxca̱x. Rü yemaca̱xama choxü̃ cuxo.

Nüxíraxü̃xü̃ ga popera ga ãẽ̱xgacügüchiga 13:33

Rü woo yemaacü Tupana nüxü̃ nax nüxü̃ dauxẽẽxü̃, rü nüma ga ãẽ̱xgacü ga Yeruboáü̃ rü tama nüxü̃ narüxo ga yema chixexü̃ ga nagu naxĩnüxü̃. Rü wenaxarü duü̃xü̃güxü̃ naxuneta ga chacherdóte nax yixĩgüxü̃ca̱x nawa ga guma ngutaque̱xepataxü̃ ya norü tupanachicüna̱xãca̱x ixĩgüne. Rü guxema tüxü̃́ nangúchaü̃xẽ, rü nüma ga Yeruboáü̃ rü chíxü̃maxã tüxü̃ nabaeru, rü chacherdótexü̃ tüxü̃ ningucuchixẽxẽ nawa ga guma ngutaque̱xepataü̃gü.

Norü taxre ga popera ga ãẽ̱xgacügüchiga 17:21

Rü yexguma nüma ga Iraéanecüã̱xgü rü Dabítanüxü̃na yaxĩgachigu, rü nüma ga Iraéanecüã̱xgü rü nüxü̃ naxunetagü ga Yeruboáü̃ ga Nabáx nane nax norü ãẽ̱xgacü yixĩxü̃ca̱x. Rü nüma nixĩ ga Cori ya Tupanana yaxĩgachixẽẽãxü̃ ga yema Iraéanecüã̱xgü, rü ñu̱xũchi poraãcü pecadugu nayixẽẽxãxü̃.

Norü taxre ga popera ga ãẽ̱xgacügüchiga 17:23

Rü yemaca̱x ga Cori ya Tupana rü düxwa Iraéanecüã̱xgüna nixũgachi, yema guxü̃ma ga norü orearü uruxü̃güwa nüxü̃ yaxuxü̃rüxü̃. Rü yemaacü ga yema Iraéanecüã̱xgü, rü Achíriaanewa nanagagü. Rü yexguma nachiga naxümatügu rü yématama nayexmagü.

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Norü taxre ga popera ga ãẽ̱xgacügüchiga 23:15

Rü ñu̱xũchi Betéwa naxũ rü yexgumarüxü̃ ta nagu napogü ga yema tupananetaarü ãmarearü guruxü̃ rü guma ngutaque̱xepataxü̃ ga Nabáx nane ga Yeruboáü̃ üxü̃ne rü yemamaxã Iraéanecüã̱xgüxü̃ chixexü̃gu nayixẽẽxü̃. Rü nüma ga Yochía rü nagu napogü ñu̱xmata naxãte̱xemare rü ñu̱xũchi nayagu. Rü yexgumarüxü̃ ta nayagu ga yema Acheráchicüna̱xã ga yéma yexmaxü̃.