Norü taxre ga popera ga ãẽ̱xgacügüchiga 3:11 - Tupanaarü Ore

¹¹ Rü nüma ga Yochapáx rü ínaca rü ñanagürü: —¿Ẽ̱xna nataxuma i Cori ya Tupanaarü orearü uruxü̃ i nua nax ngẽmaxü̃ imuxü̃ca̱x nax Cori ya Tupanana naca̱xaxü̃ca̱x? —ñanagürü. Rü wüxi ga Iraéanearü ãẽ̱xgacüarü churaragüeru rü ñanagürü: —Nua nangẽxma ya Erichéu ya Chapáx nane ga Eríaarü ngü̃xẽẽruxü̃ ixĩcü —ñanagürü.

Norü taxre ga popera ga ãẽ̱xgacügüchiga 3:11 Referans Kwoze

Nüxíraxü̃xü̃ ga popera ga ãẽ̱xgacügüchiga 22:7

Natürü ga nüma ga Yudáanearü ãẽ̱xgacü ga Yochapáx rü ínacaama rü ñanagürü: —¿Nua rü nataxuma i to i orearü uruxü̃ i aixcüma Cori ya Tupanaarü orearü uruxü̃ ixĩxü̃ nax ngẽma rü ta namexü̃ nax nüxna íca̱xaxü̃? —ñanagürü.

Nüxíraxü̃xü̃ ga popera ga ãẽ̱xgacügüchiga 19:21

Rü nüma ga Erichéu rü Eríana nixũgachi rü taxre ga woca ga yatüxü̃ niyaxu, rü nanadai, rü ãgümücügu inanachexcu. Rü yema naixmena̱xãgü ga wocawa inaixgüxü̃maxã naxãxü̃xü̃. Rü yemawa ínanagu ga namachi, rü namücügüxü̃ nanangõ̱xẽxẽ. Rü yemawena rü Eríawe narüxũ norü ngü̃xẽẽruxü̃.

Norü taxre ga popera ga ãẽ̱xgacügüchiga 3:3

Natürü nüma ga Yoráü̃ rü nanaxü ga yematama chixexü̃ ga Nabáx nane ga Yeruboáü̃ üxü̃ ga namaxã Iraéanecüã̱xgüxü̃ chixexü̃gu nayixẽẽxü̃.

Amúx 3:7

Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.

Wiyaegü 74:9

Rü ñu̱xma rü marü nataxuma ya cupata rü nataxuma i curü orearü uruü̃gü. Rü tama nüxü̃ tacua̱x nax ñuxgu tá nangupetüxü̃ i ñaa guxchaxü̃ i toétüwa ngẽxmaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:13

Rü yexguma noxri yayaxu̱xgu ga yema baú ga Tupanaarü mugüchixü̃, rü tama pema peyayaxu. Rü yemaca̱x ga nüma ga Tupana rü nanadai ga ñuxre ga tatanüxü̃, yerü tama naga taxĩnüe rü tama nüxna icaxíraãcü tayayauxgü —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:14

Rü yemaca̱x nüma ga Dabí rü wenaxarü Cori ya Tupanana naca. Rü nüma ga Tupana rü Dabíxü̃ nangãxü̃ rü ñanagürü: —¡Taxṹ i nape̱xewaama naxca̱x ípeyaxüãchixü̃! ¡Rü nüxü̃ ípechoegu rü naweama tá naxca̱x ípeyaxüãchi i ngẽxguma ngẽma nai i pengugügu!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:10

Rü nüma ga Dabí rü Cori ya Tupanamaxã nidexa, rü nüxna naca rü ñanagürü: —¿Tá chanadaixü̃ i Firitéugü? ¿Rü nüxü̃ tá choxü̃ curüporamaexẽxẽxü̃? —ñanagürü. Rü Cori ya Tupana nangãxü̃ rü nüxü̃ ñanagürü: —¡Ẽcü nadai! Rü tá nüxü̃ cuxü̃ charüporamaexẽxẽ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13

Rü yemaacü nixĩ ga nayuxü̃ ga Chaú nagagu ga yema chixexü̃ ga naxüxü̃. Yerü nüma ga Chaú rü tama Tupanaga naxĩnü rü ñu̱xũchi yuüxü̃ ga ẽxü̃guxü̃xü̃ cuáxü̃na nayaca. Rü tama nüxna naca ga Tupana. Rü yemagagu nixĩ ga nüma ga Tupana ga nayuxẽẽãxü̃ ga Chaú rü Ichaxí nane ga Dabíxü̃ naxunetaxü̃ nax nüma Iraéanecüã̱xgüarü ãẽ̱xgacü yixĩxü̃ca̱x.

Norü taxre ga popera ga ãẽ̱xgacügüchiga 2:25

Rü ñu̱xũchi nüma ga Erichéu rü guma ma̱xpǘne ga Carméruwa naxũ. Rü yéma nataegu̱xgu rü ĩane ga Chamáriawa naxũ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:10

Rü tanaxwa̱xe i duü̃xü̃gü ngĩxü̃ nacua̱xgü nax wüxi i mexü̃ üxcü nax yixĩxü̃, rü mea ngĩxãcüxü̃ yaexẽẽcü iyixĩ, rü mea ngĩpatawa duü̃xü̃güxü̃ yaxucü iyixĩ, rü yaxõgüxü̃arü ngü̃xẽẽruxü̃ iyixĩ, rü da̱xaweexü̃arü ngü̃xẽẽruxü̃ iyixĩ. Rü ngẽmaãcü tanaxwa̱xe i guxü̃raxü̃xü̃ i mexü̃arü üruxü̃ iyixĩ.

Filipenses 2:22

Natürü i pema rü marü nüxü̃ pecua̱x nax ñuxãcü mea namaxü̃xü̃ i Timutéu, rü ñuxãcü choxü̃ nangü̃xẽẽxü̃ i Tupanaarü orearü uchigawa, ñoma wüxi i nane i nanatüxü̃ rüngü̃xẽẽxü̃rüxü̃.

Ãẽ̱xgacügü ga guxchaxü̃güarü mexẽxẽruü̃gü 20:18

Rü yexguma nüma ga Iraétanüxü̃ rü Betéwa naxĩ rü yéma Tupanamaxã nidexagü nax yemaacü nüxü̃ nacua̱xgüxü̃ca̱x nax texétücumüxíra tá yixĩxü̃ i Bẽyamíü̃tanüxü̃maxã nügü daixü̃. Rü nümax ga Cori ya Tupana nanangãxü̃ rü ñanagürü: —Ngẽma inaxügüxü̃ nax namaxã nügü nada̱i̱xü̃ rü Yudátanüxü̃xíra tá nixĩ —ñanagürü.

Yochué 9:14

Rü nüma ga Iraétanüxü̃ rü yema Gabaóü̃cüã̱xwemüxü̃ nangõ̱xnetagü, natürü tama Cori ya Tupanana nacagüexíra ga ta̱xacü tá namaxã naxüexü̃ ga yema duü̃xü̃gü.

Yochué 1:1

Rü yexguma nayuxguwena ga gumá Tupanaarü duü̃ ga Moiché, rü nüma ga Cori ya Tupana rü Moichéarü ngü̃xẽẽruxü̃ ga Yochué ga Núü̃ nanemaxã nidexa, rü ñanagürü nüxü̃:

Naanearü ügüchiga 18:4

Rü ngẽxguma cuxü̃́ namexgu rü tá íxraxü̃ i dexáca̱x íchaca nax pegü piyauxgücutügüxü̃ca̱x. ¡Rü nua castañapechitagu paxaãchi perüngü̃gü!

Norü taxre ga popera ga ãẽ̱xgacügüchiga 3:10

Rü yemaca̱x ga Iraéanearü ãẽ̱xgacü rü ñanarügü: —Dücax, Cori ya Tupana rü nua tüxü̃ nagagü i yixema tomaepü̱x i ãẽ̱xgacügü nax Moáanecüã̱xme̱xẽgu tüxü̃ nayi̱xẽẽxü̃ca̱x nax tüxü̃ nada̱i̱xü̃ca̱x —ñanagürü.

Norü taxre ga popera ga ãẽ̱xgacügüchiga 3:12

Rü nüma ga Yochapáx rü ñanagürü: —Ngürüãchi nüxü̃́ nangẽxma i wüxi i ore i Cori ya Tupana namaxã nüxü̃ ixuxü̃ i taxca̱x —ñanagürü. Rü yexgumatama ga Iraéanearü ãẽ̱xgacü rü nüma ga Yochapáx rü nüma ga Edóü̃arü ãẽ̱xgacü rü Erichéuxü̃tawa naxĩ.

Yeremía 37:17

Rü nüma ga ãẽ̱xgacü ga Chedequía rü norü churaragüxü̃ namu nax ãẽ̱xgacüpatawa Yeremíaxü̃ nagagüxü̃ca̱x. Rü yexguma Yeremía ãẽ̱xgacüpe̱xewa nagagüãgu, rü nüma ga ãẽ̱xgacü rü bexma Yeremíana naca rü ñanagürü: —¿Nangexmaxü̃ i to i ore i Cori ya Tupana cumaxã nüxü̃ yaxuxü̃? —ñanagürü. Rü nüma ga Yeremía rü nanangãxü̃ rü ñanagürü: —Ngü̃, ngẽmáacü nangẽxma. Rü Tupana rü ñanagürü: “Cumax, Pa Ãẽ̱xgacüx, rü naxme̱xgu tá cungu i ngẽma Babiróniaanearü ãẽ̱xgacü” —ñanagürü.

Norü taxre ga to ga popera ga ãẽ̱xgacügüchiga ümatüxü̃ 18:6

Natürü ga Yochapáx rü ñanagürü: —¿Ẽ̱xna nataxuma i nua i to i Tupanaarü orearü uruxü̃ nax ngẽma rü ta nüxna ica̱xaxü̃ca̱x? —ñanagürü.