Norü taxre ga popera ga ãẽ̱xgacügüchiga 3:10 - Tupanaarü Ore

¹⁰ Rü yemaca̱x ga Iraéanearü ãẽ̱xgacü rü ñanarügü: —Dücax, Cori ya Tupana rü nua tüxü̃ nagagü i yixema tomaepü̱x i ãẽ̱xgacügü nax Moáanecüã̱xme̱xẽgu tüxü̃ nayi̱xẽẽxü̃ca̱x nax tüxü̃ nada̱i̱xü̃ca̱x —ñanagürü.

Norü taxre ga popera ga ãẽ̱xgacügüchiga 3:10 Referans Kwoze

Ichaía 51:20

Pa Yerucharéü̃cüã̱x, pema rü ñoma cowügü i yütagu yixü̃rüxü̃ peturae rü namagüarü poxõchigüwa pecaquegü. Rü Tupanaarü nu rü pexna nangu rü ngẽmaca̱x ngúxü̃ pingegü.

Ichaía 8:21

Rü duü̃xü̃gü rü tá nuxica ne nanaxĩ, rü tá chixri namaxã nachopetü rü tá nataiyae. Rü ngẽma taiya tá nananuexẽxẽ. Rü chixexü̃ i ore tá norü ãẽ̱xgacümaxã nixugüe. Rü dauxü̃ nadaunüãcüma tá chixexü̃ norü Tupanamaxã nixugüe.

Ucu̱xẽgüchiga 19:3

Ngẽma duü̃xü̃ i tama naãẽxü̃ cuáxü̃, rü nüxna nixũgachi i ngẽma nacüma i mexü̃, rü ñu̱xũchi Cori ya Tupanana nanaxu nax yimágagu yixĩxü̃ i nüxna yaxũgachixü̃.

Norü taxre ga popera ga ãẽ̱xgacügüchiga 6:33

Natürü yexguma namücügümaxã íyadexayane ga Erichéu, rü yéma nangu ya yema yatü ga ãẽ̱xgacü yéma muxü̃. Rü Erichéuxü̃ ñanagürü: —Ñaa guxchaxü̃ rü Tupana nixĩ i taxca̱x nua namuxü̃. Rü ngẽmaca̱x marü taxuacüma íchayangu̱xẽxẽ nax nüma rü tá tüxü̃ nangü̃xẽẽxü̃ —ñanagürü.

Naanearü ügüchiga 4:13

Rü yexguma ga Caíü̃ rü Cori ya Tupanaxü̃ nangãxü̃ rü ñanagürü: —Nataxüchi i ñaa poxcu i chomaxã cuxueguxü̃, rü tama yáxna namaxã chaxĩnü.

Norü taxre ga popera ga ãẽ̱xgacügüchiga 3:9

Rü yemaacü ga Iraéanearü ãẽ̱xgacü rü Yudáanearü ãẽ̱xgacü rü Edóü̃anearü ãẽ̱xgacü rü wüxigu inaxĩãchi. Natürü yema 7 ga ngunexü̃ nax ínaxĩxü̃, rü düxwa nayagu̱x ga norü dexá ga norü churaragü rü naxü̃nagü.

Norü taxre ga popera ga ãẽ̱xgacügüchiga 3:11

Rü nüma ga Yochapáx rü ínaca rü ñanagürü: —¿Ẽ̱xna nataxuma i Cori ya Tupanaarü orearü uruxü̃ i nua nax ngẽmaxü̃ imuxü̃ca̱x nax Cori ya Tupanana naca̱xaxü̃ca̱x? —ñanagürü. Rü wüxi ga Iraéanearü ãẽ̱xgacüarü churaragüeru rü ñanagürü: —Nua nangẽxma ya Erichéu ya Chapáx nane ga Eríaarü ngü̃xẽẽruxü̃ ixĩcü —ñanagürü.